दुसरीकडे, ऑल इंडियन सिने वर्कर्स असोसिएशनचे प्रमुख सुरेश श्यामलाल गुप्ता यांनी या प्रकरणाची सरकारने गांभीर्याने दखल घ्यावी, असे आवाहन केले. कारण गेल्या दहा दिवसांतील ही तिसरी-चौथी वेळ आहे, जेव्हा अशाप्रकारे बिबट्याने सेटवर एन्ट्री घेतली आहे. जंगली प्राणी सेटवर शिरकाव केल्याने सगळ्यांच्याच जीवाला धोका निर्माण झाला आहे. ‘सुख म्हणजे नक्की काय असतं’च्या सेटवर बिबट्याने प्रवेश केला तेव्हा तेथे २०० हून अधिक लोक उपस्थित होते, असेही त्यांनी सांगितले. ही बाब सरकार गांभीर्याने घेत नसल्याचे सुरेश श्यामलाल गुप्ता यांनी म्हटले आहे. या आधी १८ जुलैलाही मुंबईच्या फिल्मसिटीमध्ये बिबट्या फिरताना दिसला होता.

अमिताभ बच्चन सोशल मीडियावर खूप सक्रिय असतात, हे सर्वांना माहीत आहे. ते त्यांचे विचार, आयुष्याशी संबंधित अपडेट्स आणि कधी कधी काही विनोद ट्विट करत असतात. २०१०मध्ये अमिताभ बच्चन यांनी एक ट्विट केले होते, ज्यात लिहिले होते की, ‘इंग्रजी भाषेत ब्रा एकवचनी आणि पॅन्टी बहुवचनी का आहे?’ त्यांनी हे ट्विट केले, तेव्हा ते बरेच ट्रोल झाले होते. मात्र, आता पुन्हा एकदा हे ट्वीट सोशल मीडियावर व्हायरल होत आहे.

‘गदर २’च्या ट्रेलरने चाहत्यांची उत्सुकता वाढवली आहे. निर्मात्यांसोबतच सनी देओललाही त्याच्या ‘गदर २’ कडून खूप आशा आहेत. गेल्या अनेक दिवसांपासून कलाकार या चित्रपटाचे जोरदार प्रमोशन करत आहेत. २००१मध्ये प्रदर्शित झालेल्या ‘गदर: एक प्रेमकथा’ या चित्रपटाची कहाणी आता पुढे नेण्यात आली आहे. मात्र, ट्रेलर पाहून सगळ्यांनाच ‘गदर’ची आठवण आली आहे. पहिल्या भागाशी कथेची जवळीक साधण्याचा प्रयत्न करण्यात आला आहे.

राहुल बोस याला प्रसिद्ध मासिक टाईमने ‘द सुपरस्टार ऑफ इंडियन आर्ट हाऊस सिनेमा’ ही पदवी दिली होती. ‘इंग्लिश’, ‘ऑगस्ट’ आणि ‘मिस्टर अँड मिसेस अय्यर’ या चित्रपटांतील उत्कृष्ट अभिनयामुळे त्याला हे यश मिळाले. याशिवाय राहुल बोस याला मॅक्सिमतर्फे ‘द सीन पेन ऑफ ओरिएंटल सिनेमा’ पुरस्काराने सन्मानित करण्यात आले आहे. बॉलिवूडमध्ये राहुलने ‘झंकार बीट्स’, ‘चमेली’, ‘शौर्य’, ‘कुछ लव जैसा’, ‘दिल धडकने दो’, ‘प्यार के साइड इफेक्ट्स’ आणि ‘नान गए मुगल-ए-आझम’ यांसारख्या चित्रपटांमधून दमदार अभिनयाने लोकांची मने जिंकली आहेत. राहुलने ‘पूर्णा: रेज हॅज नो लिमिट’ या चित्रपटाचे दिग्दर्शनही केले आहे.