छोट्या पडद्यावरील अतिशय लोकप्रिय मालिकांच्या यादीमधील एक मालिका म्हणजे ‘येऊ कशी तशी मी नांदायला.’ या मालिकेतील स्वीटू, ओमकार, निलू, शकू , रॉकी या पात्रांनी प्रेक्षकांची मने जिंकली होती. मात्र ओम ही भूमिका साकारणार शाल्व किंजवडेकर भलताच लोकप्रिय ठरला होता. मालिका संपल्यावर ओमने काही दिवस ब्रेक घेतल्यावर आता पुन्हा छोट्या पडद्यावर पुनरागमन करणार आहे. चाहत्यांसाठी हा सुखद धक्काच आहे.

नीता मुकेश अंबानी कल्चरल सेंटरचे (NMACC) नुकताच मुंबईत उद्घाटन झाले. या उद्घाटन सोहळ्याचे मुंबईत आयोजन करण्यात आले होते. या सोहळ्याला बॉलिवूड कलाकारांनी देखील हजेरी लावली. तसेच अनेक कलाकारांनी या उद्घाटन सोहळ्यात परफॉर्मन्स देखील दिले. दरम्यान, या सोहळ्यातील एक व्हिडीओ समोर आला आहे. या व्हिडीओमध्ये बॉलिवूडचा किंग खान शाहरुख पत्नी गौरीशी भांडताना दिसत आहे.

‘आदिपुरुष’ या चित्रपटात प्रभास, सैफ अली खान आणि क्रिती सेनॉन यांच्या महत्त्वाच्या भूमिकेत आहेत. या चित्रपटात मोठ्या प्रमाणावर विएफएक्सचा वापर करण्यात आला आहे. तसेच टीझरमध्ये काही मराठी कलाकार देखील असल्याचे दिसत आहे. ओम राऊत दिग्दर्शित हा चित्रपट १२ जानेवारी २०२३ला प्रेक्षकांच्या भेटीला येणार होता. मात्र काही कारणास्तव चित्रपटाचे प्रदर्शन लांबणीवर टाकण्यात आले. या चित्रपटाची निर्मिती भूषण कुमार, कृष्ण कुमार, प्रसाद सुतार, राजेश नायर यांनी केली आहे.

पुढे पलकला इब्राहिमला डेट करण्याबाबत प्रश्न विचारण्यात आला. त्यावर तिने, ‘मी या अफवांकडे लक्ष देत नाही. कारण हा माझ्या पेशाचा एक भाग आहे. यापेक्षा मी माझ्या करिअरकडे लक्ष देईन. प्रेमाचे मोजमाप किंवा भविष्यवाणी केली जाऊ शकत नाही. सध्या माझे काम हे माझ्यासाठी महत्त्वाचे आहे. करिअरच्या दृष्टीने हे माझ्यासाठी महत्त्वाचे आहे. त्यामुळे फक्त कामाकडे लक्ष देते आहे’ असे म्हटले आहे.

९० च्या दशकात बॉलिवूड राज्य करणारी अभिनेत्री म्हणजे दिव्या भारती. तिने सौंदर्य आणि अभिनयाच्या जोरावर प्रेक्षकांची मने जिंकली होती. मात्र, ५ एप्रिल १९९३ साली दिव्या भारतीचे निधन झाले. तिच्या निधनाने सर्वांनाच धक्का बसला. वयाच्या १९व्या वर्षी दिव्याचे अपघाती निधन कसे झाले याचा अद्याप खुलासा झालेला नाही. तिचा मृत्यू बॉलिवूडसाठी आजही एक रहस्य ठरले आहे.