Cancer Patients: भारतात कॅन्सर हा एक मोठा आरोग्यावरील संकट बनत चाललाय. सध्या दरवर्षी सुमारे 15 लाख नवे रुग्ण आढळतात, पण 2045 पर्यंत ही संख्या 24.5 लाखांपेक्षा जास्त होण्याची शक्यता आहे. इंडियन कॅन्सर सोसायटी (ICS) ने जागतिक कॅन्सर दिवसाच्या पूर्वसंध्येला ही चिंता व्यक्त केलीय. यामुळे देशाच्या आरोग्य व्यवस्थेवर मोठा ताण येईल. हे रोखण्यासाठी केवळ उपचारांवर अवलंबून राहता येणार नाही, तर प्रतिबंध आणि लवकर निदान यांना प्राधान्य द्यावे लागणार आहे. वाढती लोकसंख्या, जीवनशैलीतील बदल आणि पर्यावरणीय प्रदूषण यांमुळे हा अनुमान लावण्यात आलाय. याबद्दल सविस्तर जाणून घेऊया.

Add Zee News as a Preferred Source

प्रतिबंधक धोरणाची गरज

केवळ महागडे उपचार उपलब्ध करणे पुरेसे नाही. रुग्णांना अशी अवस्था येऊच देऊ नये जिथे फक्त महाग उपचार हाच पर्याय राहतो. यासाठी वेळेवर तपासणी, प्रतिबंध आणि सुरुवातीच्या ओळखीला राष्ट्रीय आरोग्य धोरणाचा केंद्रबिंदू बनवावे, असे ICS दिल्लीचे तज्ज्ञ सांगतात. समुदाय स्तरावर काम करून धोरण आणि प्रत्यक्ष अंमलबजावणी यातील दरी कमी करावी. मिथक दूर करणे, वैज्ञानिक माहिती सामान्य लोकांपर्यंत पोहोचवणे आणि नियमित स्क्रीनिंगला प्रोत्साहन देणे आवश्यक आहे. यामुळे रुग्णांची संख्या कमी होईल आणि उपचार खर्चही कमी पडेल, असेही त्यांनी सांगितले. 
 
केंद्र सरकारच्या अर्थसंकल्पातील उपाय

2026-27 च्या केंद्रीय अर्थसंकल्पात कर्करोग उपचार स्वस्त आणि सुलभ करण्यासाठी काही घोषणा करण्यात आल्या. यात निवडक कर्करोग औषधांवर सीमाशुल्कात सूट आणि देशांतर्गत बायोफार्मा उत्पादनाला चालना देणे यांचा समावेश आहे. ICS च्या आरोग्य तज्ज्ञांनी या पावलांचे स्वागत केले, पण चेतावणी दिली की केवळ उपचारांपर्यंत मर्यादित धोरण भारतातील वाढत्या कर्करोग बोझाला सामोरे जाण्यासाठी पुरेसे नाही. प्रतिबंध आणि तपासणीवर अधिक भर द्यावा लागणार आहे. 

तज्ज्ञ काय सांगतात? 

चुकीच्या धारणा दूर करणे, वेळेवर तपासणीला प्रोत्साहन आणि विज्ञान आधारित माहिती लोकांपर्यंत पोहोचवणे गरजेचे असल्याचे ICS दिल्लीच्या अध्यक्षा ज्योत्स्ना गोविल यांनी सांगितले. फोर्टिस मेमोरियल हॉस्पिटलचे वरिष्ठ संचालक डॉ. नितेश रोहतगी यांनी सुरुवातीच्या स्क्रीनिंग आणि नव्या निदान तंत्रज्ञानाला चांगले परिणाम आणि कमी खर्चाची किल्ली म्हटले. नीती आयोगच्या माजी संचालिका आणि कर्करोगातून बाहेर पडलेल्या डॉ. उर्वशी प्रसाद यांनी कर्करोग डेटातील दोष, प्रादेशिक असमानता आणि आर्थिक अडथळ्यांकडे लक्ष वेधले. ICS दिल्लीच्या सचिव रेणुका प्रसाद यांनी रुग्णांवर पडणारा भावनिक आणि आर्थिक भार अधोरेखित केला. 

काय काळजी घ्यावी? 

प्राथमिक आरोग्य स्तरावर स्क्रीनिंगची कमकुवत व्यवस्था, विश्वसनीय आणि एकत्रित कर्करोग डेटाची कमतरता, उपचार आणि तपासणीत प्रादेशिक फरक, गरीब आणि वंचित घटकांसाठी निदान सुविधांची मर्यादित उपलब्धता, आणि उशिरा ओळखल्याने वाढणारा उपचार खर्च व मृत्यूदर या मुख्य कमतरता आहेत. यासाठी समुदाय स्तरावर काम, डेटा मजबूत करणे, असमानता कमी करणे आणि गरीबांसाठी सुविधा वाढवणे आवश्यक आहे. हे बदल केल्यास कर्करोगाशी लढणे सोपे होणार आहे.

Why do Indians have more belly fat than Americans?: तुम्ही बऱ्याचवेळा असे ऐकले असेल की, पाश्चात्य देशांतील लोक भारतीयांपेक्षा अधिक निरोगी असतात, त्यांचे वजनही भारतीयांपेक्षा नियंत्रित असते. 40 वर्षे वयोगटाली एका भारतीय व्यक्तीला आणि एका अमेरिकी व्यक्तीला समोरासमोर उभे केल्यास एक साधा फरक दिसतो. तो म्हणजे या वयोगटातील भारतीय व्यक्तीची पोटोची ढेरी आणि त्याच्यासमोर उभा असलेला एक निरोगी आणि योग्य शरीरयष्टी असलेला अमेरिकी व्यक्ती. पण हा फरक का जाणवतो? यामागचे नेमके कारण काय आहे? याचा विचार तुम्ही कधी केला आहे का? चला तर मग तज्ज्ञांकडून जाणून घेऊया.

Add Zee News as a Preferred Source

फॅटी लिव्हरची समस्या उद्भवल्यास काय शरीरावर होणारे परिणाम

आरोग्य तज्ज्ञांच्या मते, भारतीयांमध्ये ‘एशियन फीनोटाइप’ हा प्रकार  अधिक प्रमाणात आढळतो. एशियन फीनोटाइप म्हणजे आशियाई वंशाच्या लोकांमध्ये आढळणारी विशिष्ट शारीरिक रचना आणि चयापचय वैशिष्ट्ये. म्हणजेच पाश्चात्य देशातील लोकांच्या तुलनेत भारतीयांचे वजन अधिक नसूनही त्यांच्या पोटावर अतिरिक्त चरबी दिसते. याला अशी शरीरयष्टी असलेल्या भारतीय व्यक्तिला ‘थिन-फॅट भारतीय’ असेही म्हटले जाते. जर तुमचेही वजन कमी असेल आणि तरीही पोटाची घेरी, फुगलेले शरीर असेल तर याकडे दुर्लक्ष न करणे योग्य नाही. कारण, पोटाची ही अतिरिक्त चरबी थेट फॅटी लिव्हर आणि हृदयाच्या आजारांना निमंत्रण देऊ शकते.

भारतीयांना फॅटी लिव्हर होण्याचे मुळ कारण काय?

याचे मुळ कारण भारतीयांचा रोजचा आहार आहे. एक सामान्य व्यक्ती त्याच्या रोजच्या जीवनात भात, चपाती, ग्लुकोजयुक्त भाज्या अशा पदार्थांचे सेवन करतो. तसेच भारतीय पदार्थ बनवताना मोठ्या प्रमाणात मसाले, तेल आणि तुपाचा वापर केला जातो. तसेच काही पदार्थांमध्ये मोठ्या प्रमाणात साखर असते. कार्बोदकांचा अतिप्रमाणात समावेश असतो. जेव्हा शरीर आहारातून मिळणाऱ्या ऊर्जेचा वापर करत नाही, तेव्हा यकृत त्याचे रूपांतर अतिरिक्त चरबीमध्ये करते. आजकाल सर्व ठिकाणी बैठ्या कामाचे प्रमाण वाढले आहे. ऑफिसमध्ये तासनतास बसून काम करणे आणि शारीरिक हालचाल याला कारणीभूत ठरते. यामुळे फॅटी लिव्हरची समस्या होते. ज्यामुळे शरीरात इन्सुलिनचे कार्य योग्य प्रकारे होत नाही. परिणामी वयाच्या 30 व्या वर्षापर्यंत  मधुमेह होण्याची शक्यता अधिक वाढते.

पाश्चात्य देशातील नागरिकांच्या आहारात इतर पदार्थांसह हिरव्या भाज्या, सॅलेड, फळे अशा आरोग्यदायी पदार्थांचाही समावेश असतो. ज्यामुळे कार्बोदकांसह योग्यप्रमाणात पोषणही मिळते. याचेच उदाहरण घेता भारतीयांनीही त्यांच्या आहारत बदल करायला हवा.

फॅटी लिव्हर आणि थिन-फॅटपासून वाचण्यासाठी काय कराल?

• आहारात साखर, गूळ आणि मधाचे प्रमाण कमी करा. मैद्याऐवजी संपूर्ण धान्य वपरा.
• आहारात डाळी, पनीर, अंडी किंवा कडधान्ये यांसारख्या प्रथिनांचा समावेश करा.
• दिवसातून किमान 3 वेळा उकडलेल्या भाज्या खा.
• आठवड्यातून किमान 150 मिनिटे व्यायम करा.
• वय 30 पेक्षा जास्त असल्यास नियमितपणे यकृताची तपासणी करा.

(Disclaimer: वरील माहिती सामान्य संदर्भांवरून घेण्यात आली आहे. ‘झी २४ तास’ याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)