फलटण | मुधोजी महाविद्यालय, फलटण येथील पदवी व पदव्युत्तर मराठी विभाग प्रमुख तसेच श्रीमंत मालोजीराजे सहकारी बँकेचे विद्यमान संचालक प्रा. डॉ. प्रभाकर पवार यांना विश्व समता कलामंच, लोवले (ता. संगमेश्वर, जि. रत्नागिरी) यांचा ‘राज्यस्तरीय विश्वसमता समाज भूषण पुरस्कार – २०२५’ जाहीर झाला आहे.
प्रा. डॉ. प्रभाकर पवार यांच्या सामाजिक, शैक्षणिक, साहित्यिक, सांस्कृतिक आणि संशोधनात्मक कार्याची दखल घेत निवड समितीने त्यांची या पुरस्कारासाठी निवड केली आहे. त्यांनी २००० हून अधिक समाजप्रबोधन व्याख्याने दिली असून, अनेक शोधनिबंध, लेख, प्रस्तावना, कविता आणि समीक्षालेखन केले आहे. तसेच ते शिवाजी विद्यापीठातील मराठी विषयाच्या पीएचडी गाईड म्हणून कार्यरत आहेत.
महाराष्ट्रातील अनेक विद्यापीठांमध्ये पीएचडी संशोधन प्रबंधांचे परीक्षक आणि रेफ्री म्हणून त्यांचे महत्त्वाचे योगदान आहे. शिवाजी विद्यापीठाच्या मराठी अभ्यास मंडळाचे माजी सदस्य म्हणून अभ्यासक्रम निर्मिती, संपादन आणि लेखन क्षेत्रात त्यांनी मोलाचे योगदान दिले आहे.
#विश्वसमता_पुरस्कार #प्रभाकर_पवार #समाजभूषण_पुरस्कार #मराठीसाहित्य #शैक्षणिकयोगदान
हा पुरस्कार मानपत्र, सन्मानचिन्ह व पुष्पगुच्छ असे स्वरूप असलेला असून, तो रविवार, ९ फेब्रुवारी २०२५ रोजी लोवले, जि. रत्नागिरी येथे मान्यवरांच्या हस्ते प्रदान करण्यात येणार आहे. त्यांच्या या उल्लेखनीय यशाबद्दल सामाजिक व शैक्षणिक वर्तुळात त्यांचे अभिनंदन होत आहे.
