करिष्माने २००३मध्ये उद्योगपती संजय कपूरशी लग्न केले होते. सुरुवातील दोघेही आनंदी होते. पण लग्नाच्या पाच-सहा वर्षांनंतर दोघांमध्ये सतत वाद होऊ लागले. त्यांनी लग्नाच्या जवळपास १३ वर्षांनंनतर विभिक्त होण्याचा निर्णय घेतला.

२०२१मध्ये नार्कोटिक्स कंट्रोल ब्युरोने अभिनेता एजाज खानला ड्रग्ज प्रकरणात अटक केली. कथित ड्रग्ज तस्कर फारुख शेख उर्फ बटाटा याचा मुलगा शादाब शेख उर्फ शादाब बटाटा याच्या चौकशीत त्याचे नाव समोर आले होते. शादाब हा देखील ड्रग्ज पेडलर आहे. माजी झोनल डायरेक्टर समीर वानखेडे यांनी त्यावेळी प्रसारमाध्यमांना सांगितले होते की, ‘चौकशीदरम्यान एजाज खानचे नाव समोर आले आणि आम्हाला त्याच्याविरुद्ध काही आक्षेपार्ह पुरावे मिळाले आहेत.’ एजाजच्या अटकेनंतर त्याच्याकडे काही झोपेच्या काही गोळ्या सापडल्या होत्या. या प्रकरणी तो तुरुंगात शिक्षा भोगत होता. आता त्याला जामीन मिळाला असून, तो तुरुंगातून बाहेर आला आहे.

या महिन्याच्या सुरुवातीलाच अशोक राणे यांना हा पुरस्कार जाहीर झाला होता. फिप्रेस्की इंडिया या संस्थेतर्फे सिनेमासंदर्भातलं उत्तमोत्तम लेखन करणाऱ्या लेखकाला हा पुरस्कार देण्यात येतो. यापूर्वी २०२१मध्ये अरुणा वासूदेव यांना तर, २०२२मध्ये शनमुगदास यांना सत्यजित रे स्मृती पुरस्कार देण्यात आला आहे. अशोक राणे हे गेली ४६ वर्ष सिनेमा संदर्भात लेखन करत आहेत. त्यांना या लेखनासाठी आजवर तीनदा राष्ट्रीय पुरस्कार मिळाला आहे. असा पुरस्कार मिळवणारे ते मराठीतले एकमेव लेखक आहेत.

सारा अली खान आणि विकी कौशल या आपल्या लाडक्या कलाकारांना पाहण्यासाठी आणि त्यांच्यासोबत सेल्फी घेण्यासाठी लोकांची मोठी गर्दी झाली होती. चाहत्यांच्या प्रचंड गराड्यात हे दोन्ही कलाकार बराच वेळ अडकले होते. मात्र, या गर्दीतून देखील ते दर्ग्यापर्यंत पोहोचले. यानंतर अस्तानामध्ये व्हरांड्यावर बसून सारा अली खानने काही वेळ प्रार्थना केली. त्याच्या आगामी ‘जरा हटके जरा बचके’ या चित्रपटासाठी दोघांनी प्रार्थना केली. कुणालाही कुणकुण लागू नये म्हणून हे कलाकार ऑटो रिक्षाने दर्गा शरीफ येथे पोहोचले होते. मात्र, तरीही लोकांनी त्यांना ओळखले.

आपल्या दमदार अभिनयाने प्रेक्षकांना भुरळ घालणारी अभिनेत्री मुक्ता बर्वे सोशल मीडियावर प्रचंड सक्रिय असते. नाटक, चित्रपट असो वा मालिका ती सगळ्याच अपडेट्स चाहत्यांसोबत शेअर करत असते. अशातच तिने हा व्हिडीओ शेअर केला आहे. या व्हिडीओमध्ये मुक्ता वाशीमधील विष्णुदास भावे नाट्यगृह दाखवताना दिसत आहे. या नाट्यगृहाची चोख व्यवस्था, नाट्यगृह प्रशासन घेत असलेली काळजी, स्वच्छता या सगळ्या गोष्टी तिने आपल्या व्हिडीओमधून दाखवल्या आहेत. ‘चारचौघी’ या नाटकाच्या प्रयोगासाठी मुक्ता विष्णुदास भावे नाट्यगृहात होती. या दरम्यान तिने हा व्हिडीओ बनवला आहे.

प्रिया म्हणाली, ‘या उलट असित मोदी अनेकदा आपल्याला म्हणायचे की, तुला काम करण्याची गरज काय आहे?नवरा कमावतोय, तू राणीसारखी जगतेस.’ दरम्यान, मालवकडे काम असल्याने आणि ती बाकीचे शो देखील करत असल्याने त्यांना आर्थिक अडचणींचा सामना करावा लागला नाही. पण मालवने शो सोडल्यापासून, असित मोदीने तिला कोणताही प्रतिसाद दिलेला नाही आणि निर्मात्यांनीही तिच्याशी संपर्क साधलेला नाही. या सेटवर चुकीची आणि अपमानस्पद वागणूक मिळत असल्याची गोष्ट देखील तिने बोलून दाखवली. तर, इतर कलाकारांच्या आरोपांवर देखील तिने आपलं मत व्यक्त केलं.

‘एसी नसताना बंदिस्त नाट्यगृहात कशी अवस्था होते, हे कलाकाराच्या नजरेतून देखील पाहायला हवं. प्रचंड प्रकाशात काम करताना उकाड्यामुळे अंगाची लाहीलाही होते. प्रेक्षकांना तर उकाड्यासोबतच डासांचा त्रासही होतोय. तरीही प्रेक्षक एवढे शांत कसे राहू शकतात?’ असा सवाल करत त्यांनी रत्नागिरीत पुन्हा शो करणार नाही असे म्हटले आहे. तर, यावेळी त्यांनी प्रेक्षकांची हात जोडून माफी देखील मागितली आहे. केवळ भरत जाधवच नाही तर, अनेक कलाकारांनी नाट्यगृहांच्या अवस्थेवर वेळोवेळी भाष्य केलं आहे. मात्र, प्रशासनाला कधी जाग येणार, असा सवाल सगळेच करत आहेत.