सातारा : सरकारी अधिकारी किंवा मंत्री, मंत्र्‍यांचे नातलग यांच्यासाठी शासन व प्रशासकीय यंत्रणा जोरदारपणे कामाला लागते. मात्र, सर्वसामान्य लोकांसाठी, नागरिकांसाठी यंत्रणेपुढे सातत्याने चपला झिजवाव्या लागतात हेही तितकेच खरंय. कारण, काही दिवसापूर्वी राज्यातील एका माजी मंत्र्याच्या मुलाला थांबविण्यासाठी प्रशासकीय यंत्रणेचा वापर करुन चक्क हवेतूनच विमान वळविण्यात आल्याची घटना घडली होती. मात्र, मरणाच्या दारात असलेल्या मुलीला वाचविण्यासाठी, तिच्या भेटीसाठी अमेरिकत जाऊ इच्छिणाऱ्या तिच्या बापाला मेडिकल इमर्जन्सी व्हिसा (Visa) मिळत नाही. भारतातून परदेशात केवळ मौजमौज्जा करण्यासाठी मंत्र्याच्या मुलाला विमान मिळते, मिळालेले विमान हवेतून परतही फिरते. मात्र, अमेरिकेतील (America) रुग्णालयात मृत्यूशी झुंज देत असलेल्या लेकीला पाहण्यासाठी बापाला मंत्र्‍यांच्या बंगल्याच्या पायऱ्या झिजवाव्या लागत आहेत. 
 
सातारा जिल्ह्याच्या कराड तालुक्यातील  उंब्रज गावातील नीलम शिंदे या 35 वर्षीय विद्यार्थिनीचा अमेरिकेत गेल्या 11 दिवसापूर्वी अपघात झाला असून तिच्यावर अमेरिकेत आयसीयूमध्ये उपचार सुरू आहेत. मरणाच्या दारात असताना तिच्याजवळ जाण्यासाठी तिच्या पालकांना भारतातून व्हिसा मिळेना गेल्याने वडिलांनी नाराशा व्यक्त केली आहे. प्रशासना व शासनाकडे आर्जव करुन हतबल झालेल्या, दमलेल्या या बापाची कहाणी कोणी ऐकेल का, या बापाला लेकीच्या भेटीसाठी कुणी व्हिसा देईल का, असा सवाल यानिमित्ताने उपस्थित होत आहे. विशेष म्हणजे वडिल तानाजी शिंदे यांनी यासाठी अनेक मंत्र्यांच्या घराच्या पायऱ्या झिजवल्या आहेत. 

अमेरिकेत शिक्षणासाठी वास्तव्यास असलेल्या नीलम हीचा 14 फेब्रुवारी 2024 रोजी व्यायामासाठी चालताना एका चारचाकी गाडीने पाठीमागून जोरदार धडक दिल्याने अपघात झालाय. या अपघातासाठी दोषी असलेल्या कार चालकाला पोलिसांनी पकडले आहे. मात्र, रक्तातील नातेवाईक आल्याशिवाय याप्रकरणी गंभीर गुन्हा दाखल होत नसल्याचे अमेरिकेतील पोलिस सांगत आहेत. या अपघातात नीलमच्या दोन्ही हाता, पायांना आणि डोक्याला दुखापत झाली आहे. तिच्या छातीलाही मार लागला असल्याने ती कोमातील स्थिती असल्याचे डाक्टर सांगत आहेत. तिची रूममेट खुशी ही महाराष्ट्रातील असून तिच्याकडून उंब्रजमधील पालकांना याबाबत माहिती मिळत आहे. मात्र, वडिल तानाजी यांना मुलीच्या भेटीसाठी हवा असलेला इमर्जन्सी व्हिसा मिळत नाहीय. 

अमेरिकेतील हॉस्पिलटलने दिलंय पत्र

तानाजी शिंदे यांनी केंद्रीयमंत्री मुरलीधर मोहोळ, माजी खासदार श्रीनिवास पाटील, माजी सहकार मंत्री बाळासाहेब पाटील यांच्याकडून व्हिसासाठी संपर्क केला. तर, मुंबईतील कुर्ला येथे पासपोर्ट व्हिसा आँफिसलाही पालकांनी भेट दिलीय पम, व्हिसासाठी त्यांना दाद मिळत नसल्याचं त्यांची म्हणणं आहे. विशेष म्हणजे अमेरिकेतील हॉस्पिटलने अपघातानंतर नीमच्या पालकांना पत्र देखील दिलं आहे, ज्या आधारे ते व्हिसासाठी मागणी करत आहेत. मात्र, व्हिसा मिळत नसल्याने वडिलांच्या हतबलतेकडे आता सरकार देईल का, हाच खरा प्रश्न आहे. 

हेही वाचा

अधिक पाहा..

Kiran Mane on Udayanraje Bhosale and Shivendrasinh Bhosale : इतिहास अभ्यासक इंद्रजीत सावंत यांना कोल्हापूरमध्ये येऊन मारण्याची धमकी देण्यात आल्यानंतर राज्यात खळबळ उडाली असून अनेकांनी या धमकीचा निषेध केला आहे. आहे. एका व्यक्तीने कॉल करून धमकी दिल्याची माहिती इंद्रजीत सावंत यांनी दिली आहे. हा व्यक्ती नागपूर येथील प्रशांत कोरटकर असल्याचेही त्यांनी सांगितले. रेकॉर्डिंग सावंत यांनी सोशल मीडियावर पोस्ट केली असून त्यात धमकी देणारा व्यक्ती अर्वाच्य शिवीगाळ करत असल्याचे दिसून येते. माझे नाव गुगलवर शोध. ब्राह्मणांना हलक्यात घेऊन नको. ब्राह्मणांची ओकात दाखवून देऊ. जिथे बोलवशील तिथे येऊ, तुझ्या घरात येऊन मारेन, असे धमकी देणारी व्यक्ती म्हणत आहे. यानंतर कोल्हापूरमध्ये गुन्हा दाखल झाला असून देवेंद्र फडणवीस यांनी चौकशीसाठी कोल्हापूर पोलिस अधीक्षकांना निर्देश दिले आहेत. 

आईबापांचे वाभाडे निघूनही आम्ही लाचारच राहू?  

दरम्यान, इंद्रजित सावंत यांना धमकी देण्यात आल्यानंतर एक सातारकर म्हणत अभिनेते किरण माने यांनी खासदार उदनयनराजे भोसले आणि सार्वजनिक बांधकाम मंत्री शिवेंद्रराजे भोसले यांना थेट सवाल केला आहे. त्यांनी सोशल मीडियातून सवाल करत म्हटले आहे की, छ. उदयनमहाराज आणि आदरणीय बाबाराजे… एक सातारकर तुम्हाला हक्कानं विचारतो आहे. इंद्रजीत सावंतांना आलेल्या धमकीच्या फोनमध्ये छ. शिवरायांबद्दल आणि मराठ्यांबद्दल केलेली घृणास्पद विधानं तुम्हाला मान्य आहेत का? की आपल्या आईबापांचे वाभाडे निघूनही आम्ही लाचारच राहू? तुम्ही म्हणाल तसं!

धमक्यांना मी भीक घालत नाही

दरम्यान, मला प्रशांत कोरटकर नावाच्या व्यक्तीने धमकी दिली असली तरी अशा धमक्यांना मी भीक घालत नाही. माझे संरक्षण करण्यास मी समर्थ असून मुख्यमंत्री देवेंद्र फडणवीस यांनी अशा व्यक्तीवर कारवाई करून आपण सर्व समाजाचे आहोत, असा संदेश द्यावा, असे इंद्रजित सावंत यांनी म्हटले आहे. सावंत यांनी सांगितले की, सोमवारी मध्यरात्री 12 वाजता मला कोरटकर नावाच्या व्यक्तीचा फोन आला. ती व्यक्ती शिव्या देत जातीवाचक बोलत होती. छत्रपती शिवाजी महाराज यांचा एकेरी उल्लेख त्याने केला असून हा महाराष्ट्र पेशव्यांचा आहे का, असा सवाल त्यांनी केला. संभाजी महाराज यांचा इतिहास मी कसा बदलू. इतिहासाचे दाखले ब्रिटिश काळापासून आहेत. खोटा व घाणेरडा इतिहास सांगावा, अशी त्यांची इच्छा आहे. पण, खोटा इतिहास आम्ही का सांगू, असेही सावंत म्हणाले. 

अशी कुप्रवृत्ती वेळीच ठेचावी 

दरम्यान, माजी खासदार संभाजीराजे छत्रपती यांनी या कुविचारी कोरटकर वर शासनाने अत्यंत कठोर कारवाई करत अशी कुप्रवृत्ती वेळीच ठेचावी, असे म्हटले आहे. त्यांनी पोस्ट करत म्हटले आहे की, छत्रपती शिवाजी महाराजांबाबत हीन विचार करणारी विषवल्ली या राज्यात राहते, हीच बाब धक्कादायक आहे. सामाजिक दरी वाढवण्यासाठी कारणीभूत ठरणाऱ्या अशा माथेफिरू लोकांना कुणीही पाठीशी घालू नये. देशाची अस्मिता असणारे छत्रपती शिवाजी महाराज व छत्रपती संभाजी महाराज यांच्याबाबत अश्लाघ्य विधाने करणाऱ्या या कुविचारी कोरटकर वर शासनाने अत्यंत कठोर कारवाई करत अशी कुप्रवृत्ती वेळीच ठेचावी.

इतर महत्वाच्या बातम्या 

अधिक पाहा..