मध्य प्रदेशात महाकुंभमेळ्यासाठी निघालेल्या विशेष ट्रेनवर प्रवाशांकडून दगडफेक करण्यात आली आहे. ही ट्रेन झाशी ते प्रयागराज दरम्यान प्रवास करत होती. हरपालपूर रेल्वे स्थानावर तिच्यावर प्रवाशांकडून दगडफेक झाली. झालं असं की, जेव्हा ट्रेन रेल्वे स्थानकावर पोहोचली तेव्हा तिचे दरवाजे आतून बंद असल्याचं प्रवाशांच्या लक्षात आलं. दरवाजे उघडले जात नसल्याने संतापलेल्या प्रवाशांनी ट्रेनवर तुफान दगडफेक केली. सोशल मीडियावर काही व्हिडीओ व्हायरल झाले आहेत. यामध्ये प्रवासी ट्रेनच्या दरवाजावर दगडफेक करुन काचा फोडण्याचा प्रयत्न करत असल्याचं दिसत आहे. 

एका व्हिडीओत प्रवासी सांगताना ऐकू येत आहे की, रात्री 8 वाजता ट्रेन झाशी येथून प्रयागराजसाठी रवाना झाली होती. “ट्रेन हरपालपूर येथे पोहोचली आणि तिच्यावर दगडफेक करण्यात आली. त्यांनी ट्रेनचं नुकसान केलं. दगड आतमध्ये फेकण्यात आले. त्यांनी प्रवाशांची हत्या करण्याचा प्रयत्न केला. आतमध्ये लहान मुलं आणि महिला होत्या,” असं प्रवासी सांगत आहे.

उत्तर प्रदेशातील (Uttar Pradesh) प्रयागराज (Prayagraj) येथे सुरु असलेल्या महाकुंभमेळाव्यासाठी (Mahakumbh) विशेष ट्रेन चालवल्या जात आहेत. ज्यामुळे देशभरातील भाविक येथे गर्दी करत आहेत. 

A special train going from #Jhansi to #Prayaraj was attacked with stones at #Harpalpur station when passengers on the platform discovered the compartment doors were locked.

Footage shared on social media depicts the men throwing stones at the train, breaking its windows while… pic.twitter.com/4qbsAVhmAR

— Hate Detector  (@HateDetectors) January 28, 2025

रिपोर्टनुसार, अनेक प्रवासी हरपालपूर स्थानकावर ट्रेनची वाट पाहत थांबले होते. झाशी येथून दोन तासांचा हा प्रवास होता. पण ट्रेन आल्यानंतर दरवाजे बंद असल्याने त्यांना आत जाता येत नव्हतं. यामुळे संतापलेले प्रवासी हिंसा करु लागले आणि डब्यांवर दगडफेक करण्यास सुरुवात केली. त्यांनी ट्रेनच्या दरवाजाच्या काचाही फोडल्या. ज्यामुळे आत असलेले प्रवासी घाबरले होते. 

हरपालपूर पोलिस स्टेशनचे प्रभारी पुष्पक शर्मा म्हणाले की, पहाटे 2 वाजताच्या सुमारास रेल्वे स्टेशनवर पोहोचल्यावर काही लोकांनी दगडफेक केली. रेल्वेचे प्रवक्ते मनोज सिंह म्हणाले की, प्रयागराजला जाणाऱ्या प्रवाशांचा जमाव प्लॅटफॉर्मवर वाट पाहत होता. ट्रेन आली आणि त्यांनी आत जाण्याचा प्रयत्न केला, परंतु दरवाजे बंद असल्याचे आढळले. ते संतप्त झाले आणि गोंधळ उडाला. रेल्वे पोलिसांनी लवकरच घटनास्थळी पोहोचून लोकांना शांत केले आणि त्यांना प्रवासासाठी पाठवले.

“प्रयागराजला सुरळीत प्रवास करण्यासाठी आणि अशा घटनांची पुनरावृत्ती टाळण्यासाठी आम्ही प्रवाशांना सहकार्य करण्याचे आवाहन करू इच्छितो. यासाठी आम्ही विशेष गाड्या चालवत आहोत,” असे ते म्हणाले.

Gold-Silver Price Today: आज सोन्या-चांदीच्या दरामध्ये गेल्या काही दिवसांपासून सातत्याने वाढ होताना दिसत आहे. मात्र, आज सोन्याच्या दर वाढीवर ब्रेक लागला आहे. सोनं वायदे बाजारात 80 हजारांच्या खाली पोहोचले आहे. सराफा बाजारातही आठ दिवसांपासून सोन्याच्या तेजीवर ब्रेक लागला आहे. मात्र, MCXवर सोन्याची झळाळी कायम आहे. 

सोन्याच्या दरात सातत्याने चढ-उतार होताना दिसत आहे. तर, चांदीच्या दरातही आज 167 रुपयांची झळाळी पाहायला मिळाली. चांदी 90,390 रुपये प्रति किलोग्रॅम वर स्थिरावली आहे. आंतरराष्ट्रीय दरावर घडणाऱ्या घडामोडींमुळं सोन्याची किंमत आज घसरली आहे. गेल्या आठ दिवसांत सोन्याने उच्चांकी दर गाठला होता. मात्र आता सोन्याच्या दरवाढीला ब्रेक लागला आहे. 

आज 24 कॅरेट सोन्याच्या दरात 320 रुपयांची घट झाली आहे. त्यामुळं प्रतितोळा सोनं 81,930 रुपयांवर पोहोचले आहे. तसंच, 22 कॅरेट सोन्याच्या दरात 300 रुपयांची घट झाली असून प्रतितोळा 75,100 रुपयांवर स्थिरावले आहे. तर 18 कॅरेट सोन्याच्या दरात 240 रुपयांची घट झाली असून प्रतितोळा सोनं 61,450 रुपयांवर स्थिरावले आहे.

आज काय आहेत सोन्याचे भाव?

ग्रॅम              सोनं           किंमत
10 ग्रॅम     22 कॅरेट  75,100 रुपये
10 ग्रॅम     24 कॅरेट  81,930 रुपये
 10 ग्रॅम    18 कॅरेट  61,450रुपये

ग्रॅम              सोनं           किंमत
1 ग्रॅम     22 कॅरेट   7,510 रुपये
1 ग्रॅम     24 कॅरेट   8,193 रुपये
1 ग्रॅम    18 कॅरेट    6,145 रुपये

ग्रॅम              सोनं           किंमत
8 ग्रॅम     22 कॅरेट   60,080 रुपये
8 ग्रॅम     24 कॅरेट   65,544 रुपये
8 ग्रॅम    18 कॅरेट    49,160 रुपये

मुंबई – पुण्यात कसे असतील सोन्याचे दर?

22 कॅरेट- 75,100 रुपये
24 कॅरेट- 81,930 रुपये
18 कॅरेट-  61,450रुपये