ट्रेलर रिलीज होण्यापूर्वी ‘ओएमजी २’ हा चित्रपट सेन्सॉर बोर्डाला दाखवण्यात आला होता आणि सेन्सॉर बोर्डाने तो यु/अ प्रमाणपत्रासह पास केला आहे. आता ट्रेलर रिलीजनंतर निर्माते चित्रपटाचे जोरदार प्रमोशन करणार आहेत. मात्र, सेन्सॉर बोर्डने या चित्रपटात काही बदल देखील केले आहेत. सर्वात मोठा बदल म्हणजे आतापर्यंत या चित्रपटातील अक्षय कुमारचे पात्र भगवान शिवाचे होते. परंतु, आणखी वाद टाळण्यासाठी सीबीएफसीने अक्षयचे पात्र भगवान महादेवावरून शिवाच्या गणात बदलले आहे. सेन्सॉर बोर्ड ज्याप्रकारे चित्रपटाचे अतिशय बारकाईने निरीक्षण करत होते, त्यामुळे चित्रपटाच्या प्रदर्शनाची तारीख पुढे ढकलली जाईल असा कयास बांधला जात होता. मात्र, हा चित्रपट नियोजित तारखेला म्हणजेच ११ ऑगस्ट रोजी प्रदर्शित होणार आहे.

याआधी एका मुलाखतीत धर्मेंद्र यांनी शबानासोबतच्या किसिंग सीनबद्दल सांगितले होते. या सीनवर बोलताना धर्मेंद्र म्हणाले होते की, ‘माझ्याही कानावर आलं की, शबाना आणि माझ्या किसिंग सीनने प्रेक्षक हैराण झाले होते. मला वाटते की, लोकांना याची अपेक्षा नव्हती, म्हणूनच त्याचा जास्त प्रभाव पडला. गेल्या वेळी मी लाईफ इन अ मेट्रोमध्ये नफीसा अलीसोबत एक किसिंग सीन केला होता आणि त्यावेळी लोकांना तो खूप आवडला होता.’

चित्रपटाला यु/ए प्रमाणपत्र मिळाल्याने हा चित्रपट सर्व वयोगटातील लोक पाहू शकतात. मीडिया रिपोर्टनुसार, सेंट्रल बोर्ड ऑफ डिलम सर्टिफिकेशनने १० कट्सनंतर चित्रपटाला युए प्रमाणपत्र दिले आहे. सेन्सॉर बोर्डाच्या निर्णयापुढे निर्मात्यांना देखील माघार घ्यावी लागली आहे. या चित्रपटात एक दृश्य आहे, ज्यामध्ये दंगलीत सहभागी असलेले लोक ‘हर हर महादेव’ चा नारा देत आहेत. सीबीएफसीने हा संवाद काढून टाकण्याचा सल्ला दिला होता. बोर्डाच्या निर्णयानंतर हा संवाद काढून टाकण्यात आला आहे. याशिवाय चित्रपटातून शिव तांडव श्लोकही काढून टाकण्यात आला आहे. त्या ऐवजी आता यात ‘अखंड है…वो संग है’ या ओळी ऐकू येणार आहेत.

पोलिसांकडून मिळालेल्या माहितीनुसार, नितीन देसाई यांनी कर्जत येथील एनडी स्टुडिओमध्ये पंख्याला गळफास घेऊन आत्महत्या केली. याप्रकरणी पोलीस आता सर्व बाजूंचा तपास करत आहेत. पोलिसांना नितीन देसाईच्या फोनमध्ये एक ऑडिओ क्लिपही सापडली असून, त्यात काही लोकांचा उल्लेख आहे. सध्या नितीन चंद्रकांत देसाई यांचा मृतदेह पोस्टमॉर्टमसाठी जेजे रुग्णालयात पाठवण्यात आला आहे. त्यांचा मोबाईल फोन आणि इतर उपकरणे पोलिसांकडून जप्त करण्यात आली आहेत. या सगळ्याचा तपास पोलीस करत आहेत. पोलिसांनी त्यांच्या केअरटेकर आणि ड्रायव्हरचे जबाबही घेतले असून, त्यांची चौकशी केली जात आहे.

अभिषेक मल्हान हा ‘बिग बॉस ओटीटी सीझन २’ या शोचा पहिला फायनलिस्ट तर ठरला आहेच. पण, या सीझनच्या घराचा शेवटचा कॅप्टनही बनला आहे. या विजयानंतर आता अभिषेक मल्हान सोशल मीडियावर देखील ट्रेंड करत आहे. सोशल मीडियावर त्याचे चाहते अभिषेकच्या या विजयाचा आनंद साजरा करत आहेत. इतकेच नाही तर, अनेकजण त्याला बिग बॉस ओटीटी २चा विजेता देखील म्हणत आहेत. अभिषेक व्यतिरिक्त एल्विश यादव, मनीषा राणी, पूजा भट्ट, जेडी हदीद, जिया शंकर, अविनाश सचदेव आणि बाबिका धुर्वे या शोमध्ये टिकून राहिले आहेत. मीडिया रिपोर्ट्सनुसार, ‘बिग बॉस ओटीटी २’ या शोचा फिनाले १२ किंवा १३ ऑगस्टला होणार आहे.

काल म्हणजेच २ ऑगस्ट रोजी कला दिग्दर्शक नितीन देसाई यांनी कर्जत येथील त्यांच्या एनडी स्टुडिओमध्ये गळफास घेऊन आत्महत्या केली. मंगळवारी रात्री दहाच्या सुमारास ते आपल्या खोलीत झोपण्यासाठी गेले होते. मात्र, दुसऱ्या दिवशी सकाळी दार न उघडल्याने कर्मचारी चिंतेत पडले. नितीन देसाई यांच्या अंगरक्षक आणि कर्मचाऱ्यांनी अनेकवेळा दरवाजा ठोठावला, पण कोणीही तो उघडला नाही आणि आतून प्रतिसादही आला नाही. त्यावेळेस कर्मचाऱ्यांनी खिडकीतून डोकावून पाहिलं, तर त्यांचा मृतदेह लटकलेल्या अवस्थेत होता. कर्मचाऱ्यांनी तत्काळ यांची माहिती पोलिसांना दिली. आज नितीन देसाई यांच्या मृतदेहावर अंत्यसंस्कार करण्यात येणार आहेत.