Saif Ali Khan Police Protection : बॉलिवूड अभिनेता सैफ अली खानवर १६ जानेवारीच्या रात्री उशिरा हल्ला झाला होता. चोरट्याने घरात घुसून अभिनेत्यावर चाकूने सहा वार केले होते. आरोपी सध्या पोलिसांच्या ताब्यात आहे. सैफही दोन शस्त्रक्रिया करून घरी परतला आहे. या हल्ल्याने सैफ आणि त्याच्या कुटुंबाला मोठा धक्का बसला आहे. संपूर्ण खान कुटुंब सध्या चिंतेत असून, घरात भीतीचं वातावरण आहे.
Ladki bahin yojana Fraud : राज्यसह देशाच्या अनेक भागात मोठ्या प्रमाणात बांग्लादेशी नागरिक राहत असल्याचं समोर आलं आहे. आता हे नागरिक देशातील शासकीय योजनांचा देखील लाभ घेतल्याची माहिती समोर आली आहे. मुंबईत एका बांग्लादेशी महिलेने लाडकी बहीण योजनेचा लाभ घेतल्याची धक्कादायक माहिती समोर आली आहे. मुंबईतील कामाठीपुरा परिसरात ही महिला वास्तव्यास असून तिने लाडकी बहीण योजनेसाठी अर्ज केला होता. तिचा अर्ज मंजूर झाला होता व तिला या योजेचे पैसे देखील देण्यात आल्याच उघड झालं आहे. या प्रकरणी मुंबई पोलिसांनी कारवाई केली असून ५ जणांना अटक केली आहे.
Vivek Ramaswamy News : भारतीय वंशाचे विवेक रामास्वामी यांची अमेरिकेच्या डोनाल्ड ट्रम्प प्रशासनातून हकालपट्टी करण्यात आली आहे. त्यांनी अलीकडेच एच१बी व्हिसाबाबत केलेल्या विधानामुळे त्यानां बाहेरचा रस्ता दाखवल्याची चर्चा आहे. या सोबतच ट्रम्प सरकारचा डीओजीई म्हणजेच सरकारी कार्यक्षमता विभाग सांभाळणारे अब्जाधीश एलन मस्क यांचा देखील रामास्वामी यांना बाहेर काढण्याचा दबाव त्यांची हकालपट्टी करण्यामध्ये एक प्रमुख करण असल्याचं बोललं जात आहे.
Narendra Modi Latest Tweet : देशाच्या राजकारणातील एक महान नेते शिवसेनाप्रमुख दिवंगत बाळासाहेब ठाकरे यांची आज जयंती. बाळासाहेबांच्या जयंतीच्या निमित्तानं देशभरातून त्यांना आदरांजली वाहिली जात आहे. पंतप्रधान नरेंद्र मोदी यांनी देखील ‘एक्स’च्या माध्यमातून बाळासाहेबांना अभिवादन केलं आहे. बाळासाहेब हे आपल्या विचारधारेवर प्रगाढ विश्वास असलेले व त्याप्रती ठाम असलेले नेते होते, असं नरेंद्र मोदी यांनी म्हटलं आहे.
फलटण: फलटण नगरपरिषदेचे मुख्याधिकारी निखिल मोरे यांच्या मनमानी कारभाराविरोधात चार ठेकेदारांनी फलटण दिवाणी न्यायालयात याचिका दाखल केली आहे. ठेकेदारांचा दावा आहे की, ठेक्याच्या कालावधीचा मुदत संपलेला नसतानाही मुख्याधिकारी निखिल मोरे यांनी बेकायदेशीरपणे नवीन निविदा प्रक्रिया राबवली आहे.
संबंधित ठेकेदारांच्या म्हणण्यानुसार, सिटी सर्व्हे नंबर ६४८४ (लक्ष्मीनगर बगीचा), लक्ष्मीनगर नाना-नानी पार्क, महतपुरा पेठेतील श्रीमंत रामराजे नाईक निंबाळकर उद्यान, सिटी सर्व्हे नंबर १९०७ (शनीनगर बगीचा), आणि सर्व्हे नंबर १११ येथील बागांच्या देखभालीचे ठेके यापूर्वी मंजूर झाले होते. ठेकेदारांनी करारनाम्याच्या अटींनुसार काम सुरू केले होते.
संबंधित ठेकेदारांनी दिलेल्या माहितीनुसार, लक्ष्मीनगर बगीचा व नाना-नानी पार्कच्या ठेक्याची मुदत ३१ मार्च २०२६ पर्यंत आहे, तर महतपुरा येथील बगीचा आणि शनीनगर बगीच्याची मुदत अनुक्रमे १ फेब्रुवारी २०२७ व ३१ मार्च २०२६ पर्यंत आहे. मात्र, मुख्याधिकारी निखिल मोरे यांनी २० जानेवारी २०२५ रोजी दैनिक पुण्यनगरी व गंधवार्ता या वर्तमानपत्रांमध्ये नवीन वार्षिक निविदा प्रसिद्ध केल्या.
ठेकेदारांनी आरोप केला की, त्यांचा ठेका सुरू असताना नव्या निविदेच्या माध्यमातून आर्थिक नुकसान करण्याचा डाव आखला जात आहे. ठेकेदारांनी याला हुकूमशाही व मनमानी कारभार ठरवले आहे.
संबंधित चार ठेकेदारांनी फलटण दिवाणी न्यायालयात याचिका दाखल केली असून मुख्याधिकारी मोरे यांना कायदेशीर नोटीस बजावली आहे. तसेच, या मुद्द्यावर महाराष्ट्राचे उपमुख्यमंत्री व नगर विकास मंत्री एकनाथ शिंदे यांच्याकडे देखील दाद मागणार असल्याचे ठेकेदारांनी जाहीर केले आहे.
ठेकेदारांनी मुख्याधिकारी निखिल मोरे यांना बेकायदेशीररीत्या काढलेल्या निविदा तातडीने मागे घेण्याचे आवाहन केले आहे. तसे न झाल्यास नगरपरिषदेसमोर कुटुंबीयांसह आमरण उपोषण करण्याचा इशारा दिला आहे.
सदर घटनेमुळे फलटण नगरपरिषदेत वादाची ठिणगी पडली आहे. मुख्याधिकारी मोरे यांच्या निर्णयावर अनेक शंका उपस्थित केल्या जात असून संबंधित ठेकेदारांना न्याय मिळणार का, याकडे सर्वांचे लक्ष लागले आहे.
Seasons Forst Snowfall Video : बर्फवृष्टीनंतर कसं दिसतंय भारतातील सर्वात शेवटचं गाव? कुठे दडलाय निसर्गाचा हा चमत्कार? व्हिडीओ पाहा… क्षणात भारावून जाल
Source link
Ramesh Sippy Birthday : बॉलिवूडमध्ये असे अनेक चित्रपट बनले आहेत, जे तुम्ही कल्ट सिनेमा म्हणून पाहू शकता. यापैकी एक म्हणजे ‘शोले’, अमिताभ बच्चन-जया भादुरी, धर्मेंद्र-हेमा मालिनी स्टारर हा चित्रपट जेव्हा थिएटरमध्ये प्रदर्शित झाला, तेव्हा सर्वत्र खळबळ उडाली होती. हा चित्रपट त्याच्या गाण्यांपासून ते त्याच्या कथेपर्यंत लोकांना अजूनही आठवतो. आजही शोलेच्या काही सीन्ससाठी लोक दिवाने आहेत. आजही या चित्रपटाचे संवाद लोकांच्या ओठावर आहेत. चित्रपटाचे दिग्दर्शक रमेश सिप्पी होते, ज्यांचे स्वतःचे आयुष्य एखाद्या चित्रपटाच्या कथेपेक्षा कमी नाही. आज त्यांच्या वाढदिवस असून, यानिमित्ताने त्यांची प्रेमकथा कशी होती, हे जाणून घेऊया.
Hyderabad Crime : माणुसकीला हादरवून टाकणारी व क्रूरतेचा कळस गाठणारी एक घटना हैदराबादमध्ये उघडकीस आली आहे. किरकोळ कारणावरून पत्नीशी वाद झाल्याने पतीने तिची हत्या केली आहे. यानंतर आरोपीने पत्नीच्या मृतदेहाचे तुकडे करून ते प्रेशर कुकरमध्ये शिजवून त्याची विल्हेवाट लावली आहे. या प्रकरणी पोलिसांनी आरोपीला अटक केली आहे. मृत महिला ही आठवड्यापासून बेपत्ता असल्याची तक्रार तिच्या घरच्यांनी दाखल केली होती. त्यानंतर पोलिसांनी शोध घेतला असता ही धक्कादायक घटना समोर आली.
Maharashtra IMD Weather Update : राज्यात हवामानात मोठा बदल झाला आहे. गेल्या काही दिवसांपासून किमान तापमानात वाढ झाली आहे. तर कमाल तापमान देखील वाढले आहे. राज्यात काही ठिकाणी थंडीचा जोर कायम आहे. तर काही ठिकाणी उकाड्याने नागरिक हैराण झाले आहेत. सकाळी गारठा व दुपारी ऊन अशी स्थिती आहे. हवामान विभागाने पुढील ४८ तासात तापमानात मोठा बदल होण्याची शक्यता वर्तवली आहे. मध्य महाराष्ट्र, मराठवाड्यात तापमानात मोठी वाढ झाली आहे. तर उत्तर महाराष्ट्र आणि विदर्भात तापमान २ ते ३ अंशांनी वाढ होण्याची शक्यता आहे. पुढील पाच पाच दिवसात राज्यात कोरडे व शुष्क वारे वाहणार असून याच परिणाम देखील हवामानावर होणार आहे.
Walmik Karad health News : संतोष देशमुख हत्या प्रकरणातील प्रमुख आरोपी असलेल्या वाल्मीक कराडची प्रकृती मध्यरात्री अचानक खराब झाली. त्याच्या पोटात दुखत असल्याने तसेच त्याला ताप आल्याने त्याला मध्यरात्री बीडच्या जिल्हा सरकारी रुग्णालयात दाखल करण्यात आले. येथील अतिदक्षताविभागात त्याच्यावर उपचार सुरू आहेत.
