पंजाबसाठी फिनिशरची भूमिका शशांक सिंगने इतका जबरदस्त षटकार मारला की संघ मालक प्रीती झिंटा श्वास रोखून पाहत होती. शशांतने चेंडू इतका जोरात मारला की तो स्टेडियमच्या छतावर पडला आणि बाहेर गेला. हा अद्भुत शॉट पाहून प्रीती झिंटा थक्क झाली. तिची प्रतिक्रिया सोशल मीडियावर व्हायरल होत आहे.

१६ व्या षटकातील दुसऱ्या चेंडूवर, पंजाब किंग्जने नेहल वढेराला बाद करत चौथी विकेट गमावली. यानंतर शशांक सिंग फलंदाजीला आला. या षटकात त्याने २ चेंडूत २ धावा काढल्या. यानंतर, त्याने १७ व्या षटकात मयंक यादवविरुद्ध फटकेबाजी करत चौकाराने सुरुवात केली. दुसऱ्या चेंडूवर त्याने २ धावा काढल्या. पण तिसऱ्या चेंडूवर, त्याने डीप बॅकवर्ड स्क्वेअर लेगकडे एक शक्तिशाली फटका खेळला मारला आणि चेंडू स्टेडियमच्या पलीकडे पाठवून षटकार लगावला.

शशांकचा हा दमदार फटका पाहून पंजाब किंग्जच्या मालकीण प्रीती झिंटासह स्टेडियममध्ये उपस्थित असलेले सर्वजण आश्चर्यचकित झाले. शशांक सिंगने पुन्हा एकदा फिनिशरची भूमिका लिलया पार पाडली. या सामन्यात त्याने फक्त १५ चेंडूत २२० च्या स्ट्राईक रेटने ३३ धावा केल्या. यादरम्यान त्यांच्या बॅटमधून ४ चौकार आणि १ षटकार पाहायला मिळाला. याबरोबरच, त्याने आतापर्यंत ११ सामन्यांच्या ९ डावात ५२ च्या सरासरीने २१० धावा केल्या आहेत. यादरम्यान त्याचा स्ट्राइक रेट १४० राहिला आहे.

यश दयालने ३ मे ला झालेल्या सामन्यात चेन्नईविरूद्ध अखेरच्या षटकात १५ धावांचा बचाव केला. या षटकात त्याने धोनीला झेलबाद केलं. त्यानंतर शिवम दुबेने एक षटकार लगावला आणि नो बॉलही टाकला पण तरीही यश दयालने उत्कृष्ट यॉर्कर टाकत चांगली गोलंदाजी केली.

यश दयालच्या कामगिरीबद्दल त्याच्या वडिलांनी मोठं वक्तव्य केलं आहे. विराट कोहलीमुळेच तो आज मोकळेपणाने खेळत आहे आणि संघाला विजय मिळवून देण्यात महत्त्वाची भूमिका बजावत आहे, असे त्याच्या वडिलांनी सांगितले. त्याचे वडील चंद्रपाल दयाल यांनी खुलासा केला क विराट कोहली आरसीबीमध्ये सामील झाल्यापासून त्याच्याशी खूप चर्चा करतो. तो अनेकदा त्याला त्याच्या खोलीत बोलावतो, बऱ्याच वेळा तो स्वतः यशच्या खोलीत जातो आणि त्याला खेळाबद्दल समजावून सांगत असतो.

यश दयालचे वडिल विराटबद्दल सांगताना म्हणाले, “कठोर मेहनत करत राहा, बिनधास्त खेळ तू, मी तुमच्याबरोबर आहे, काळजी करू नकोस, मेहनत करणं थांबवू नको, चुका कर पण त्यातून शिकवण घे आणि पुढे जा.” यश दयालचे वडील पुढे म्हणाले, “विराटने त्याला खूप स्वातंत्र्य दिलंय आणि त्याला एक निर्भय क्रिकेटपटू बनवलं आहे. मी अनेक क्रिकेटपटूंना तुटून कोसळून जाताना पाहिलं आहे, विशेषतः गोलंदाजांना; पण विराटने त्याला सावरलं आहे.”

२०२३ मध्ये, यश दयाल गुजरात टायटन्सकडून खेळत होता, या शेवटच्या षटकात रिंकू सिंगने त्याच्या गोलंदाजीवर ५ चेंडूत ५ षटकार मारले. यामुळे त्याची खूप थट्टा झाली आणि या संपूर्ण घटनेनंतर तो नैराश्यात गेला. पण आयपीएल २०२४ च्या हंगामात, तो धोनीच्या संघाविरुद्ध १७ धावांचा बचाव करून हिरो बनला. गेल्या दोन वर्षांत त्याने क्रिकेटपटू म्हणून खूप चांगली प्रगती केली आहे. गेले दोन सीझन तो आयपीएलमध्ये आरसीबीकडून खेळत आहे आणि आरसीबीने त्याच्यावर दाखवलेला विश्वास त्याने सार्थ ठरवला.