Who was the real owner of Pushpak Viman : पुष्पक विमानाचं नाव सगळ्यांनी नक्कीच ऐकलं असेल. ज्या लोकांना पुष्पक विमानाबद्दल माहिती नाही त्यांच्यासाठी सांगायचं झालं, तर रामायणामध्ये याचा उल्लेख आहे. त्रेतायुगात जेव्हा रावणानं माता सीतेचं अपहरण केलं, तेव्हा तो त्यांना पुष्पक विमानातून लंकेला घेऊन गेला होता. आज जसं आपण विमानात बसून एका शहरातून दुसऱ्या शहरात जातो, तसंच ते विमान होतं. आकाशात उडणारं, वेगानं जाणारं. रावाणाचा वध केल्यानंतर श्रीराम, माता सीता आणि लक्ष्मण हे पुष्कप विमानात बसून अयोध्येला जातात. पण मग आता प्रश्न असा आहे की पुष्पक विमान होतं तरी कुणाचं? पुष्पक विमान रावणाचं होतं की देवांचे देव इंद्र यांचं?

तर याचं उत्तर थोडं वेगळं आहे. पुष्पक विमान रावणाचं किंवा इंद्र देवाचं नव्हतं. पौराणिक ग्रंथ रावण संहितानुसार, ब्रह्मदेवानं हे विमान त्यांच्या भक्त वैश्रवण  यांना दिलं होतं. तर पुष्पक विमानाचं तेज हे सुर्यासारखं होतं. हे ज्या कोणाला मिळणार तो देवांच्या समान होणार असं म्हटलं जातं होतं. पुष्पक विमान ना रावणाचं होतं ना देवांचा राजा इंद्र देवाचं.

कोण होता वैश्रवण?

वैश्रवण म्हणजेच रावणाचा सावत्र भाऊ कुबेर. त्यांनी ब्रह्मदेवांची खूप तपश्चर्या केली होती, त्यामुळे ब्रह्मदेवांनी त्यांना दोन वर दिले. एक म्हणजे त्यांना चौथा लोकपाल बनवलं आणि दुसरं म्हणजे पुष्पक विमान दिलं. हे विमान विश्वकर्मा यांनी बनवलं होतं.विश्वकर्मा म्हणजे देवतांचे मुख्य शिल्पकार. त्यांनी हे विमान खास ब्रह्मदेवांसाठी तयार केलं होतं, पण त्यांनी ते कुबेराला दिलं.

विश्रवा हे कुबेर आणि रावण यांचे वडील होते. कबुरचा जन्म हा विश्रवा यांच्या पहिल्या पत्नीपासून जन्माला आले होते आणि रावण त्यांच्या दुसऱ्या पत्नीचा अर्थात कैकेसीचा मुलगा. यामुळे कुबेर आणि रावण हे सौतेले भाऊ होते.

रावण जेव्हा मोठा झाला तेव्हा त्याने कुबेराकडून लंका आणि पुष्पक विमान दोन्ही जोरजबरदस्तीने हिसकावून घेतलं. तर एकंदरीत काय पुष्पक विमान आधी कुबेराचं होतं आणि नंतर रावणानं ते हिसकावून घेतलं. 

(Disclaimer –  वरील माहिती सामान्य संदर्भांवरून घेण्यात आली आहे. ‘झी २४ तास’ याची खातरजमा करत नाही.)

Karnataka CET Exam Controversy: सीईटी परीक्षेवेळी सर्व राज्यांमध्ये अनेक कठोर नियमांचे पालन केले जाते. यामुळे काही राज्यांमध्ये सीईटी परीक्षेदरम्यान वादाला तोंड फुटल्याच्या घटना समोर येत असतात.  कर्नाटकातील शिवमोगा येथे सीईटी म्हणजेच कॉमन एन्ट्रन्स टेस्ट दरम्यान वाद निर्माण झाला. परीक्षा केंद्रावर काही विद्यार्थ्यांना जानवं आणि मनगटावरील धार्मिक धागा काढण्यास सांगण्यात आले. हेच वादाचे मूळ बनले. 

शिवमोग्गा येथील आदि चुंचुंगिरी पीयू कॉलेज कॅम्पसमध्ये ही घटना घडली. सीईटी परीक्षा देण्यासाठी विद्यार्थी मोठ्या संख्येने परीक्षा केंद्रावर येते होते. सर्व परीक्षार्थींची कसून तपासणी सुरु होती. दरम्यान 3 विद्यार्थ्यांना परीक्षा केंद्रावर थांबवण्यात आले. त्यांच्या अंगावरील जानवं आणि हातावर बांधलेला संरक्षक धागा (कलावा) काढण्यास सांगण्यात आलं.

सीईटी परीक्षेत काय झाले?

गेटवर उपस्थित असलेले सुरक्षा रक्षकांनी परीक्षार्थींची कसून तपासणी करत होते. यावेळी त्यांनी 2 विद्यार्थ्यांना हटकले. कारण त्यांनी जानवं आणि मनगटात धार्मिक धागा बांधला होता. धार्मिक धागा परीक्षेच्या आड येत नव्हता, त्यामुळे आम्हाला परीक्षेला जाऊ द्या, असे विद्यार्थी सांगण्याचा प्रयत्न करत होते. पण सुरक्षारक्षक ते ऐकण्याच्या मनस्थित नव्हते. जानवं आणि कलावा काढा तरच प्रवेश मिळेल यावर सुरक्षारक्षक ठाम होते. यातील तिसरा विद्यार्थी धागा न काढण्यावर ठाम होता. त्यामुळे विद्यार्थी आणि सुरक्षा रक्षकांतील वाद वाढत गेला आणि हळुहळू तणावाचे वातावरण निर्माण होऊ लागले. 

ही घटना 16 एप्रिल रोजी घडली. ज्यामध्ये संबंधित विद्यार्थ्याला सुमारे 15 मिनिटे गेटवर थांबवण्यात आले. अखेर रक्षकांनी त्याच्या हातातील संरक्षक धागा काढला आणि यानंतरच परीक्षा देण्याची परवानगी देण्यात आली. ही माहिती हळूहळू संपूर्ण परिसरात पसरली आणि प्रकरणाला वेगळेच वळण लागले. अखिल कर्नाटक ब्राह्मण सभेने या घटनेचा निषेध केल. त्यांनी तात्काळ जिल्हा दंडाधिकाऱ्यांची (डीएम) भेट घेतली आणि कठोर कारवाईची मागणी केली. आमच्या धार्मिक भावना दुखावल्या असून दोषींवर त्वरित कारवाई करावी, असा आरोप त्यांनी केला.

पीडितेच्या पालकांनी काय म्हटले?

पीडित विद्यार्थ्याच्या काकांनी माध्यमांना याबद्दल माहिती दिली. ‘माझा पुतण्या आदि चुंचुंगिरी पीयू कॉलेजमध्ये सीईटीसाठी गेला होता. तिथे गार्डने त्याला टी-शर्टच्या आत घातलेलं जानवं आणि मनगटावर बांधलेला  संरक्षक धागा काढण्यास सांगितल्याचे’, ते म्हणाले. धाग्यासह परीक्षा केंद्रात प्रवेश देणार नसाल तर मी परीक्षा देणार नाही, अशी भूमिका पुतण्याने घेतली. यानंतर त्याला 15 मिनिटे बाहेर बसवण्यात आले. नंतर त्याला धाग्यासह परीक्षा देण्याची परवानगी देण्यात आल्याची मााहिती त्याच्या काकांनी दिली. यानंतर जानवं घालून त्याला परीक्षेसाठी सोडण्यात आलं. पण त्याच्या हातावरील धागा काढून कचऱ्याच्या डब्यात फेकण्यात आल्याची माहितीही त्यांनी दिली. माझ्या पुतण्याआधी दोन मुलांसोबतही अशाच प्रकारे धागा काढून फेकण्याचा प्रकार घडला होता.

कर्नाटकचे उच्च शिक्षण मंत्री काय म्हणाले?

कर्नाटकचे उच्च शिक्षण मंत्री एम.सी. सुधाकर यांनी यासंदर्भात प्रतिक्रिया दिली आहे. ‘असे घडायला नको होते. जर हे घडले असेल आणि दावा केल्याप्रमाणे असेल तर ते निषेधार्ह आहे. मी कार्यकारी संचालकांकडून अहवाल मागितला असल्याचे’, ते म्हणाले. परीक्षांसाठी काही निश्चित प्रोटोकॉल आहेत. जे प्रत्येक संस्था पाळते. पण त्यात जानवं किंवा मनगटातील धागा काढून टाकण्याचा कोणताही उल्लेख नाही. जर तपासात हे खरे ठरले तर विभाग दोषी लोकांवर कारवाई करेल, असेह ते म्हणाले.