प्रधानमंत्री सूर्य घर योजनेतील ग्राहकांना मोठा झटका बसण्याची शक्यता आहे. कारण सायंकाळी 6 ते सकाळी 9 या वेळेत वीज वापरल्यास या योजनेतील ग्राहकांना वीज बिल भरावे लागणार आहे.  असा प्रस्ताव महावितरणने वीज नियामक आयोगाला दिलाय. काय आहे नेमकं प्रकरण? जाणून घेऊयात सविस्तर

केंद्र सरकराने 300 युनिटपर्यंत वीज वापरणाऱ्या ग्राहकांचं वीजबिल शून्यावर आणण्याचा महत्त्वाकांक्षी प्रकल्प हाती घेतला आहे. याअंतर्गत देशातील अनेक घरांवर सौरयंत्रणा बसवण्यात आली. सोलरमुळे आपलं वीजबिल शून्यावर येईल या आनंदात असणाऱ्या ग्राहकांना आता मोठा झटका बसलाय. कारण ग्राहकांना संध्याकाळी 6 ते सकाळी 9 यावेळेत वापरलेल्या विजेवर बिल आकारले जाणार आहे. असा प्रस्ताव महावितरणने वीज नियामक आयोगाला दिलाय.

‘पंतप्रधान सूर्यघरला’ही बिलाचा शॉक

संध्याकाळी  6 ते सकाळी 9 यावेळेत वीज वापरल्यास विजेवर बिल आकारण्याचा प्रस्ताव. राज्यातील 1 लाखांवर वीजग्राहकांच्या छतावर सौरऊर्जानिर्मिती पॅनल्स बसविण्यात आले आहेत. घरगुती वापरापेक्षा जास्त वीज तयार झाल्यामुळे वीजबिल शून्य. तर अतिरिक्त वीज महावितरणला पाठवून उत्पन्नही मिळतं. पॅनल्स बसविण्यासाठी केंद्र सरकारकडून अनुदान देण्यात आलं होतं. 

महावितरणने वीज नियामक आयोगाला विजबिलाचा प्रस्ताव दिलाय. हा प्रस्ताव मंजूर झाल्यास कर्ज काढून घरावर सौरऊर्जानिर्मिती पॅनल्स बसविलेल्यांना बँकेचा हप्ता आणि वीजबिल, असा दुहेरी झटका ग्राहकांना बसणार आहे.

छतावर सौरऊर्जानिर्मिती पॅनल्स बसविण्यात आलेले कुठे किती ग्राहक? 

नागपूर – 16, 949 ग्राहक

पुणे-  7, 931

जळगाव-  7, 514

छ. संभाजीनगर- 7, 008

नाशिक- 6, 626

अमरावती- 5, 795

कोल्हापूर- 5, 024 

आपल्याला शून्य रुपये विजबिल येणार म्हणून आनंदीत असणाऱ्या ग्राहकांच्या आनंदावर या प्रस्तावामुळे विरझण पडणार आहे. त्यामुळे आता महावितरणच्या या प्रस्तावावर काय निर्णय घेतला जातोय. हे लवकरच स्पष्ट होईल. 

ब्राझीलच्या एका जोडप्याने जगातील सर्वात यशस्वी लग्नाचा विश्वविक्रम प्रस्थापित केला आहे. ब्राझिलियन मॅनोएल अँजेलिम डिनो (१०५) आणि मारिया डो सूसा डिनो (१०१) यांच्या लग्नाला ८४ वर्षे झाली आहेत. १९४० मध्ये या दोघांचे लग्न पार पडले. गिनीज वर्ल्ड रेकॉर्ड आणि लॉन्गीक्वेस्टने त्यांच्या लग्नाची पडताळणी केली आहे. या वेबसाईटवर १०० वर्षांहून अधिक काळ जगलेल्या लोकांची माहिती आहे. या दोघांच्या लग्नाला ८४ वर्ष ७८ दिवस झाले आहेत.

पोलंड आणि अमेरिकेतील क्लोन रोबोटिक्स या स्टार्टअप कंपनीने आपल्या ताज्या शोधाने सर्वांना चकीत केले आहे. कंपनीने एक असा रोबोट तयार केला आहे जो माणसांप्रमाणे अगदी नैसर्गिकरित्या चालू शकतो. या रोबोटचे नाव प्रोटोक्लोन असून त्याचे वैशिष्ट्य म्हणजे यात मानवासारखे बनावट स्नायू, हाडे आणि जोड्या आहेत, जे त्याच्या पारदर्शक त्वचेत स्पष्टपणे प्रतिबिंबित होतात.

कालकाजीच्या आमदार आतिशी यांची दिल्ली विधानसभेच्या विरोधी पक्षनेतेपदी आम आदमी पक्षाने निवड केली आहे. विधिमंडळ पक्षाच्या बैठकीत हा निर्णय घेण्यात आला. आम आदमी पक्षाचे सर्वेसर्वा अरविंद केजरीवाल आणि पक्षाचे २२ आमदार आज विधिमंडळ पक्षाच्या बैठकीला उपस्थित होते, त्यात सर्वांनी आतिशी यांच्या नावाला संमती दिली. दिल्ली विधानसभेचे पहिले अधिवेशन २४ फेब्रुवारीपासून सुरू होत आहे. तीन दिवस चालणाऱ्या या अधिवेशनात सत्ताधारी भाजप सरकारने मागील ‘आप’ सरकारच्या कामगिरीविरोधात प्रलंबित असलेला कॅगचा अहवाल सभागृहात मांडला जाईल, असे सांगितले आहे. अरविंद केजरीवाल आणि मनीष सिसोदिया यांच्यासह ‘आप’चे अनेक बडे नेतेही निवडणुकीत पराभूत झाले आहेत.