Sunita Williams News: नासाच्या दोन अंतराळवीरांनी तब्बल आठ महिन्यांनंतर आंतरराष्ट्रीय अंतराळ स्थानकातून एकत्र बाहेर पडताना गुरुवारी आपला पहिला स्पेसवॉक केला. भारतीय वंशाच्या कमांडर सुनीता विल्यम्स आणि बुच विल्मोर यांनी पृथ्वीवरून प्रक्षेपित झाल्यानंतर आणि व्हेंटमधून बाहेर पडल्यानंतर एखादी व्यक्ति ही जिवंत राहू शकते की नाही ? याचा शोध घेण्यासाठी स्थानकाच्या देखभालीचे काम आणि बाहेरील भाग स्वच्छ करण्यास त्यांनी सुरुवात केली आहे. हे दोघेही गेल्या वर्षी जूनपासून अंतराळात स्थानकात अडकून पडले आहे.

Mumbai News: मुंबईतील बोरिवली रेल्वे स्थानकावरील स्कायवॉकवर एका तरुणाने भटक्या कुत्र्यावर बलात्कार केल्याची घटना घडली. स्कायवॉकवरून जाणाऱ्या एका व्यक्तीने संबंधित तरुणाचे क्रूर कृत्य आपल्या मोबाईलमध्ये रेकॉर्ड केले. ही घटना बुधवारी पहाटेच्या सुमारास घडली. या घटनेचा व्हिडिओ सोशल मीडियावर व्हायरल झाल्यानंतर प्राणीप्रेमींनी संबंधित तरुणाविरोधात कठोर कारवाई करण्याची मागणी केली.

Mahakumbh Viral Video: उत्तर प्रदेशातील प्रयागराजमध्ये महाकुंभमेळा सुरु आहे. 144 वर्षांनी आलेल्या महाकुंभमेळ्यात देश-विदेशातील करोडो लोक हजेरी लावत आहेत. महाकुंभमेळ्यातील अनेक व्हिडीओ रोज सोशल मीडियावर व्हायरल होत आहेत. या व्हिडीओत एक साधू तरुणाच्या थोबाडीत लगावताना दिसत आहे. हा व्हिडीओ व्हायरल झाल्यानंतर नेटकरी त्याच्यावर कमेंट करत आहेत. काहीजण यामागील कारण विचारत असता, काहीजण त्यांनीयोग्य केल्याचं सांगत आहेत. 

महाकुंभमेळ्यात एकीकडे लोक आस्थेची डुबकी लगावत असताना दुसरीकडे काही युट्यूबर हातात मोबाइल फोन घेऊन प्रसिद्ध होण्याच्या प्रयत्नात आहेत. यादरम्यान एका युट्यूबरचा व्हिडीओ व्हायरल झाला आहे. एक्सवर शेअर करण्यात आलेल्या व्हिडीओच्या कॅप्शनमध्ये लिहिण्यात आलं आहे की, “भाईने बाबांची नक्कल करण्याचा प्रयत्न केला आणि त्याला एक कानाखाली मिळाली”. 

रिपोर्टनुसार, बाबाने ज्या तरुणाला कानाखाली मारली आहे तो एक युट्यूबर आहे. तो हवेत हात उचलून महाकाल गिरी बाबाची नक्कल करत कंटेंट तयार करण्याचा प्रयत्न करत होता. 

FAFO (Bro tried to Copy baba and got a well deserved slap) pic.twitter.com/90o7tL79r2

— Ghar Ke Kalesh (@gharkekalesh) January 29, 2025

व्हिडीओ व्हायरल झाल्यानंतर अनेकांनी त्यावर कमेंट केली असून काहींनी साधूने तरुणाला कानाखाली लावून अगदी योग्य केल्याचं म्हटलं आहे. तर काहींनी त्यांच्या वागण्यावर प्रश्न उपस्थित केला आहे. एकाने लिहिलं आहे की, “कानाखाली का मारली?”. तर एका युजरने लिहिलं आहे की, “बाबांनी एकदम योग्य केलं. हे लोक जे सेल्फी आणि रीलच्या नशेत आहेत ते असाच त्रास देत राहतात. ते आपल्या कॅमेऱ्यांसह प्रत्येक ठिकाणी घुसतात. त्यांना मारलंच पाहिजे”. तिसऱ्याने लिहिलं आहे की, ‘तो ज्या योग्यतेचा होता, तेच मिळालं’.

कथित यूट्यूबरला थप्पड मारणारी व्यक्ती म्हणजे महाकाल गिरी बाबा आहेत ज्यांनी आपला संकल्प दाखवण्यासाठी गेल्या नऊ वर्षांपासून एक हात वर ठेवला आहे. मध्य प्रदेशातून आलेल्या महाकाल गिरी बाबा यांनी गायींचे रक्षण आणि धर्माचे रक्षण करण्याची आजीवन प्रतिज्ञा घेतली आहे. अनेक वर्षांच्या तपश्चर्येमुळे हातावरची नखे खूप वाढली आहेत, पण तपश्चर्या करताना नखे ​​कापली जात नाहीत. या साधनेमुळे लोक त्यांना हठयोगी म्हणू लागले आहेत.

Kedarnath Temple : हिमालय पवर्ताच्या कुशीच उंचीवर असलेले केदारनाथ मंदिर हे देशातील सर्वात पवित्र शिव मंदिरांपैकी एक आहे. हे प्राचीन मंदिर 1200 वर्षांहून अधिक जुने आहे.  केदारनाथ मंदिर नेमकं कधी बांधले कोणाला माहीत नाही. केदारनाथ मंदिराबाबतचे हे सर्वात मोठं रहस्य अद्याप उलगडलेले नाही. ऐतिहासिक ग्रंथ आणि दंतकथांमध्ये त्याच्या बांधकामाबद्दल अनेक गोष्टी लिहिल्या गेल्या आहेत. मात्र, याबाबत कोणताच ठोस पुरावा नाही.  महाभारतातील पांडवांनी हे मंदिर बांधले अशी देखील अख्यायिका आहे. तर, याचा जीर्णोद्धार आदि शंकराचार्यांनी केला असे अनेकजण मानतात. भारतातील हे रहस्यमयी मंदिर थेट विज्ञानाला चॅलेंज देते. जाणून घेऊया या मंदिराविषयची न उलगडलेली रहस्य.

समुद्रसपाटीपासून 11,755 फूट (3,583 मीटर) उंचीवर असलेले केदरनाथ मंदिर वास्तुकलेचा अद्भूत चमत्कार देखील मानले जाते. हे मंदिर मोठमोठ्या दगडी गोट्यांनी बांधण्यात आले आहे. या मंदिराच्या बांधकामात कुठेही सिमेंट किंवा कोणत्याही आधुनिक जॉईनिंग केमिकल वापर करण्यात आलेला नाही.  या मंदिराचे बांधकाम इतके भक्कम आहे की भीषण भूकंप, हिमवर्षाव आणि नैसर्गिक आपत्तींचा देखील या मंदिरावर काहीच परिणाम झालेला नाही. हे मंदिर शतकानुशतके तसेच भक्कम स्थितीत आहे. या मंदिराच्या भिंतींवर करण्यात आलेले सुंदर नक्षीकाम आजही त्याची भव्यता दर्शवते.

2013 च्या पुरात केदारनाथ मंदिर चमत्कारिकरित्या वाचले

2013 मध्ये उत्तराखंडमध्ये महाप्रलय आला होता. या विनाशकारी पुरात संपूर्ण परिसर उद्ध्वस्त झाला होता.  या नैसर्गिक आपत्तीत मंदिराच्या आजूबाजूच्या भागाचे मोठे नुकसान झाले आहे. मात्र मंदिराचे फारसे नुकसान झाले नाही.  केदारनाथ मंदिर या महाप्रलयातही सुरक्षित राहिले. मंदिरामागे ‘भीमशिला’ नावाचा मोठा दगड विसावायला आला होता, असे मानले जाते. या दगडानेच पुराचे पाणी मंदिरापासून दूर वळवले. स्थानिक याला भगवान शकंराचा चमत्कार मानतात. 

पंच केदारमधील प्रमुख ठिकाणे

केदारनाथ मंदिर हे पंच केदार नावाच्या पाच पवित्र शिवमंदिरांपैकी सर्वात महत्त्वाचे स्थान मानले जाते. पौराणिक कथेनुसार, महाभारत युद्धानंतर, पांडव त्यांच्या पापांचे प्रायश्चित करण्यासाठी भगवान शिवाकडून आशीर्वाद घेण्यासाठी येथे आले. त्यांच्यापासून वाचण्यासाठी भगवान शिवाने बैलाचे (नंदी) रूप धारण केले आणि ते पृथ्वीवर बुडाले. त्यांच्या शरीराचे वेगवेगळे भाग वेगवेगळ्या ठिकाणी दिसू लागले. केदारनाथ येथे कुबड, तुंगनाथ येथे हात, रुद्रनाथ येथे चेहरा, मध्यमहेश्वर येथे नाभी आणि कल्पेश्वर येथे केस. या पाच मंदिरांना मिळून पंच केदार म्हणतात.

केदारनाथ मंदिराचा प्रवास अतिशय कठिण आहे. कारण हे मंदिर वर्षातील  फक्त सहा महिने म्हणजेच एप्रिल ते नोव्हेंबर दरम्यान भाविकांसाठी खुले असते. प्रचंड थंडी आणि प्रचंड बर्फवृष्टीमुळे हिवाळ्यात हे मंदिर बंद असते. यावेळी, भगवान केदारनाथची मूर्ती उखीमठ येथे आणली जाते जिथे त्यांची पूजा केली जाते.