बिहारमधील दरभंगा जिल्ह्यातील एका सरकारी शाळेत शिकवणाऱ्या महिलेवर मुख्याध्यापक आणि शिक्षक दोघेही प्रेमात पडले. प्रेमाच्या या त्रिकोणात शिक्षक रामाश्रय यादव यांची हत्या करण्यात आल्याचा धक्कादायक प्रकार समोर आला आहे. बिहारमधील दरभंगा जिल्ह्यातील कुशेश्वर स्थान येथे जानेवारी महिन्यात ही हत्या झाली होती. घटनेच्या ५५ दिवसांनंतर पोलिसांनी हा प्रकार उघडकीस आणला तेव्हा आश्चर्यकारक गोष्टी समोर आल्या. पोलिसांनी मुख्याध्यापकांसह सात जणांना खुनाच्या आरोपाखाली अटक केली असून त्यात तीन हल्लेखोरांचा समावेश आहे.

8th Pay Commission: आठवा वेतन आयोग लागू करण्यात आला तर केंद्रीय सरकारी कर्मचाऱ्यांचा पगार जवळपास 19 हजारांनी वाढेल असं Goldman Sachs ने सांगितलं आहे. वेतन आयोगात सुधारणा केल्यानंतर 50 लाख केंद्रीय सरकारी कर्मचारी आणि 65 लाख निवृत्तीधारकांना याचा फायदा मिळणार आहे. 

वेतन आयोग म्हणजे काय?

वेतन आयोग ही सरकार-नियुक्त संस्था आहे जी भारतातील केंद्र सरकारी कर्मचारी आणि निवृत्तीवेतनधारकांसाठी वेतन, पेन्शन आणि लाभ सुधारणांचा आढावा घेते आणि शिफारस करते. आर्थिक परिस्थिती, महागाई आणि राहणीमानाच्या खर्चावर आधारित वेतनश्रेणी सुधारण्यासाठी ते वेळोवेळी (सहसा दर 10 वर्षांनी) गठीत केली जाते.

किती पगार वाढणार?

सध्या, एका मध्यम दर्जाच्या सरकारी कर्मचाऱ्याचे सरासरी मासिक उत्पन्न 1 लाख रुपये (करपूर्व) असते. पगारवाढीसाठी जे बजेट देण्यात आलं असेल, त्यानुसार प्रत्येक पातळीवर पगारवाढ होईल. 

– 1.75 लाख कोटी रुपयांच्या वाटपासह – पगार दरमहा 1,14,600 रुपयांपर्यंत वाढू शकतो.

– 2 लाख कोटी रुपयांच्या वाटपासह – पगार दरमहा 1,16,700 रुपयांपर्यंत वाढू शकतो.

– 2.25 लाख कोटी रुपयांच्या वाटपासह – पगार दरमहा 1,18,800 रुपयांपर्यंत वाढू शकतो.

वेतनवाढ कधीपासून लागू होईल?

आठव्या वेतन आयोगाच्या स्थापनेबाबत कोणतीही अधिकृत घोषणा झालेली नसली तरी, तज्ज्ञांच्या मतानुसार सरकार एप्रिल 2025 मध्ये पॅनेलची स्थापना करू शकतं आणि त्याच्या शिफारशी 2026 किंवा 2027 पर्यंत लागू होतील.

सातव्या वेतन आयोगापेक्षा हे किती वेगळं असेल?

2016 मध्ये 7 वा वेतन आयोग लागू करण्यात आला होता. ज्यामुळे सरकारला 1.02 लाख कोटी रुपये खर्च आला. जुलै 2016 पासून वेतन आणि पेन्शनमध्ये सुधारणा करण्यात आल्या, परंतु जानेवारी 2016 पासून पूर्वलक्षी प्रभावाने त्याची अंमलबजावणी करण्यात आली. 

फिटमेंट फॅक्टर (पगारवाढ मोजण्यासाठी वापरला जाणारा) 2.57 पट वाढवण्यात आला, ज्यामुळे किमान मूळ वेतन 7 हजार रुपयांवरून 18 हजारांवर गेले.

त्याचप्रमाणे, जर आठव्या वेतन आयोगाने फिटमेंट फॅक्टर 3 किंवा त्याहून अधिक वाढवला, तर सरकारी कर्मचाऱ्यांना मोठ्या प्रमाणात पगारवाढीची अपेक्षा असू शकते.

एकदा स्थापन झाल्यानंतर, आठवा वेतन आयोग फिटमेंट फॅक्टर आणि पगार सुधारणांचा निर्णय घेण्यासाठी कर्मचारी संघटना आणि इतर भागधारकांशी सल्लामसलत करेल. संघटना 7 व्या वेतन आयोगाप्रमाणेच 2.57 किंवा त्याहून अधिक फिटमेंट फॅक्टरची मागणी करतील अशी अपेक्षा आहे.

माजी अर्थ सचिव सुभाष चंद्र गर्ग यांनी फिटमेंट फॅक्टर 1.92 च्या जवळ असेल असा अंदाज वर्तवला होता.

स्टँडअप कॉमेडियन कुणाल कामरा यांनी आता केंद्रीय अर्थमंत्री निर्मला सीतारामन यांच्यावर निशाणा साधला आहे. त्याने बुधवारी एक व्हिडिओ शेअर केला, ज्यात तो एका गाण्याच्या माध्यमातून अर्थमंत्र्यांना ‘निर्मला ताई’ म्हणत आहे आणि धोरणांवर प्रश्नचिन्ह उपस्थित करताना दिसत आहे. महाराष्ट्राचे उपमुख्यमंत्री एकनाथ शिंदे यांच्याबद्दल केलेल्या वक्तव्यावरून वाद चिघळला असतानाच कामराचा दुसरा व्हिडिओ व्हायरल होत आहे.

No match is being played.

बलात्कार प्रकरणी अलाहाबाद उच्च न्यायालयाने दिलेल्या वादग्रस्त आदेशाला सर्वोच्च न्यायालयाने स्थगिती दिली आहे. मुलीचे स्तन पकडणे, पायजाम्याची नाडी तोडणे तिच्यावर बलात्काराच्या प्रयत्नाचा आरोप लावण्यासाठी पुरेसे नाही, असे उच्च न्यायालयाने आपल्या आदेशात म्हटले होते. सर्वोच्च न्यायालयात झालेल्या सुनावणीदरम्यान आदेश लिहिणाऱ्या न्यायाधीशांच्या संवेदनशीलतेवर प्रश्नचिन्ह उपस्थित करण्यात आले.

EPFO ​​UPI Facility Latest Update: भविष्य निर्वाह निधी अर्थात पीएफ… नोकरदार वर्गासाठी एक अतिशय महत्त्वाचा मुद्दा. फक्त सरकारीच नव्हे, तर खासगी नोकरी करणाऱ्यांसाठीसुद्धा EPFO च्या नावे कापली जाणारी रक्कम एक मोठा आर्थिक आधार असते. अशा या EPFO खात्यातील रकमेसंदर्भात एक अतिशय महत्त्वाचा निर्णय घेण्यात आला असून त्या निर्णयांचा अनेकांनाच फायदा होणार आहे. 

कर्मचारी भविष्य निधि मंडळ (EPFO) कडून आता युपीआय (UPI)च्या माध्यामातून पीएफच्या रकमेवर दावा सांगता येणार आहे. श्रम- रोजगार सचिव सुमिता डावरा यांनी नुकतीच यासंदर्भातील माहिती देत EPFO प्रणालीमध्ये UPI इंटीग्रेट केलं जाणार असल्याचं सांगितलं. या नव्या उपक्रमाच्या माध्यमातून 7.5 कोची सक्रिय ईपीएफओ सदस्यांना फायदा होणार असून, त्यांच्या पीएफ खात्यात लगेचच अपेक्षित रक्कम जमा केली जाणार आहे. 

कसं काम करणार ही नवी प्रणाली? 

1 लाख रुपयांपर्यंतचे पीएफ क्लेम पूर्णपणे ऑटोमेटेड असून, आता UPI च्या माध्यमातून ही प्रक्रिया आणखी वेगानं पार पडणार आहे. याशिवाय खातेधारकांना त्यांचे युपीाय अॅप (PhonePe, Google Pay, Paytm) EPFO खात्यासह सहजपणे लिंक करता येणार आहेत. इथं ऑटोक्लेम ही सुविधा मिळणार आहे. 

म्हणजेच जर एखादी व्यक्ती पात्र सदस्य आहे तर त्यांची रक्कम लगेचच जमा केली जाणार आहे. आताच्या घडीला पीएफ खात्यातील रक्कम जमा होण्यासाठी तीन दिवसांचा कालावधी लागतो मात्र युपीआयच्या वापरानं ही प्रक्रिया अवघ्या काही मिनिटांतच पूर्ण होणार आहे. 

EPFO नं या योजनेसाठी नॅशनल पेमेंट्स कॉरपोरेशन ऑफ इंडिया ( NPCI) सोबत सल्लामसलत करत एक प्रस्ताव तयार केला आहे. ज्या धर्तीवर मे महिन्याच्या अखेरीस UPI फ्रंटएंड टेस्टिंगनंतर ही सुविधा लाँच करण्यात येणार आहे. 

सर्व बँकांमधून मिळणार रक्कम… 

ईपीएफओनं पहिल्यांदाच सेंट्रलाइज्ड डेटाबेस तयार करण्यात आला असून, तो पूर्णपणे लागू होण्यास दोन ते तीन आठवड्यांचा कालावधी लागू शकतो. देशातील 78 लाख पेन्शनधारकाना यापूर्वी काही निवडक बँकांमधूनच पैसे काढण्याची मुभा होती. मात्र आता कोणत्याही बँकेडून पीएफची रक्कम काढता येणार आहे. आरबीआयच्या सांगण्यावरून ही सेंट्रलाइज्ड पेंशन सिस्टीम लागू करण्यात आली आहे.