Krushna Abhishek: कॉमेडियन-अभिनेता कृष्णा अभिषेक नेहमी खासगी आयुष्यामुळे चर्चेत असतो. त्याला शूजची प्रचंड आवड आहे. नुकताच कृष्णा अभिषेकने ते ठेवण्यासाठी वेगळा फ्लॅट खरेदी केला आहे. ‘द ग्रेट इंडियन कपिल शो’पासून ‘बिग बॉस’ आणि ‘लाफ्टर शेफ’पर्यंत अनेक रिअॅलिटी शोमध्ये हजेरी लावून प्रेक्षकांचे मनोरंजन करणाऱ्या कृष्णा अभिषेकने नुकत्याच दिलेल्या एका मुलाखतीत सांगितले की, त्याने राहण्यासाठी नाही तर शूज आणि कपडे ठेवण्यासाठी थ्री बीएचके फ्लॅट खरेदी केला होता. तो या फ्लॅटचा वापर स्टोअर हाऊस म्हणून करतो. इतकंच नाही तर कृष्णा दर 6 महिन्यांनी आपल्या शूज आणि कपड्यांचे हे कलेक्शन अपडेट करतो.

गायिका आशा भोसले यांची नात जनाई भोसले अनेकदा त्यांच्यासोबत पाहायला मिळते. ही आजी आणि नातीची जोडी अनेकदा एकत्र पाहायला मिळते. सध्या सोशल मीडियावर जनाईच्या काही फोटोंची चर्चा रंगली आहे. खरंतर जनाईने नुकताच तिचा वाढदिवस साजरा केला. दरम्यान, एका फोटोने सर्वांचे लक्ष वेधले आहे. या फोटोमध्ये जनाई ही क्रिकेटपटू मोहम्मद सिराज दिसत आहे. त्यामुळे नेटकऱ्यांच्या मनात अनेक प्रश्न उपस्थित झाले आहेत.

बॉलिवूडचा खिलाडी अभिनेता अक्षय कुमारचे गेल्या काही वर्षांपासून सिनेमे फ्लॉप ठरताना दिसत आहेत. मात्र, यंदाचे वर्ष हे अक्षयसाठी चांगले असणार असे चित्र आहे. नुकताच अक्षय कुमारचा स्कायफोर्स हा चित्रपट चित्रपटगृहात प्रदर्शित झाला आहे. या चित्रपटात अक्षयसोबत वीर पहारिया मुख्य भूमिकेत दिसत आहे. अक्षय कुमारचा हा चित्रपट त्याच्यासाठी लकी ठरत आहे. बॅक टू बॅक फ्लॉप चित्रपटांनंतर अक्षयच्या या चित्रपटाने चांगली सुरुवात केली आहे. चित्रपटाच्या कमाईबद्दल बोलायचे झाले तर प्रदर्शनाच्या दुसऱ्या दिवशी या चित्रपटाने मोठी झेप घेतली आहे.

बॉलिवूड अभिनेत्री दीपिका पादूकोण सध्या एका वेगळ्या कारणामुळे चर्चेत आहे. काही दिवसांपूर्वी दीपिकाने एका मुलीला जन्म दिला. तिने मुलीचे नाव दुआ ठेवले. त्यानंतर दीपिकाने फिल्म इंडस्ट्रीमधून ब्रेक घेतला होता. आता दीपिका रॅम्प वॉक करताना दिसली. त्याचा वॉक पाहून चाहते आनंदी झाले आहेत. अनेकांनी तर दीपिकाची तुलना सदाबहार अभिनेत्री रेखा यांच्याशी केली आहे.