Waqf Amendment Bill News: वक्फ दुरुस्ती विधेयकाला संयुक्त संसदीय समिती म्हणजेच जेपीसीने मंजुरी दिली आहे. त्यात १४ बदल करण्यात आले आहेत. येत्या अर्थसंकल्पीय अधिवेशनात हा अहवाल सभागृहात मांडण्यात येणार आहे. सत्ताधारी भाजपच्या जगदंबिका पाल यांच्या अध्यक्षतेखालील समितीसमोर एकूण ४४ बदल प्रस्तावित करण्यात आले होते, त्यापैकी अनेक बदल विरोधी खासदारांनीही मांडले होते, परंतु प्रस्तावित बदल विरोधकांनी मतदानाद्वारे फेटाळून लावले. दरम्यान, जुना कायद्यात नेमका काय बदल करण्यात आला? याबाबत जाणून घेऊयात

Kailash Mansarovar Yatra: जून 2020 मध्ये भारत आणि चीनमधील डोकलाम वादानंतर थांबवण्यात आलेली कैलास मानसरोवर यात्रा पुन्हा सुरू होणार आहे. दोन्ही देशांच्या परराष्ट्र सचिवांच्या दोन दिवसांच्या चर्चेनंतर यात्रा सुरू करण्याचा निर्णय घेण्यात आला आहे. कोविडपासून बंद असलेली दोन्ही देशांमधील विमानसेवादेखील पुन्हा सुरू होणार आहे. 

जवळपास 5 वर्षांनंतर पुन्हा कैलास मानसरोवर यात्रा सुरू होणार आहे. यंदाच्या उन्हाळ्यात कैलास मनसरोवर यात्रा पुन्हा सुरू होणार आहे. जून 2020 मध्ये भारत आणि चीनमधील डोकलाम वादानंतर ही यात्रा थांबवण्यात आली होती. तथापि, याआधीही मार्चमध्ये कोविडची पहिली लाट आली होती, त्यामुळे 2020 मध्ये ही यात्रा झाली नाही. या चर्चेसाठी भारताचे परराष्ट्र सचिव विक्रम मिस्री बीजिंगला गेले होते. भारत आणि चीनच्या परराष्ट्र सचिव-उपपरराष्ट्र मंत्री यंत्रणेच्या अंतर्गत ही चर्चा झाली.

कैलास मानसरोवरचा बहुतांश भाग तिबेटमध्ये आहे. चीन तिबेटवर आपला हक्क सांगतो. कैलास पर्वतरांग काश्मीरपासून भूतानपर्यंत पसरलेली आहे. या भागात ल्हा चू आणि झोंग चू नावाच्या दोन ठिकाणांच्या मध्ये एक पर्वत आहे. येथे या पर्वताची दोन जोडलेली शिखरे आहेत. यापैकी उत्तरेकडील शिखर कैलास म्हणून ओळखले जाते. या शिखराचा आकार विशाल शिवलिंगासारखा आहे. हे ठिकाण उत्तराखंडमधील लिपुलेखपासून अवघ्या 65 किलोमीटर अंतरावर आहे. सध्या कैलास मानसरोवरचा मोठा भाग चीनच्या ताब्यात आहे. त्यामुळे येथे जाण्यासाठी चीनची परवानगी आवश्यक आहे.

कैलास पर्वत हिंदू धर्मीयांसाठी अत्यंत महत्त्वाचं आणि पवित्र स्थान मानलं जातं. जैन धर्माचे प्रथम तीर्थंकर ऋषभनाथ यांना येथून मोक्ष प्राप्त झाला, असं मानले जाते. कैलास पर्वताची चढण खूप कठिण असल्याचे मानले जाते. एव्हरेटस्टपेक्षाही कमी उंची असून आजपर्यंत कोणीही त्यावर चढू शकलेले नाहीये. आतापर्यंत 7000 लोकांनी जगातील सर्वात उंच एव्हरेस्ट शिखर सर केले आहे. त्याची उंची 8848 मीटर आहे, तर कैलास पर्वताची उंची एव्हरेस्टपेक्षा सुमारे 2000 मीटर कमी आहे. तरीही आजतागायत कोणीही त्यावर चढू शकलेले नाही

मानसरोवर यात्रेला कसं जाल?

कैलास मानसरोवर यात्रेला जाण्यासाठी परराष्ट्र मंत्रालयाच्या वेबसाइटवर ऑनलाइन रजिस्ट्रेशन करु शकता. यात्रेसाठी तुम्हाला पासपोर्ट साइज फोटो, पासपोर्टचा पहिला आणि शेवटचा फोटो, फोन नंबर आणि ईमेल तुमच्या जवळ ठेवा. ही यात्रा पू्र्ण करण्यासाठी जवळपास 25 दिवसांचा वेळ लागतो. इतकंच नव्हे तर 1.5 ते 3 लाखापर्यंतचा खर्च येऊ शकतो. कैलास मानसरोवराची यात्रा करण्यासाठी तुम्हाला फिटनेस सर्टिफिकेटची आवश्यकता आहे.