फलटण :- फलटण नगरपरिषदेच्या सार्वत्रिक निवडणुकीसाठी २७ सदस्यपदांची आरक्षण सोडत आज प्रांतधिकारी प्रियांका आंबेकर यांच्या अध्यक्षतेखाली नगरपरिषदेच्या सभागृहात पार पडली. या सोडतीमुळे आगामी निवडणुकीचे राजकीय चित्र अधिक स्पष्ट झाले असून अनेक नव्या चेहऱ्यांना संधी मिळण्याचा मार्ग मोकळा झाला आहे, तर काही इच्छुकांना आरक्षणामुळे धक्का बसला आहे.
या वेळी तहसीलदार डॉ. अभिजित जाधव आणि मुख्याधिकारी निखिल जाधव यांची उपस्थिती होती. नगरपरिषदेची लोकसंख्या ५२,११८ असून, एकूण १३ प्रभागांमधून २७ नगरसेवक निवडले जाणार आहेत. यामध्ये अनुसूचित जातीसाठी ५ जागा, ओबीसीसाठी ७ जागा व महिलांसाठी एकूण १४ जागा राखीव ठेवण्यात आल्या आहेत.
विशेष बाब म्हणजे, नगराध्यक्षपद हे सर्वसाधारण खुल्या गटासाठी आरक्षित असल्यामुळे त्या पदासाठी चुरस अधिकच तीव्र होण्याची शक्यता आहे.
प्रभागनिहाय आरक्षणाचे तपशील:
प्रभाग क्र. १: अनुसूचित जाती (महिला), सर्वसाधारण
प्रभाग क्र. २: अनुसूचित जाती (महिला), सर्वसाधारण
प्रभाग क्र. ३: अनुसूचित जाती, सर्वसाधारण (महिला)
प्रभाग क्र. ४: ओबीसी (महिला), सर्वसाधारण
प्रभाग क्र. ५: अनुसूचित जाती (महिला), सर्वसाधारण
प्रभाग क्र. ६: ओबीसी, सर्वसाधारण (महिला)
प्रभाग क्र. ७: सर्वसाधारण (महिला), सर्वसाधारण
प्रभाग क्र. ८: ओबीसी, सर्वसाधारण (महिला)
प्रभाग क्र. ९: ओबीसी (महिला), सर्वसाधारण
प्रभाग क्र. १०: ओबीसी (महिला), सर्वसाधारण
प्रभाग क्र. ११: ओबीसी, सर्वसाधारण (महिला)
प्रभाग क्र. १२: अनुसूचित जाती, सर्वसाधारण (महिला)
प्रभाग क्र. १३ (तीन सदस्य):
- ओबीसी (महिला)
- सर्वसाधारण (महिला)
- सर्वसाधारण
