Karad Crime News :  सातारा जिल्ह्यातील कराड तालुक्यात भीषण अपघात झाल्याची घटना घडली आहे. ठाणे जिल्ह्यातील शहापूरच्या उपविभागीय अधिकाऱ्यांला कराडमध्ये कारने उडवले आहे. या अपघातात उपविभागीय अधिकाऱ्याचा जागीच मृत्यू झाला आहे. हा अपघात की घातपात? असा सवाल उपस्थित केला जात आहे. अशातच या घटनेबाबत महत्वाची अपडेट समोर आली आहे. ठाणे जिल्ह्यातील शहापूरच्या अभियंत्याचा घातपातच झाला आहे. पत्नी आणि मेहुण्याने मिळून काटा काढला आहे. या अपघाताचा सीसीटीव्ही समोर आला आहे. लक्ष्मण मंडले असे अभियंत्याचे नाव होतं. 

नेमकं प्रकरण काय?

ठाणे जिल्ह्यातील शहापूर तालुक्यातील येथे मृदू व जलसंधारण विभागात अभियंता असलेल्या लक्ष्मण मंडले यांना पहाटे साडेपाच वाजता कराड शहरातील यशवंतराव चव्हाण बहुउद्देशीय हॉल समोर  सुमारास एका भरधाव चारचाकी कारने उडवले होते. दोन वेळा त्याच्या अंगावरून कार घालवली त्यानंतर त्याच्याकडील बॅग घेतली आणि गाडी चालक पसार झाला. या घटनेचा सीसीटीव्ही आता समोर आला आहे. अत्यंत भयानक रित्या अभियंत्याच्या अंगावर गाडी घातली. या घटनेनंतर घटनास्थळावरून चालक चारचाकी कारसह फरार झाला होता. यामध्ये अभियंत्याचा जागीच मृत्यू झाला आहे. कार चालकाने पलायन केल्याने हा अपघात की घातपात असा संशय व्यक्त केला जात होता. अखेर 12 तासाच्या आत  कराड शहर पोलिसांनी या घटनेचा उलगडा केला असून हा अपघात नसून घातपात असल्याचे समोर आले आहे. 

या घातपातात पत्नी सुरेखा आणि मेहुणा संग्राम या दोघांना पोलिसांनी ताब्यात घेतले आहे. अभियंता लक्ष्मण मंडले हे कराड तालुक्यातील मनव गावचे असून त्यांनी महाबळेश्वर कराड येथे काम केले आहे.

परभणीच्या जिंतूर तालुक्यात भीषण अपघात, आजी, आजोबांसह नातवाचा जागीच मृत्यू

परभणीच्या जिंतूर तालुक्यात भीषण अपघात झाल्याची घटना घडली आहे. या अपघातात आजी, आजोबांसह नातवाचा जागीच मृत्यू झाला आहे. कोक–पिंपरी फाट्याजवळ एसटी बस आणि दुचाकी यांच्यात झालेल्या भीषण अपघातात एकाच कुटुंबातील तिघांचा जागीच मृत्यू झाला. या हृदयद्रावक घटनेमुळे शेवडी गावासह संपूर्ण परिसरात शोककळा पसरली आहे.

जिंतूरच्या शेवडी गावातील भगवान बळीराम काळे, सुशिलाबाई भगवान काळे आणि त्यांचा नातू शिवम काळे हे कवडगाव येथे एका कौटुंबिक कार्यक्रमाला उपस्थित राहून दुचाकीवरून घरी परतत होते. यावेळी कोक–पिंपरी फाट्याजवळ जिंतूरहून परभणीकडे जाणाऱ्या छत्रपती संभाजीनगर–परभणी एसटी बसने त्यांच्या दुचाकीला जोरदार धडक दिली. धडक इतकी भीषण होती की तिघांचाही जागीच मृत्यू झाला. अपघातानंतर भगवान काळे हे दुचाकीसह एसटी बसखाली अडकल्याने घटनास्थळी अत्यंत विदारक परिस्थिती निर्माण झाली होती. अपघाताची माहिती मिळताच परिसरातील नागरिकांनी घटनास्थळी मोठी गर्दी केली. अपघातानंतर एसटी बस चालकाने थेट बोरी पोलीस ठाण्यात हजर होत घटनेची माहिती दिली. पोलिसांनी चालकाची चौकशी सुरू केली असून अपघाताचे नेमके कारण शोधण्याचे काम सुरू आहे.एकाच कुटुंबातील आजी, आजोबा आणि नातवाचा मृत्यू झाल्याने शेवडी गावावर शोककळा पसरली असून काळे कुटुंबावर दुःखाचा डोंगर कोसळला आहे.

Karad Accident News :  सातारा जिल्ह्यातील कराड तालुक्यात भीषण अपघात झाल्याची घटना घडली आहे. ठाणे जिल्ह्यातील शहापूरच्या उपविभागीय अधिकाऱ्यांला कराडमध्ये कारने उडवले आहे. या अपघातात उपविभागीय अधिकाऱ्याचा जागीच मृत्यू झाला आहे. हा अपघात की घातपात? असा सवाल उपस्थित केला जात आहे. पोलिसांकडून संशयितांची चौकशी सुरु करण्यात आली आहे.  शनिवार, रविवार सुट्टीला घरी परतत असताना कारने उडवल्याने हा अपघात झाला आहे. या प्रकरणी सखोल चौकशी करण्याची मागणी केली आहे. 

घटनेनंतर घटनास्थळावरुन चालक चारचाकी कारसह फरार झाला

ठाणे जिल्ह्यातील शहापूर तालुक्यातील येथे मृदू व जलसंधारण विभागाच्या उपविभागीय अधिकारी लक्ष्मण मंडले यांना कराड शहरातील यशवंतराव चव्हाण बहुउद्देशीय हॉल समोर पहाटे साडेपाच वाजण्याच्या सुमारास एका भरधाव चारचाकी कारने उडवले आहे.  या घटनेनंतर घटनास्थळावरुन चालक चारचाकी कारसह फरार झाला आहे. अधिकाऱ्याचा जागीच मृत्यू झाला आहे. कार चालकाने पलायन केल्याने हा अपघात की घातपात असा संशय व्यक्त केला जात आहे. कराड शहर पोलिसांकडून घटनास्थळावरील पंचनामा केला असून काही संशयितांची कसून चौकशी सुरू केली जात आहे.

नालासोपारा-विरार लिंक रोडवर भीषण अपघात, दोघांना गंभीर दुखापत

नालासोपारा-विरार लिंक रोडवरील शनी मंदिराजवळ शनिवारी दुपारी झालेल्या भीषण अपघातात ह्युंदाई आय-20 कारच्या एअरबॅग वेळेत न उघडल्याने कारमधील दोघांना गंभीर दुखापत झाल्याची बाब समोर आली आहे. या अपघातात एकूण पाच जण जखमी झाले असून त्यापैकी एका व्यक्तीची प्रकृती चिंताजनक आहे.माहितीनुसार, विरारहून नालासोपाराकडे जाणारी ह्युंदाई व्हेन्यू कार आणि वळण घेत असलेली ह्युंदाई आय-20 कार यांच्यात जोरदार धडक झाली. धडकेनंतर व्हेन्यू कारमधील सर्व एअरबॅग उघडल्याने त्यातील अर्नाळा पोलीस ठाण्याचे एपीआय पूर्बे आणि महाराष्ट्र सुरक्षा बलाचे दोन कर्मचारी  किरकोळ दुखापत झाली. मात्र, आय-२० कारच्या एअरबॅग न उघडल्याने त्यातील दोघांना गंभीर दुखापत झाली. सर्व जखमींना उपचारासाठी रुग्णालयात दाखल करण्यात आले असून एअरबॅग न उघडण्याच्या कारणासह अपघाताचा तपास नालासोपारा पोलीस करत आहेत.

मुंबई–अहमदाबाद राष्ट्रीय महामार्गावर महालक्ष्मी परिसरात गॅस वाहून नेणाऱ्या टँकरचा भीषण अपघात झाला आहे. चालकाचा वाहनावरील ताबा सुटल्याने टँकर महामार्गापासून अवघ्या २० फूट अंतरावर जाऊन पलटी झाला. अपघातानंतर टँकरमधून कार्बन डाय-ऑक्साइड वायूची गळती सुरू झाल्याने परिसरात काही काळ भीतीचे वातावरण निर्माण झाले. सुदैवाने या घटनेत कोणतीही जीवितहानी झाली नसली तरी सुरक्षेच्या दृष्टीने प्रशासन सतर्क झाले आहे.