Saif Ali Khan Behopal Property Issue : बॉलिवूड अभिनेता आणि मंसूर अली खान पतौडीचा वारसदार सैफ अली खानला मोठा धक्का बसण्याची शक्यता आहे. मध्य प्रदेशातील भोपाळमधील पतौडी कुटुंबाची कोट्यवधी रुपयांची मालमत्ता सरकारच्या ताब्यात घेण्याची शक्यता आहे. उच्च न्यायालयाने २०१५ मध्ये पतौडी कुटुंबीयांच्या मालमत्तेवरील बंदी उठवली आहे. त्यामुळे सरकार ही मालमत्ता जप्त करण्याची शक्यता आहे. या मालमत्तेची अंदाजित किंमत १५ हजार कोटी रुपये आहे. शत्रू मालमत्ता कायदा १९६८ अन्वये सरकार ही संपत्ती ताब्यात घेऊ शकते.
लहान मुलांना सांभाळताना अक्षरशः डोळ्यात तेल घालून पाहावं लागतं. कारण लहानपणीच मुलांचा चांगला सांभाळ करणे अत्यंत गरजेचे असते. पंजाबमधील बर्नाला येथे वाहनाच्या धडकेत एका दीड वर्षांच्या मुलीचा मृत्यू झाला. पोलिसांनी सांगितले की ती एका खाजगी शाळेच्या व्यवस्थापकाची गाडी होती.
ही घटना सोमवारी सेक्रेड हार्ट चर्चमध्ये घडली आणि ती सीसीटीव्ही कॅमेऱ्यातही कैद झाली. त्यावेळी झोया ही मुलगी आवारात खेळत होती. यादरम्यान तिला एका कारने धडक दिली. चालकाच्या निष्काळजीपणामुळे हा मृत्यू झाल्याचे पीडितेच्या कुटुंबीयांनी म्हटले आहे. पोलिसांनी सांगितले की, चालकाला अटक करण्यात आली आहे आणि त्याची सखोल चौकशी सुरू आहे.
पत्रकारांशी बोलताना मुलीचे वडील सूरज कुमार यांनी सांगितले की, ते आणि त्यांची पत्नी अनुपमा त्यांच्या मुलीसोबत चर्चला गेले होते. माझी मुलगी तिथे खेळत होती, पण चालकाने निष्काळजीपणे तिला चिरडले, ज्यामुळे तिचा जागीच मृत्यू झाला. ती माझी एकुलती एक मुलगी होती.
तो पुढे म्हणाला, “ही जागा खूपच लहान होती आणि चालक वेगाने गाडी चालवू लागला. इतक्या लहान जागेत तो हे कसे करू शकतो? त्याने सावधगिरी बाळगायला हवी होती. पहिल्यांदाच गाडी त्याच्या अंगावरून गेल्यावर त्याने गाडी थांबवायला हवी होती.” वेळीच गाडी थांबली नाही आणि मागचे चाकही त्याच्यावरून गेले.”
मुलीच्या वडिलांनी आरोप केला आहे की, गाडीतील प्रवासी, जे शाळेचे कर्मचारी असल्याचे मानले जात आहे, त्यांनी या घटनेबद्दल माफी मागितली नाही किंवा त्यांच्या मुलीला रुग्णालयात नेण्यास मदत केली नाही.
सूरज कुमार म्हणाले, “ड्रायव्हर माझ्या मुलीला पाहू शकला नाही का? गाडी तिच्यावरून पूर्णपणे गेली. मला न्याय हवा आहे. मी या घटनेला अपघात म्हणून स्वीकारू शकत नाही. ड्रायव्हर आणि शाळेचे कर्मचारी माझ्याकडे माफी मागण्यासाठीही आले नाहीत. कोणी कामावर ठेवले? त्याला? आता मी कोणाला खायला घालू? आता मी कोणासोबत खेळू? आतापर्यंत कोणतीही कारवाई का केली गेली नाही?”
दरम्यान, पोलिस उपअधीक्षक सतबीर सिंह यांनी सांगितले की, आरोपी चालक जसविंदर सिंगला अटक करण्यात आली आहे. तो हरियाणातील सिरसा येथील रहिवासी आहे. वाहनही जप्त करण्यात आले आहे. तपास सुरू आहे. अपघाताबाबत शाळेकडून तात्काळ कोणतेही निवेदन देण्यात आले नाही.
तमालपत्राचा उपयोग केवळ स्वयंपाकात मसाल्यांसाठीच केला जात नाही, तर यामध्ये अनेक औषधी गुणधर्म आहेत, जे आरोग्यासाठी लाभदायक ठरतात. कोरडा खोकला, सर्दी, आणि पचनाचे विकार यावर उपचारासाठी तमालपत्र आयुर्वेदिक उपाय म्हणून ओळखले जाते.
1. कोरडा खोकला आणि सर्दीवर प्रभावी:
तमालपत्रामध्ये नैसर्गिक अँटीबॅक्टेरियल आणि अँटीव्हायरल गुणधर्म आहेत. गरम पाण्यात तमालपत्र टाकून वाफ घेतल्यास खोकला आणि सर्दीपासून तात्काळ आराम मिळतो.
2. अँटिऑक्सिडंट्सचा स्रोत:
तमालपत्रात असलेल्या अँटिऑक्सिडंट्समुळे शरीराला हानिकारक मुक्त रॅडिकल्सपासून संरक्षण मिळते आणि रोगप्रतिकारक शक्ती वाढते.
3. पचन सुधारण्यास उपयुक्त:
पचनतंत्र सुधारण्यासाठी तमालपत्र उपयुक्त ठरते. हे आतड्यांच्या हालचाली सुधारते आणि गॅस, फुगवणे तसेच आम्लपित्त कमी करते.
4. मधुमेहावर नियंत्रण:
तमालपत्र रक्तातील साखर नियंत्रित करण्यास मदत करते. मधुमेहाच्या रुग्णांसाठी हे उपयोगी ठरू शकते.
5. त्वचेचे आरोग्य सुधारते:
तमालपत्र पावडर त्वचेवर लावल्याने डाग कमी होतात आणि त्वचा तेजस्वी दिसते.
6. डोळ्यांचे संरक्षण:
तमालपत्रामध्ये ल्युटीन हा घटक असतो, जो डोळ्यांच्या आरोग्यासाठी उपयुक्त ठरतो. नियमित सेवनामुळे डोळ्यांचे कार्यक्षमता सुधारते.
7. श्वसन विकारांवर उपचार:
तमालपत्राचे तेल ब्राँकायटिस, दमा यांसारख्या विकारांवर उपयुक्त ठरते. या तेलाचा उपयोग छातीवर लावून मालिश करण्यासाठी करता येतो, ज्यामुळे श्वास घेण्यात होणारा त्रास कमी होतो.
तमालपत्र एक नैसर्गिक औषध असून विविध आरोग्य समस्यांवर उपयोगी ठरते. आयुर्वेदात याला महत्वाचे स्थान आहे. मात्र, याचा वापर करताना डॉक्टरांचा सल्ला घेणे योग्य ठरेल.
Washim Accident : वाशिम जिल्ह्यात भीषण अपघात झाला आहे. कारंजा पोहा मार्गावर तीन वाहने एकमेकांना धडकले असून या विचित्र अपघातात तिघे जण ठार झाले आहे. तर ९ जण गंभीर जखमी झाले आहेत. हा अपघात मंगळवारी रात्रीच्या दरम्यान, झाला. आपघातामुळे मोठी वाहतूक कोंडी झाली होती.
फलटण :- सातारा जिल्ह्याचे नूतन जिल्हाधिकारी संतोष पाटील यांनी आज फलटण तालुक्याचा दौरा केला. या दौऱ्यात त्यांनी मा.खा. रणजितसिंह नाईक निंबाळकर यांच्या निवासस्थानी भेट देऊन तालुक्याच्या विकासकामांबाबत चर्चा केली. या वेळी आमदार सचिन पाटील, तहसीलदार डॉ. अभिजित जाधव, निवासी नायब तहसीलदार अभिजित सोनवणे, माजी जि.प. अध्यक्ष माणिकराव सोनवलकर, धनंजय साळुंखे-पाटील, व अभिजित नाईक निंबाळकर यांची उपस्थिती होती.
जिल्हाधिकारी संतोष पाटील यांनी फलटण तालुक्यातील महत्त्वाच्या ठिकाणांना भेटी देत शासकीय योजनेच्या अंमलबजावणीचा आढावा घेतला. त्यांनी तरडगाव येथील पालखीतळ व फलटण पालखीतळ येथे पाहणी केली. जिल्हा परिषद शाळा माझेरी आणि माझेरी अंगणवाडीस भेट देऊन विद्यार्थ्यांच्या शैक्षणिक परिस्थितीचा आढावा घेतला.
तसेच, पालखीतळ बरड, प्राथमिक आरोग्य केंद्र बरड, साधुबुवाचा ओढा येथे पालखी विसावा केंद्रांची पाहणी केली. धुमाळवाडी या फळ उत्पादनासाठी प्रसिद्ध गावात भेट देऊन शेतकऱ्यांशी संवाद साधला. या दौऱ्यात त्यांनी शेतकऱ्यांच्या समस्या जाणून घेतल्या आणि त्यावर उपाययोजना करण्यासाठी शासकीय यंत्रणांना निर्देश दिले.
जिल्हाधिकारी संतोष पाटील यांच्या दौऱ्यामुळे फलटण तालुक्यातील शासकीय योजनांचा अंमल आणि विकासकामांवर अधिक भर दिला जाईल, अशी अपेक्षा व्यक्त होत आहे.
Wed, 22 Jan 202503:13 AM IST
Namrata Shirodkar Birthday : हिंदी आणि दाक्षिणात्य सिनेसृष्टीतील प्रसिद्ध अभिनेत्री नम्रता शिरोडकर आज (२२ जानेवारी) तिचा वाढदिवस साजरा करत आहे. ती केवळ तिच्या चित्रपटांमुळेच नाही, तर तिच्या प्रेमकथेमुळेही चर्चेत राहिली. तिचा पती महेश बाबू हा तेलुगू चित्रपटसृष्टीतील मोठा सुपरस्टार आहे. आज नम्रताच्या वाढदिवसानिमित्त जाणून घेऊया तिच्याशी संबंधित काही खास गोष्टी…
राष्ट्राध्यक्ष ट्रम्प यांनी जाहीर केले आहे की, जर नवजात मुलाच्या पालकांपैकी एक अमेरिकन नागरिक किंवा ग्रीन कार्डधारक नसेल तर त्या अमेरिकेत जन्मलेल्या मुलाला अमेरिकेचे नागरिकत्व मिळणार नाही. या निर्णयाचा परिणाम भारतीयांवर होऊ शकतो, असे आता बोलले जात आहे. यामध्ये तात्पुरता वर्क व्हिसा (एच-१बी आणि एल१), डिपेंडंट व्हिसा (एच४), स्टडी व्हिसा (एफ१), अकॅडमिक व्हिजिटर व्हिसा (जे१) किंवा शॉर्ट टर्म बिझनेस किंवा टूरिस्ट (बी१ किंवा बी२) धारक हजारो भारतीयांचा यात समावेश आहे. हा निर्णय २० फेब्रुवारीला अमेरिकेत जन्मलेल्या बालकांना लागू होणार आहे. मात्र, या निर्णयाला न्यायालयात आव्हान देण्यात आले असून महिनाभरात न्यायालयाने स्थगिती दिल्यास तो अंमलात येणार नाही.
तामिळनाडूतील तिरुमला येथे अंडी बिर्याणी खाण्याचा मुद्दा जोर धरू लागला आहे. वायएसआरसीपीसह विविध विरोधी पक्षांनी अलीपरी चेकपोस्टवरील सुरक्षा तपासणीसाठी टीटीडीवर प्रश्नचिन्ह उपस्थित केले आहे. तिरुमलामध्ये सिगारेट, मद्यपान, मांसाहारी पदार्थांचे सेवन आणि सिगारेट ओढण्यास सक्त मनाई आहे. गेल्या अनेक वर्षांपासून हा नियम लागू आहे. शुक्रवारी तिरुमला येथे आलेले काही भाविक रामबागीचा बसस्थानकाजवळ अंडा बिर्याणी खाताना आढळले.
डोनाल्ड ट्रम्प पुन्हा एकदा अमेरिकेचे राष्ट्राध्यक्ष झाले आहेत. ट्रम्प यांनी अमेरिकेचे ४७ वे राष्ट्राध्यक्ष म्हणून शपथ घेतली. शपथ घेताच ट्रम्प यांनी अवैध प्रवाशांवर कारवाईचा बडगा उगारण्याची तयारी केली आहे, ज्यामुळे भारतातून अवैधरित्या अमेरिकेत गेलेल्यांवर देशात परतण्याची टांगती तलवार आहे. २०२२ साली अमेरिकेच्या गृह विभागाने यासंबंधीचे आकडे जाहीर केले होते, पण ही प्रक्रिया कशी असेल? याबाबत अजून स्पष्टता आलेली नाही.
