RRB Group D Eligibility Criteria: रेल्वे रिक्रूटमेंट बोर्डाने ग्रुप डी (लेव्हल -१) पदांच्या भरतीसाठी किमान शैक्षणिक पात्रतेचे निकष शिथिल केले आहेत. नव्या निकषांनुसार आता दहावी उत्तीर्ण उमेदवारांना सुद्धा  ग्रुप डी पदांच्या भरतीसाठी अर्ज करता येणार आहे. ग्रुप डी भरतीसाठी आयटीआय डिप्लोमा यापुढे अनिवार्य राहणार नाही. यापूर्वी तांत्रिक विभागांसाठी अर्ज करण्यासाठी दहावी उत्तीर्ण असणे आणि नॅशनल कौन्सिल फॉर व्होकेशनल ट्रेनिंगकडून (एनसीव्हीटी) एनएसी किंवा आयटीआय डिप्लोमा असणे अनिवार्य होते. नॅक किंवा आयटीआय पदविका नसलेले उमेदवार या पदासाठी अर्ज करू शकत नव्हते.

अमेरिकेचे राष्ट्राध्यक्ष जो बायडेन आणि त्यांच्या कुटुंबीयांना २०२३ मध्ये परदेशी नेत्यांकडून असंख्य भेटवस्तू मिळाल्या. मात्र या सर्व भेटवस्तूंपैकी भारताचे पंतप्रधान नरेंद्र मोदी यांनी दिलेला २० हजार डॉलर्स किमतीचा हिऱ्याची गिफ्ट ही सर्वात महागडी गिफ्ट ठरले आहे. 

India China Ladakh Issue: भारत आणी चीनमध्ये सुरु असणारा सीमावाद कैक वर्षांपासून धुमसत असून, कमीजास्त प्रमाणात त्याच्या झळा पोहोचतच असतात. मागील काही दिवसांपासून या संघर्षाची ठिणगी शांत होते ना होते तोच पुन्हा एकदा भडका उडाला आहे आणि कारण आहे चीननं केलेली आणखी एक कुरापत. 

चीनमधील होटन प्रीफेक्चर क्षेत्रामध्ये शेजारी राष्ट्रानं दोन नव्या काऊंटींची घोषणा केली असून, याविरोधात भारतीय परराष्ट्र मंत्रालयानं कठोर शब्दांत विरोध दर्शवला आहे. भारतानं मांडलेल्या भूमिकेनुसार ज्या भागांना जोडून चीनच्या या काऊंटी स्थापित केल्या जाणार आहेत त्यामध्ये लडाखही येत असल्यानं हा विरोध केला जात आहे. 

परराष्ट्र मंत्रालयाचे प्रवक्चे रणधीर जयस्वाल यांनी शुक्रवारीच देशातील माध्यमांना संबोधित करत चीनच्या कृत्याचा कडाडून विरोध केला. ‘चीनच्या होटन प्रांतातील दोन नव्या काऊंटीच्या स्थापनेविषयीची घोषणा आम्ही पाहिली. या कथित काऊंटीच्या अधिकार क्षेत्रातील काही भाग केंद्रशासित लडाखमध्येही येत आहे. त्यामुळं भारतीय सीमाभागात या चीनच्या अवैध अस्तित्वाला कधीच स्वीकारलं जाणार नाही’, असं त्यांनी स्पष्ट केलं. 

नव्या प्रदेशांमुळं भारताच्या या भागांवर असणाऱ्या अधिकारांवर कोणताही परिणाम होणार नाही. सोबतच चीनच्या बळजबरीनं करण्यात आलेल्या या कृत्याला वैधही मानहृलं जाणार नाही. समोर आलेल्या वृत्तांनंतर आम्ही चीनच्या या कुरापतीचा विरोध करतो, असं परराष्ट्र मंत्रालयाच्या वतीनं थेट शब्दांत सांगण्यात आलं. 

लडाखच्या पूर्वक्षेत्रातील सीमावादावर एकिकडे करारांच्या माध्यमातून तोडगा काढला जात असतानाच दुसरीकडे चीनकडून पुन्हा येथील भूभागावर वक्रदृष्टी ठेवत तो काबीज करण्यासाठीची धडपड सुरू असल्यामुळं आता पुन्हा तणावाच्या परिस्थितीनं डोकं वर काढलं आहे. 

पूर्व लडाखमध्ये नेमकी काय स्थिती? 

भारतीय नकाशाचा अभ्यास केल्यास देशाच्या शीरस्थानी असणाऱ्या लडाखमध्ये पूर्वेकडील भागात असणाऱ्या डेमचोक, डेपसांग या सीमाभागांतून दोन्ही देशांनी आपलं सैन्य 21 ऑक्टोबर रोजी मागे घेतलं. सदर सीमावादावरून चीनचे राष्ट्राध्यक्ष शी जिनपिंग आणि भारताचे पंतप्रधान नरेंद्र मोदी यांच्याच चर्चाही झाली. ज्यामध्ये कैलास मानससरोवर यात्रा, नद्यांसंदर्भातील माहितीची देवाणघेवाण या आणि अशा मुद्द्यांकडे लक्ष वेधत शांततेच्या मार्गानं तोडगा काढण्यासाठीचे प्रयत्न करण्यात आले. पण, चीन काही केल्या कुरापती करतच असल्यानं अखेर परराष्ट्र मंत्रालयालाही जाहीरपणे कठोर भूमिका घ्यावी लागत असल्याचं स्पष्ट होत आहे. 

Delhi Murder : दाजीने चिकन खाण्यास नकार दिल्याने मेहुण्याने दाजीला लोखंडी रॉडने मरण करत त्यांची हत्या केल्याची धक्कादायक घटना राजधानी दिल्लीतील आनंद विहार भागात ही घटना घडली आहे. चिकन खाण्यास नकार दिल्याने मेहुण्याने दाजीला जबर मारहाण केली. यात गंभीर जखमी झाल्याने त्यांचा जागेवरच मृत्यू झाला. या घटनेमुळे परिसरात खळबळ उडाली आहे. या प्रकरणी  पोलिसांनी गुन्हा दाखल करून आरोपीला अटक केली आहे.

सरकारने बहुप्रतीक्षित डिजिटल पर्सनल डेटा प्रोटेक्शन (डीपीडीपी) नियमांचा मसुदा जाहीर केला आहे. यात इंटरनेट आणि सोशल मीडिया प्लॅटफॉर्मसंदर्भात विविध नियमांचा उल्लेख आहे. मात्र, त्याचे उल्लंघन केल्यास दंडात्मक कारवाईचा उल्लेख नाही. संसदेने सुमारे १४ महिन्यांपूर्वी डिजिटल डेटा संरक्षण विधेयक २०२३ मंजूर केले. त्यानंतर नियमावलीचा मसुदा जारी करण्यात आला आहे.