धुळे : विधिमंडळ अंदाज समितीच्या जिल्हा दौऱ्यात निवासाची व्यवस्था करण्यात आलेल्या येथील गुलमोहर या शासकीय विश्रामगृहातील एका खोलीत सुमारे एक कोटी ८४ लाख ८४ हजार रुपये आढळल्याने दौरा वादात सापडला आहे. शिवसेनेचे (उध्दव ठाकरे) नेते तथा माजी आमदार अनिल गोटे यांनी संबंधित रक्कम समिती सदस्यांना देण्यासाठी जमा करण्यात आल्याचा आरोप करीत संबंधित खोलीबाहेर बुधवारी सायंकाळपासून ठिय्या दिला होता. ही खोली समितीचे अध्यक्ष अर्जुन खोतकर यांच्या खासगी स्वीय सहायकाच्या नावे आरक्षित करण्यात आली आहे. खोतकर यांनी हे विरोधकांचे षडयंत्र असल्याचा आरोप केला आहे. या प्रकरणात गुरुवारी सायंकाळपर्यंत गुन्हा दाखल करण्यात आलेला नव्हता.

अर्जुन खोतकर यांच्या अध्यक्षतेखालील विधिमंडळ अंदाज समिती बुधवारपासून धुळे आणि नंदुरबार जिल्हा दौऱ्यावर आली. या समितीत २९ सदस्यांचा समावेश असून पहिल्या दिवशी १० सदस्य धुळे येथे दाखल झाले. समिती शासनाच्या विविध विभागांतर्फे झालेल्या कामांचा आढावा घेणार आहे. शासकीय गुलमोहर विश्रामगृहात समिती सदस्यांसाठी निवासाची सोय करण्यात आली आहे. विश्रामगृहातील १०२ क्रमांकाची खोली १५ मे रोजी समितीचे अध्यक्ष खोतकर यांचे खासगी स्वीय सहायक किशोर पाटील यांच्या नावाने आरक्षित करण्यात आली. बुधवारी सायंकाळनंतर ही खोलीच नाट्यपूर्ण घडामोडींचे केंद्रबिंदू राहिली.

माजी आमदार अनिल गोटे यांनी संबंधित खोलीत समितीला देण्यासाठी पाच कोटी रुपये जमा करण्यात आल्याचा आरोप करीत कुलूपबंद खोलीबाहेर समर्थकांसह ठिय्या दिला. जिल्हाधिकारी, पोलीस अधीक्षक यांच्या उपस्थितीत खोली उघडण्याची मागणी त्यांनी लावून धरली. अखेर सहा तासाच्या घडामोडीनंतर रात्री साडेअकरा वाजता अप्पर पोलीस अधीक्षक किशोर काळे, सार्वजनिक बांधकाम विभागाचे कार्यकारी अभियंता आर. आर. पाटील, प्रांताधिकारी रोहन कुवर घटनास्थळी दाखल झाले. त्यांनी पंचांसमोर खोलीचे कुलूप उघडले.

खोलीतील काही पिशव्यांमध्ये रोख रक्कम आढळली. तीन यंत्राच्या सहाय्याने मोजणी करण्यात आली असता रक्कम एक कोटी ८४ लाख ८४ हजार रुपये असल्याचे सांगण्यात आले. रक्कम जप्त करुन पोलीस आणि महसूल अधिकारी निघून गेले. पहाटे चारपर्यंत ही कारवाई सुरू होती. यासंदर्भात सायंकाळी उशिरापर्यंत गुन्हा दाखल करण्यात आलेला नव्हता. दरम्यान, गुरुवारी समिती नंदुरबार जिल्हा दौऱ्यावर होती.

विश्रामगृहातील रोख रकमेसंदर्भात नाशिक येथील आयकर विभागाचे अतिरिक्त संचालक (तपास) यांना कळविण्यात आले आहे. तपासणीनंतर पुढील कारवाई करण्यात येईल. जप्त करण्यात आलेली रोकड कोषागार शाखेत ठेवण्यात येईल. प्रकरणाची चौकशी प्रगतीपथावर आहे. श्रीकांत धिवरे (जिल्हा पोलीस अधीक्षक, धुळे)

मला अतिशय खात्रीशीर माहिती मिळाली होती. रक्कम सापड्लायने मी केलेला आरोप सिद्ध झाला आहे. यामुळे मुख्यमंत्री देवेंद्र फडणवीस आणि त्यांच्या मंत्रिमंडळाचे भ्रष्ट स्वरुप समोर आले. हे पैसे अंदाज समितीमधील आमदारांना दिले जाणार होते. अनिल गोटे (माजी आमदार)

अंदाज समिती आणि राज्य शासनाला बदनाम करण्यासाठी माजी आमदार अनिल गोटे यांनी तथ्यहीन आरोप केले आहेत. रोकड आढळलेल्या खोलीत माझा स्वीय सहायक राहत नव्हता. हे विरोधकांचे षडयंत्र आहे.अर्जुन खोतकर (अध्यक्ष, विधिमंडळ समिती सदस्य)

Source link

सोलापूर: सोलापूर जिल्ह्यात वळिवाच्या पावसाने जोरदार हजेरी लावल्यामुळे रस्त्यांसह ग्रामीण भागात शेतांना तळ्याचे स्वरूप आले आहे. सोलापूर शहरात एकाच दिवशी तब्बल ११० मिलीमीटर इतका प्रचंड पाऊस पडला आहे. यासह जिल्ह्यातील १३ गावांमध्ये अतिवृष्टी झाली आहे. या पावसामुळे शेतांमध्ये पाणी घुसले असून, उन्हाळी पिकांसह फळबागांचे नुकसान झाल्याची भीती व्यक्त केली जात आहे.गुरुवारी सकाळी संपलेल्या २४ तासांत जिल्ह्यात ३२.८ मिलीमीटर इतका सरासरी पाऊस झाला. सर्वाधिक ६२.९ मिमी पाऊस एकट्या उत्तर सोलापूर तालुक्यात पडला. माढा-५२.४, माळशिरस-४५.१, बार्शी-३७.२, करमाळा-३२.७, पंढरपूर-३१.३, मोहोळ-२९.२, दक्षिण सोलापूर-२३.३, अक्कलकोट-२३.२, सांगोला-१७.८ आणि मंगळवेढा-९.७ याप्रमाणे पावसाची नोंद झाली आहे.

या पावसाचा जोर सोलापूर शहरासह उत्तर सोलापूर, माढा, माळशिरस, बार्शी व करमाळ्यात होता. सोलापूर शहरात तब्बल ११० मिमी एवढा मुसळधार पाऊस पडल्याने जनजीवन विस्कळीत झाले होते. सखल भागात मोठ्या प्रमाणात पाणी शिरल्यामुळे तेथील नागरिकांचे हाल झाले. विशेषत: या पहिल्याच पावसाने महापालिका यंत्रणेच्या मर्यादा समोर आल्या. पहिल्याच पावसात रस्त्यांची दुरवस्था पाहायला मिळाली. अनेक ठिकाणी रस्त्यावर पावसाचा जोर वाढल्याने गुडघाभर पाणी साचले होते. त्यातून वाहने चालवताना नागरिकांची तारांबळ उडाली होती.

जिल्ह्यात विविध १३ महसूल मंडळांमध्ये अतिवृष्टी झाली आहे. यात उत्तर सोलापूर तालुक्यात मार्डी (११०) व शेळगी (६६) या मंडळांचा समावेश आहे. माढा तालुक्यातील टेंभुर्णी (९९.३), कुर्डूवाडी (७८), म्हैसगाव (७१.१) आणि रोपळे (७०.५) येथे अतिवृष्टी झाली. तर पंढरपूर तालुक्यातील करकंब (७१) व पटवर्धन कुरोली (७१) या दोन महसूल मंडळांमध्ये अतिवृष्टीमुळे शेतीसह घरांची हानी झाली. बार्शी तालुक्यातील उपळे दुमाला महसूल मंडळात ९९.३ मिमी पावसाच्या रूपाने अतिवृष्टी झाली. तर करमाळा तालुक्यातील सालसे (७०.५) आणि केम (६९) आणि माळशिरस तालुक्यातील अकलूज येथे ६५.३ मिमी पाऊस होऊन अतिवृष्टी अनुभवास आली.

एकाच दिवशी एकाच महसूल मंडळात ६५ मिमीपेक्षा जास्त पाऊस कोसळला तर त्यास नियमानुसार अतिवृष्टी मानले जाते. गुरुवारी दुपारपासून आकाश ढगांनी व्यापले होते. सायंकाळी पुन्हा पाऊस पडण्याची चाहूल लागली होती. वीजपुरवठाही अधुनमधून खंडित होत आहे.चौकट

नालेसफाई धीम्या गतीनेसोलापूर शहरात वळिवाच्या पावसामुळे जनजीवन विस्कळीत झाले असताना दुसरीकडे महापालिकेची यंत्रणा जागी झाली. पावसाळ्याला सुरूवात होण्यापूर्वी नालेसफाईची कामे पूर्ण होणे अपेक्षित होते. परंतु ही कामे धीम्या गतीने होत आहेत. या कामांची पालिका आयुक्त डॉ. सचिन ओंबासे यांनी पाहणी केली. एकूण १७८ चौरस किलोमीटर क्षेत्र असलेल्या सोलापूर शहरात ४२ किलोमीटर लांबीचे उघडे नाले आहेत. तर भूमिगत गटारी २१७ किलोमीटर लांबीच्या आहेत. पावसाचे पाणी पुणे रस्त्यावर हांडे प्लॉट आणि बाळे परिसरासह इतर काही ठिकाणी घरांमध्ये शिरले होते. या भागात पालिका आयुक्त डॉ. ओंबासे यांनी भेट देऊन पाहणी केली. बाधित परिसरात आवश्यक उपाययोजना तातडीने करण्याच्या सूचना त्यांनी प्रशासनाला दिल्या.

Source link

Source link

Moksha Concept In Hindu: सर्वोच्च न्यायालयाने गुरुवारी, वक्फ (सुधारणा) कायद्यावरील सुनावणीदरम्यान, धार्मिक दान, इस्लाम आणि इतर धर्मांमध्ये त्याचे महत्त्व यावर चर्चा करताना आध्यात्मिक संदर्भ देत,”हिंदूंमध्ये मोक्ष आहे”, असे म्हटले. यावेळी न्यायालय वक्फ कायद्यावरील केंद्र सरकारच्या युक्तिवादाला आव्हान देणाऱ्या याचिकाकर्त्यांची बाजू ऐकत होते.

केंद्र सरकारने काल न्यायालयात युक्तीवाद केला होता की, वक्फ हे धर्मादाय आहे आणि ते इस्लामचा गाभा किंवा आवश्यक भाग नाही. या दाव्याला विरोध करण्यासाठी, याचिकाकर्त्यांचे प्रतिनिधित्व करणारे ज्येष्ठ वकील कपिल सिब्बल यांनी वक्फचा धार्मिक अर्थ स्पष्ट केला. ते म्हणाले, “वक्फ म्हणजे मृत्युनंतरच्या जीवनासाठी देवाला दिलेले समर्पण. वक्फ म्हणजे देवाला भविष्यातील आध्यात्मिक फायद्यासाठी दिलेले दान.”

यावर उत्तर देताना, सरन्यायाधीश बी. आर गवई या कल्पनेला हिंदू धर्माशी जोडणारी एक तात्विक टिप्पणी केली आणि म्हणाले की, “हिंदूंमध्ये मोक्षाची संकल्पना आहे.”

दुसरे न्यायाधीश, न्यायमूर्ती ऑगस्टीन जॉर्ज मसिह यांनीही ख्रिश्चन धर्माचा उल्लेख करून या विचारात भर घातली आणि म्हणाले, “आपण सर्वजण स्वर्गात जाण्यासाठी प्रयत्नशील असतो.”

ज्येष्ठ वकील राजीव धवन यांनीही याचिकाकर्त्यांच्या बाजूचे समर्थन केले आणि हिंदू धर्माशी तुलना केली. त्यांनी असा युक्तिवाद केला की, हिंदू धर्मग्रंथांनुसारही काही धार्मिक वास्तू आवश्यक मानल्या जात नाहीत. ते म्हणाले, “वेदांनुसार, मंदिरे हिंदू धर्माचा अविभाज्य भाग नाहीत. त्यामध्ये अग्नी, पाणी आणि पावसाची पूजा करण्याची तरतूद आहे.”

यापूर्वी, याचिकाकर्त्यांनी असा युक्तिवाद केला होता की, वक्फ म्हणजे देवाच्या नावाने दिले जाणारे दान आहे, परंतु केंद्राने असे म्हटले होते की, दान देणे सर्व धर्मांचा अविभाज्य भाग आहे. केंद्र सरकारचे प्रतिनिधित्व करणारे सॉलिसिटर जनरल तुषार मेहता म्हणाले होते की, “वक्फ ही एक इस्लामिक संकल्पना आहे. पण ती इस्लामचा अविभाज्य भाग नाही. वक्फ म्हणजे इस्लाममध्ये फक्त दान आहे. दान हा प्रत्येक धर्माचा भाग आहे. ख्रिश्चन, हिंदू आणि शीखांमध्येही दान देण्याची व्यवस्था आहे.”

सरन्यायाधीशांनीही या विषयावर आपले मत मांडत दानधर्माची संकल्पना प्रत्येक धर्मात अस्तित्वात असल्याचे निदर्शनास आणून दिले होते. ते म्हणाले होते की, “दानधर्म हा इतर धर्मांचाही मूलभूत सिद्धांत आहे.”

नंतर सुनावणीत, कपिल सिब्बल यांनी वक्फ कायद्यातील तरतुदीवर प्रश्नचिन्ह उपस्थित केले होते. ज्यामध्ये गैर-मुस्लिमांना वक्फ व्यवस्थापन समितीचे सदस्य बनवण्याची तरतूद आहे.

Source link

Source link