Sunil Dutt Birthday: ‘साधना’, ‘सुजाता’, ‘मुझे जीने दो’, ‘मदर इंडिया’, ‘वक्त’, ‘पडोसन’, ‘हमराज’ यांसारख्या अनेक दमदार चित्रपटामधून प्रेक्षकांचं मनोरंजन करणारे अभिनेते सुनील दत्त यांचा आज वाढदिवस आहे. सुनील दत्त यांचे खरे नाव बलराज दत्त होते. मात्र, रमेश सहगल यांच्या सांगण्यावरून त्यांनी आपले नाव बदलले. आपल्या दमदार आवाजाने आणि अप्रतिम अभिनयाने सुनील दत्त यांनी अनेक पात्रांमध्ये प्राण फुंकले होते. मात्र, या आधी त्यांना प्रचंड संघर्ष करावा लागला होता. शालेय शिक्षण घेतल्यानंतर पुढील शिक्षण घेताना त्यांनी नोकरी करण्यास सुरुवात केली. दरम्यान त्यांनी बस कंपनीत नोकरी केली. त्यानंतर ते रेडीओसाठी मुलखाती घेऊ लागले.

आर्यन खानची ही पहिली वेब सीरिज ‘स्टारडम’ एकूण ६ भागांची असणार आहे. या मालिकेत लक्ष्य ललवानी मुख्य भूमिकेत दिसणार आहे. दिग्दर्शक म्हणून पदार्पण करणाऱ्या आर्यन खानची ही वेब सीरिज हिंदी चित्रपटसृष्टीची कहाणी सांगणार असल्याचं बोललं जात आहे, ज्यामध्ये केवळ रणबीर कपूरच नाही, तर इतर अनेक स्टार्सही यात कॅमिओ करताना दिसणार आहेत.

‘द नाईट मॅनेजर २’चा अधिकृत ट्रेलर आज म्हणजेच ५ जून रोजी ओटीटी प्लॅटफॉर्म डिस्नेप्लस हॉटस्टारवर रिलीज झाला आहे. सस्पेन्स आणि अॅक्शनने भरलेल्या या शोचा दुसरा सीझन ३० जून रोजी ओटीटी प्लॅटफॉर्म डिस्नेप्लस हॉटस्टारवर रिलीज होणार आहे. ‘द नाईट मॅनेजर २’मध्ये आदित्य रॉय कपूर, अनिल कपूर यांच्यासह शोभिता धुलिपाला, तिलोत्तमा शोम, रवी बहल आणि सास्वता चॅटर्जी मुख्य भूमिकेत दिसणार आहेत. ‘द नाईट मॅनेजर’चा भाग एक फेब्रुवारीमध्ये प्रदर्शित झाला होता, जो प्रेक्षकांना चांगलाच आवडला होता.