No match is being played.

Infosys Dividend 2025: 10 कोटी रुपये कमावयला तुम्हाला किती वर्षे लागतील? 50, 60 वर्षे? बहुतांशजणांना संपूर्ण आयुष्यातही रक्कम कमावता येत नाही. पण दीड वर्षाचा मुलगा करोडो कमवू  शकतो? असं तुम्हाला कोणी सांगितलं तर? हो. असं इतर कुठे नव्हे तर आपल्या देशातच घडलंय. अवघ्या 17 महिन्यांच्या मुलाने डिव्हिडंटच्या माध्यमातून 10 कोटी रुपये कमावलेयत. हे ऐकून सर्वांनाच आश्चर्याचा धक्का बसलाय. कोण आहे हा छोटा मुलगा? त्याने इन्फोसिसशी काय कनेक्शन? सविस्तर जाणून घेऊया. 

देशातील आघाडीची आयटी कंपनी इन्फोसिसचे सह-संस्थापक नारायण मूर्ती यांना 17 महिन्यांचा नातू आहे. एकाग्र रोहन मूर्ती असे त्याचे नाव आहे. अलीकडेच इन्फोसिसने 2024-25 आर्थिक वर्षासाठी प्रति शेअर 22 रुपये अंतिम डिव्हिडंट जाहीर केलाय. यानंतर एकाग्र जगभरात चर्चेत आलाय. कारण त्याने आतापर्यंत कंपनीकडून 10.65 कोटी रुपयांचा डिव्हिडंट मिळवलाय.  यासोबतच एकाग्रला आणखी 3.3 कोटी रुपये मिळणार आहेत.

डिव्हिडंट कधी मिळेल आणि एकाग्राचे किती शेअर्स?

इन्फोसिसने प्रति शेअर 22 रुपये अंतिम डिव्हिडंट जाहीर केला. एकाग्राकडे कंपनीचे 15 लाख शेअर्स आहेत जे एकूण भागभांडवलाच्या 0.04% आहेत. डिव्हिडंट मिळविण्याची रेकॉर्ड तारीख ३० मे निश्चित करण्यात आली आहे आणि पेमेंट 30 जून रोजी केले जाईल.

आतापर्यंत लाभांशातून किती उत्पन्न मिळाले आहे?

एकाग्राला या वर्षी तीन हप्त्यांमध्ये 7.35 कोटी रुपयांचा अंतरिम डिव्हिडंट मिळाला होता. आता अंतिम डिव्हिडंटसह त्याची एकूण कमाई 10.65 कोटी रुपये होईल. 1 वर्ष 5 महिन्यांच्या वयात तो भारतातील सर्वात तरुण करोडपतींपैकी एक आहे.

तुम्हाला मिळणाऱ्या शेअर्सची किंमत किती?

2024 मध्ये नारायण मूर्ती यांनी त्यांच्या नातवाला इन्फोसिसचे 15 लाख शेअर्स भेट म्हणून दिले. त्यावेळी या शेअर्सचे बाजारमूल्य 240 कोटी रुपयांपेक्षा जास्त होते. नोव्हेंबर 2023 मध्ये जन्मलेला एकाग्र त्यावेळी 4 महिन्यांचा होता.

डिव्हिडंट म्हणजे काय?

कंपनी तिच्या शेअर्समधील गुंतवणुकीवर परतावा म्हणून तिच्या शेअरहोल्डर्सना देत असलेली रक्कम डिव्हिडंट म्हणून ओळखली जाते. जेव्हा एखादी कंपनी नफा कमावते तेव्हा त्याचा काही भाग भागधारकांमध्ये वाटला जातो. ज्याला डिव्हिडंट म्हणतात. उदाहरणार्थ जर तुमच्याकडे एका कंपनीचे 1000 शेअर्स असतील आणि कंपनी प्रति शेअर 10 रुपये डिव्हिडंट जाहीर करत असेल तर तुम्हाला एकूण 10 हजार रुपये डिव्हिडंट मिळेल. ही रक्कम तुमच्या डिमॅट खात्यातून थेट लिंक केलेल्या बँक खात्यात ट्रान्सफर केली जाते.

इन्फोसिसचे तिमाही निकाल

कंपनीने मार्च तिमाहीत 40 हजार 925 कोटी रुपयांचा महसूल नोंदवला, जो मागील तिमाहीपेक्षा 2% कमी आहे. असे असले तरी निव्वळ नफा 3% वाढून 7 हजार 33 कोटी रुपये झाला. जो विश्लेषकांच्या 6 हजार 697 कोटी रुपयांच्या अंदाजापेक्षा जास्त आहे. शेअर्सच्या किमतीबद्दल विश्लेषकांचे मत काय?राष्ट्रीय शेअर बाजारात इन्फोसिसचे शेअर्स 0.45% वाढून 14190.50 रुपयांवर बंद झाले.  गेल्या 12 महिन्यांत त्यात फक्त 0.02% वाढ झाली आहे आणि या वर्षाच्या सुरुवातीपासून 24.49% ने घट झाली आहे.

70 तास कामाचा आठवड्याच्या विधानावरुन वाद

नारायण मूर्ती यांनी काही काळापूर्वी भारताची उत्पादकता वाढवण्यासाठी ’70 तासांच्या कामाचा आठवडा’ सुचवला होता. त्यांचे हे विधान खूपच वादग्रस्त ठरले. असे असले तरी नारायण मूर्तींसाठी काम आणि कमिटमेंटचे महत्व खूप आहे. आता ते हा वारसा त्यांच्या नातवालाही देत ​​आहेत.

Patanjali Farming Initiatives: पंतजलीने भारताच्या कृषी क्षेत्रात मोठे बदल घडवून आणत आहेत. कंपनी सेंद्रिय शेती आणि अशा पद्धतीना प्रोत्साहन देत आहे. जे मातीचे आरोग्य सुधारू शकतात आणि शेतकऱ्यांना सक्षम करु शकतात. पर्यावरणपूरक पद्धतींचा वापर करुन पतंजली केवळ पिकांची गुणवत्ता सुधारत नाही तर शेतकरी आर्थिकदृष्ट्या मजबूत होत आहे याची खात्रीदेखील करत आहे. अखेर पतंजली शेती उपक्रम शाश्वत शेतीसाठी गेमचेंजर कसे ठरत आहे? असा प्रश्न उपस्थित होत आहे. 

पतंजलीचे उद्दिष्ट्य हे सेंद्रिय शेती आहे. याचच अर्थ केमिकलमुक्त पद्धती वापरून शेती करणे. यामुळं जमीन सुपिक होते. पतंजली किसान समृद्धी कार्यक्रमसारख्या प्रकल्पांद्वारे शेतकऱ्यांना सेंद्रिय शेतीचे योग्य प्रशिक्षण दिले जाते. जेणेकरुन ते त्यांच्या शेती पद्धती सुधारू शकतील आणि पिक उत्पादन वाढवू शकतील. जेव्हा मातीची गुणवत्ता सुधारेल तेव्हा पिकेदेखील निरोगी असतील आणि शेती दीर्घकाळ टिकेल.

शेतीसाठी पतंजलीचा नवा दृष्टिकोन

पतंजलीचा शेतीकडे पाहण्याचा नवीन दृष्टिकोन भारतातील शाश्वत शेतीसाठी मोठा बदल घडवून आणत आहे. कंपनी पाणी वाचवण्यास आणि मातीचे चांगले जतन करण्यास मदत करणारे तंत्रज्ञान आणण्यासाठी संशोधन आणि नवीन कल्पनांवर लक्ष केंद्रित करत आहे. ही विचारसरणी केवळ पीक उत्पादन वाढविण्यास मदत करत नाही तर शाश्वत शेती शेतकऱ्यांसाठी एक चांगला आणि उत्पन्न देणारा स्रोत देखील बनवते. यामुळे शेतकरी त्यांचे घर, कुटुंब आणि गाव चांगल्या प्रकारे सांभाळू शकतात.

रासायनिक खतांऐवजी नैसर्गिक साधनांचा वापर

पतंजलीच्या सेंद्रिय शेतीमध्ये वापरल्या जाणाऱ्या उत्पादनांचा मातीचे आरोग्य आणि पिकांची गुणवत्ता सुधारण्यात महत्त्वाची भूमिका आहे. शेणखत आणि कंपोस्ट सेंद्रिय पदार्थ वाढवून जमिनीची सुपीकता सुधारते, तर गोमूत्र आणि कडुलिंबाचे द्रावण नैसर्गिक कीटकनाशके म्हणून काम करतात आणि जमिनीत उपयुक्त जीवाणूंना प्रोत्साहन देतात.

पतंजली ऑरगॅनिकमध्ये काय खास?

पतंजली ऑरगॅनिक प्रोम हे एक विशेष उत्पादन आहे, ज्यामध्ये कार्बन आणि नायट्रोजन 12:1 च्या प्रमाणात असते. ते केवळ मातीची रचना सुधारत नाही तर वनस्पतींना आवश्यक पोषक तत्वे देखील प्रदान करते. याशिवाय, पतंजली सेंद्रिय खत हे औषधी वनस्पती, फुले, भाज्या आणि गाईच्या शेणाच्या अवशेषांपासून बनवले जाते, ज्यामध्ये ट्रायकोडर्मा, स्यूडोमोनास आणि एस्परगिलस सारख्या फायदेशीर जीवाणूंचा समावेश असतो. हे खत जमिनीची भौतिक आणि रासायनिक रचना सुधारण्यास मदत करते आणि ती नापीक होण्यापासून रोखते.

(Disclaimer – This article is part of India Dotcom Pvt Lt’s consumer connect initiative, a paid publication program IDPL claims no editorial involvement and assumes no responsibility or liability for any errors or omissions in the content of the article.)