या दुसऱ्या सीझनसाठी अनुराग डोवालचे नाव निश्चित झाले आहे. आता आणखी एका स्पर्धकाचे नाव समोर आले आहे. ‘बिग बॉस ओटीटी २’च्या अपडेट्स शेअर करत असलेल्या फॅन पेजच्या बातमीनुसार, बिग बॉस ओटीटी २चा प्रोमो पुढील आठवड्यात रिलीज होणार आहे. या शोसाठी आतापर्यंत अनेक नावं समोर आली आहेत, त्यापैकी दोन नावं निश्चित झाली आहेत. मीडिया रिपोर्ट्सनुसार, ‘स्प्लिट्सविला ७’ मध्ये झळकलेली पलक पुरस्वानी लवकरच ‘बिग बॉस ओटीटी २’मध्ये दिसणार आहे. तिच्या नावाची पुष्टी झाली आहे. या सीझनमध्ये आवेज दरबार आणि महेश पुजारी देखील सहभागी होणार असल्याचे म्हटले जात आहे.

आशिष विद्यार्थी मुलाबद्दल म्हणाले, ‘जेव्हा आपण आई-वडील होतो, तेव्हा पालकांचं पूर्ण जीवन त्यांच्या मुलांच्या भोवती फिरतं.. पण एक गोष्ट विसरता कामा नये आणि ती म्हणजे आई – वडील देखील माणूस आहेत.. त्यांच्यामध्ये काही मतभेद असू शकतात.. दोघांमधील मतभेद वाढल्यानंतर एकत्र राहणं फार कठीण असतं..’

सत्यप्रेम कथाला मिळवण्यासाठी कोणताही धोका पत्करण्यास तयार आहे. दरम्यान, या दोघांचे लग्न होईल, अशा पद्धतीने कथा फिरते. आयुष्याच्या या नव्या प्रवासात सत्यप्रेम इतका खूश आहे की, त्याच्या आनंदाला उधाण आलं आहे. पण, या नात्यात कथाला काहीतरी त्रास होत आहे, जो तिला या नात्यात टिकू देत नाहीय. आता लग्नाच्या या गुंतागुंतीच्या नात्यात दोघेही एकत्र राहू शकणार की वेगळे होणार, हे जाणून घेण्यासाठी चाहत्यांना चित्रपटाच्या प्रदर्शनाची वाट पाहावी लागणार आहे.

धर्मेंद्र यांनी सोशल मीडियावर सुलोचना ताईंसोबतचा एका फोटो शेअर करत भावूक पोस्ट लिहिली आहे. त्यांनी शेअर केलेला हा फोटो एका चित्रपटातील दृश्याचा आहे. या चित्रपटात सुलोचना लाटकर यांनी धर्मेंद्र यांच्या आईची भूमिका साकारली होती. सुलोचना लाटकर यांच्यासोबतचा हाच फोटो शेअर करत त्यांनी लिहिले की, ‘तुमची खूप आठवण येईल… अनेक चित्रपटांमध्ये त्या माझ्या आई होत्या.’ मध्यरात्री ३.३६ वाजता त्यांनी हे ट्वीट केले आहे. इतक्या रात्री त्यांनी केलेले हे ट्वीट वाचून सगळ्यांनाच भरून आले आहे. आईसमान सुलोचना दीदींच्या निधनामुळे धर्मेंद्र पुरते खचून गेले आहेत.

जागतिक पर्यावरण दिन ५ जून रोजी साजरा केला जातो. पर्यावरणाचे रक्षण करण्यासाठी लोकांमध्ये जागरूकता निर्माण करण्याच्या उद्देशाने हा दिवस साजरा केला जातो. भारत आपल्या नैसर्गिक सौंदर्यासाठी प्रसिद्ध आहे. येथे अनेक सुंदर पर्यटन स्थळे, नद्या, टेकड्या, तलाव आणि धबधबे आहेत, ज्यांना प्रत्येक हंगामात पर्यटक भेट देतात. भारतातील प्रसिद्ध पर्यटन स्थळाची सुंदर दृश्ये आणि नैसर्गिक सौंदर्य पाहण्यासाठी लोक लांबून पोहोचतात. इको-टूरिझमचे अनेक पर्याय भारतात आहेत. मात्र, टुरिस्ट त्या जागा खराब करत आहेत.