28th August Headlines: आज दिवसभरात बऱ्याच महत्त्वाच्या घडामोडी घडणार आहेत. पुण्यातील गणेश मंडळांची उपमुख्यमंत्री अजित पवार यांच्या उपस्थितीत बैठक होणार आहे. विरोधकांची आघाडी इंडियाच्या मुंबईतील बैठकीसंदर्भात महाविकास आघाडीची आज पुन्हा बैठक होणार आहे. दहावी-बारावीच्या पुरवणी परीक्षेचा निकालही आज लागणार आहे. रिलायन्स इंडस्ट्रीजची वार्षिक सर्वसाधारण सभा आज होणार असून या अंतर्गत विविध घोषणा होण्याची शक्यता आहे.

अजित पवारांच्या उपस्थितीत पुण्यातील गणेश मंडळांची बैठक

पुण्यातील गणेश मंडळांची उपमुख्यमंत्री अजित पवार यांच्या उपस्थितीत बैठक होणार आहे. पुण्याचे पालकमंत्री जरी चंद्रकांत पाटील असले तरी अजित पवार सतत बैठका घेत आहेत, पिंपरी-चिंचवड महापालिका, पुणे जिल्हाधिकारी, विभागीय आयुक्त, पुणे महापालिका आयुक्त अशा अनेक बैठका त्यांनी घेतल्या आहेत.

महाविकास आघाडीची आज मुंबईत बैठक

विरोधकांची आघाडी इंडियाच्या मुंबईतील बैठकीसंदर्भात महाविकास आघाडीच्या मॅरेथॉन बैठका सुरू आहेत. अंतिम तयारीसंदर्भात आज पुन्हा एकदा महाविकास आघाडीच्या नेत्यांची बैठक होईल. या बैठकीत अंतिम तयारीचं नियोजन केलं जाईल. त्याचसोबत राहुल गांधी यांचं मुंबईत जंगी स्वागत केलं जाणार आहे, यासाठी राहुल गांधीच्या स्वागताच्या तयारीचा ही आढावा काँग्रेस नेते घेणार आहेत.

रिलायन्स इंडस्ट्रीजची आज वार्षिक सर्वसाधारण सभा

रिलायन्स इंडस्ट्रीज लिमिटेडची वार्षिक सर्वसाधारण सभा (AGM) आज दुपारी 2 वाजता होणार आहे. रिलायन्स इंडस्ट्रीज लिमिटेडची 46वी वार्षिक सर्वसाधारण सभा व्हिडिओ कॉन्फरन्सिंगद्वारे होणार आहे. जिओ फायनान्शिअल सर्व्हिसेस आयपीओ शेअर बाजारात सूचिबद्ध झाल्यानंतर प्रथमच एजीएम आयोजित केली जात आहे.

पंतप्रधान नवनियुक्त व्यक्तींना देणार नियुक्ती पत्र

पंतप्रधान नरेंद्र मोदी रोजगार मेळाव्याअंतर्गत सकाळी 10.15 वाजता व्हिडीओ कॉन्फरन्सिंगद्वारे 51 हजारांहून अधिक नवनियुक्त व्यक्तींना नियुक्ती पत्रांचं वाटप करणार आहेत, यावेळी पंतप्रधान संबोधित करणार आहेत. नागपुरात सीआरपीएफ कॅम्पमध्ये होणाऱ्या कार्यक्रमांमध्ये केंद्रीय मंत्री नितीन गडकरी उपस्थित राहणार आहेत.

दहावी-बारावीच्या पुरवणी परीक्षेचा निकाल

दहावी-बारावीच्या पुरवणी परीक्षेचा निकाल आज जाहीर लागणार आहे. विद्यार्थ्यांना हा निकाल ऑनलाईन पद्धतीने पाहता येणार आहे.

इतर महत्त्वाच्या बातम्या

मुंबई कोर्टाने फटकारल्यानंतर अमरावतीच्या खासदार नवनीत राणा आणि आमदार रवी राणा हे हनुमान चालीसा प्रकरण आणि राजद्रोह प्रकरणी मुंबईच्या सेशन कोर्टात उपस्थित राहणार आहेत.

रांची – आज 29 वर्षांनंतर चारा घोटाळ्यातील 124 आरोपींविरोधात सीबीआय न्यायालयाचा निर्णय येणार आहे. आरोपींपैकी 8 कोषागार अधिकारी, 29 पशुवैद्यक, 86 पुरवठादारांविरुद्ध निकाल येणार आहे. आरजेडी प्रमुख लालू प्रसाद यादव या चारा घोटाळा प्रकरणात शिक्षा भोगत आहेत, ते सध्या प्रकृतीच्या कारणास्तव जामिनावर बाहेर आहेत.
 
जपान आज चंद्रावर आपली मोहीम ‘मून स्निपर’ प्रक्षेपित करणार आहे. भारतीय वेळेनुसार सकाळी 5.56 वाजता प्रक्षेपण होणार आहे.

Maharashtra Politicis : अजितदादांनी पांढऱ्या दाढीवाल्या ‘शकुनी मामा’ पासून सावध राहणं गरजेच आहे. हा शकुनी मामा तुमचं वाटोळं केल्याशिवाय राहणार नसल्याचे वक्तव्य मुंबई विभागीय राष्ट्रवादी युवक काँग्रेसचे अध्यक्ष अॅड. निलेश भोसले (Nilesh Bhosale) यांनी केलं. उपमुख्यमंत्री अजितदादा पवार (Ajit Pawar) यांचा स्वभाव महाभारतामधील कर्णासारखा आहे, हे संपूर्ण महाराष्ट्राला माहित असल्याचे भोसले म्हणाले. पण त्यांनी पांढऱ्या दाढीच्या शकुनी मामा पासून सावध राहवे असे भोसले म्हणाले. 

दरम्यान, मुंबई विभागीय राष्ट्रवादी युवक काँग्रेसचे अध्यक्ष अॅड. निलेश भोसले यांनी पांढऱ्या दाढीचा ‘शकुनी मामा’ नेमकं कोणाला म्हटलं ते सांगतिलं नाही. त्यांनी कोणाचही नाव घेतलं नाही. त्यामुळ निलेश भोसलेंचा नेमका रोख कोणाकडं याची राजकीय वर्तुळात चर्चा सुरु झाली आहे. अजितदादा पवार यांचा स्वभाव महाभारतामधील कर्णासारखा आहे, पण त्यांनी पांढऱ्या दाढीवाल्या ‘शकुनी मामा’ पासून सावध राहावे असे भोसले म्हणालेत. त्यांच्या वक्तव्याची राजकीय वर्तुळात चर्चा सुरु आहे. 

मा अजित दादा ने पांढऱ्या दाढीवाल्या “शकुणी मामा” पासून सावध राहणं गरजेच आहे, हा शकुणी मामा तुमचं वाटोळं केल्याशिवाय राहणार नाही.#SharadPawar #Beed #NCP #AjitPawar #Maharastra pic.twitter.com/POAsfL05bz

— Adv Nilesh Bhosle – अॅड. निलेश भोसले (@advnileshbhosle) August 27, 2023

अजित पवारांची बीडमध्ये जाहीर सभा

आज (27 ऑगस्ट) अजित पवार यांची बीडमध्ये जाहीर सभा झाली. यावेळी त्यांचे बीड जिल्ह्यात जोरदार स्वागत करण्यात आले. या कार्यक्रमाला राष्ट्रवादी काँग्रेसचे मुख्य नेते उपस्थीत होते. यामध्ये अजित पवार गटाचे राष्ट्रवादीचे प्रदेशाध्यक्ष सुनिल तटकरे, प्रफुल्ल पटेल, मंत्री छगन भुजबळ, मंत्री हसन मुश्रीफ, मंत्री धनंजय मुंडे यासह बीड जिल्ह्यातील अनेक नेते उपस्थित होते. यावेळी धनंजय मुंडे आणि छगन भुजबळ यांन जोरदार भाषण केल्याचं पाहायला मिळालं. तर राजकारणात कुणी कुणाचा कायमचा मित्र किंवा शत्रू नसतो असेअजित पवार म्हणाले. राजकीय जीवनात चढउतार येतात, त्याना सामोरे जायचं असतं. आम्ही जरी युतीच्या सरकारमध्ये असलो तरी सर्व जाती धर्मात जातीय सलोखा राखला गेला पाहिजे. जनतेला हे सरकार आपलं आहे हे आम्ही कृतीतून दाखवून देऊ असे अजित पवार म्हणाले. 

साहेब उपमुख्यमंत्री म्हणून अजितदादांना मान्यता द्या : छगन भुजबळ

राष्ट्रवादी पक्ष कुणाकडे आहे आणि अध्यक्ष कोण हे आजची सभा पाहिली तर लक्षात येईल. पक्षाचे अध्यक्ष  हे अजित पवार (Ajit Pawar) असल्याचे मत मंत्री छगन भुजबळ (Chhagan Bhujbal) यांनी व्यक्त केले. शरद पवार (Sharad Pawar) यांची पहिली सभा छगन भुजबळ यांच्या मतदारसंघात, दुसरी धनंजय मुंडे, तिसरी हसन मुश्रीफ यांच्या मतदारसंघात झाली. पण ज्यावेळी बारामतीचा विषय आला त्यावेळी शरद पवार म्हणाले की, अजित पवार आमचे नेते आहेत. अजित पवार नेते आहेत म्हणता तर मग उपमुख्यमंत्री म्हणून त्यांना मान्यता द्या आणि भांडण मिटवून टाका असेही छगन भुजबळ म्हणाले. काँग्रेस फुटली त्यावेळी मी शरद पवार यांच्यासोबत जायचा निर्णय घेतला. त्यावेळी काँग्रेसचे नेते मला मुख्यमंत्री करतो असे म्हणाले होते. फक्त तुम्ही शरद पवार यांच्यासोबत जाऊ नका. परंतु मी शरद पवार यांच्यासोबत राहील्याचे छगन भुजबळ म्हणाले. 

महत्त्वाच्या बातम्या:

Ajit Pawar : एक लाख कोटी रुपये लागले तरी चालतील पण मराठवाड्याला पाणी देणार : अजित पवार 

पुणे : पुण्यात गुन्हेगारीत (Crime) वाढ होत (Pune crime) आहे. त्यात अत्याचारांच्या घटनांचादेखील मोठ्या प्रमाणात समावेश आहे. शिक्षणाचं माहेरघर समल्या जाणाऱ्या पुण्याची नाईट लाईफ बदलली आहे. पार्ट्या आणि पबिंगकडे अनेक तरुणांचा कल दिसत आहे. यातच पार्टीत जबरदस्तीने आग्रह करुन तरुणीला दारु पाजून तिच्यावर लैंगिक अत्याचार केल्याच समोर आलं आहे. आधी तरुणीला दारु पाजली त्यानंतर त्रास होत असल्याने तिला हॉटेलमध्ये नेऊन तेथे तिच्यावर अत्याचार केला. या घटनेमुळे विश्वास नेमका कोणावर ठेवावा, असा प्रश्न उपस्थित होत आहे.

या सगळ्यानंतर या मुलाने तरुणीचे न्युड व्हिडीओ आणि फोटो काढून ते व्हायरल करण्याची धमकीदेखील या तरुणाने दिली. त्यानंतर हिच धमकी आणि फोटो दाखवत तिच्यावर वारंवार अत्याचार केला आहे. या प्रकरणी तरुणीने येरवडा पोलीस ठाण्यात तक्रार दिली आहे. त्यानुसार अभिषेक सत्तुजी टिक्कल या तरुणावर गुन्हा दाखल करण्यात आला आहे. 

जुलै 2022 मध्ये तरुणीला पार्टीसाठी विमाननगर येथील ईफिनगट क्लबमध्ये बोलावून घेतलं होतं. याच पार्टीत तिला दारु पिण्यासाठी आग्रह केला होता. त्यानंतर तरुणीने  दारु प्यायला नकार दिला. मात्र जबरदस्तीने आग्रह करुन दारु पिण्यास लावली. त्यानंतर नशेत या तरुणीला  लेमन ट्री हॉटेलमध्ये नेऊन शरीरसंबंध प्रस्थापित केले आणि व्हिडीओ, फोटोदेखील काढले.

पुण्यात मागील काही दिवसांपासून अत्याचारात चांगलीच वाढ झाल्याचं दिसत आहे. काल अशीच एक घटना समोर आली होती.  लहानपणीच्या मित्रानेत एका तरुणीसोबतच्या मैत्रीचा गैरफायदा घेतल्याचं समोर आलं होतं. फोटो व्हायरल करण्याची धमकी देऊन एका 26 वर्षीय तरुणीवर बलात्कार केला होता. हा प्रकार चंदननगर पोलीस ठाण्याच्या हद्दीत घडला सून पीडित तरुणीच्या तक्रारीवरुन बीड जिल्ह्यातील तरुणावर गुन्हा (FIR) दाखल करण्यात आला होता. याप्रकरणी चंदननगर परिसरात राहणाऱ्या 26 वर्षांच्या तरुणीने तक्रार दिली आहे. चंदननगर पोलिसांनी आसिफ रहीम शेख  (वय-26 रा. मुपो. पाडळी, ता. शिरुर, जि. बीड) यांच्यावर गुन्हा दाखल केला होता. हा प्रकार एक दोन दिवस नाही तर जुलै 2022 ते 13 डिसेंबर 2022 या कालावधीत वाघोली येथील हॉटेलमध्ये घडला होता आणि सोबतच आरोपीच्या भावाच्या घरी घडला देखील होता. 

इतर महत्वाची बातमी-