नाशिक : नाशिक (Nashik) शहरासह जिल्ह्यात दोन दिवस धो धो बरसल्यानंतर काल दुपारपासून पावसाने उघडीप दिली आहे. त्यामुळे दोन दिवसांच्या पावसामुळे गोदावरीला आलेला पूरही ओसरला असून नाशिकसह गंगापूर (Gangapur Dam) पाणलोट क्षेत्रात पावसाचा जोर कमी झाल्याने धरणातून विसर्गही घटविण्यात आला आहे. त्यामुळे नाशिककरांना दोनच दिवस गोदावरी खळाळून वाहताना पाहायला मिळाली. कालपासून पावसाने पुन्हा उघडीप दिली असून अजूनही चांगल्या पावसाची प्रतीक्षा कायम असल्याचे चित्र आहे. 

अनेक दिवसांच्या प्रतीक्षेनंतर गुरुवारी मध्यरात्रीपासून पावसाने (Nashik rain) सुरवात केली. त्यानंतर जवळपास 48 तास नाशिक शहरासह जिल्ह्यात मुसळधार पावसाची नोंद झाली. त्यामुळे शहरातील अनेक भागात पाणी साचले, झाडे उन्मळून पडली, गोदावरीला हंगामातील (Godawari) पहिला पूर आला. या पावसाने जिल्हावासियांचा आनंद गगनात मावेनासा झाला. मात्र हा आनंद काही तासांपुरताच ठरला. कारण दोन दिवस मुसळधार हजेरी लावल्यानंतर शनिवारी दुपारपासून नाशिक शहरासह जिल्ह्यात पावसाचा जोर कमी झाल्याने गंगापूरसह अन्य धरणांमधील विसर्गही कमी करण्यात आला आहे. त्यामुळे गोदावरीला आलेला पुरही ओसरला आहे. गोदाकाठावरील परिस्थिती पूर्वपदावर आली आहे. 

दोन दिवसांपासून जिल्ह्यात मुसळधार पाऊस झाल्याने अनेक भागात पाणी साचले होते. गंगापूर धरण 95 टक्के भरल्याने विसर्ग सुरू करण्यात आला होता. गोदावरी नदीकाठी पूरसदृश स्थिती होती. पावसाचा जोर कमी झाला असल्याने गंगापूर धरणातून (Gangapur Dam) विसर्ग कमी करण्यात आला आहे. शुक्रवारी रात्री 9 हजार 88 क्युसेक विसर्ग सुरू करण्यात आला. शनिवारी सकाळी 6 वाजता तो कमी करून 5 हजार 432 करण्यात आला. मात्र त्यानंतर हळूहळू पावसाचा जोर कमी झाल्याने विसर्ग हळूहळू थेट बंद करण्यात आल्याने गोदावरी पूर परिस्थिती पूर्वपदावर आली. नाशिक शहरात शुक्रवारी झालेल्या मुसळधार पावसानंतर शनिवारी पहाटेपासून अचानक पावसाचा जोर कमी झाला. गंगापूर धरण परिसरातही पावसाने चांगलीच उघडीप दिली. यामुळे धरणातून विसर्ग बंद करण्यात आल्याने नदीची पूरस्थिती घटल्याचे चित्र पाहावयास मिळाले.

गोदाकाठावरील परिस्थिती पूर्वपदावर 

दोन दिवस नाशिक शहरासह सर्वदूर झालेल्या पावसाने सर्वांना मोठा दिलासा मिळाला. शुक्रवारी ऑरेंज अलर्ट असल्यामुळे जोरदार पाऊस झाला. शनिवारी जिल्ह्याला ‘यलो अलर्ट’ होता. यामुळे शहरासह जिल्ह्यातही फारसा जोरदार पाऊस झाला नाही. परिणामी शुक्रवारी वेगाने विविध धरणांमधून वाढविलेला विसर्ग शनिवारी सकाळपासून तितक्याच वेगाने पाटबंधारे खात्याकडून कमी करण्यात आला. गंगापूर धरणातून पाण्याचा विसर्ग कमी होताच गोदावरीची पूरस्थितीही हटली. एकूणच गोदावरीचा पूर रात्रीपर्यंत पूर्णतः ओसरला होता. शनिवारी दुपारनंतर गोदाकाठावरील जनजीवन पूर्वपदावर येऊ लागले होते. शुक्रवारच्या मुसळधार पावसामुळे शहरातील सर्वच रस्त्यांची दैनावस्था झाली. भुयारी गटारींचे चेंबरही ठिकठिकाणी तुडुंब भरुन वाहत होते. शनिवारीही काही भागात चेंबरमधून पाणी ओथंबून वाहताना नजरेस पडले.

इतर महत्वाची बातमी : 

Nashik Rain : गोदामाई पाहुणी आली! नाशिक जिल्ह्यात पावसाची धुवांधार बॅटिंग, डोळे दिपवणार गोदावरीचे विहंगम दृश्य

जळगाव : सगळे देशप्रेमी पक्ष एकत्र झाल्यांनतर इंडीया (INDIA) नाव आलं, मात्र यानंतर या नावाची भीती वाटायला लागली. मग आता पक्ष फोडायचे कारभार सुरु केले, त्यानंतर आता इंडिया नावाचं बदलायचा घाट घातला जात आहे. पण आम्ही इंडिया, भारत, हिंदुस्थान बोलणारच, बरं ते भारत तरी म्हणतात. नाहीतर स्वतःचे नाव देऊन टाकतील. पण आम्ही नाव बदलणार नाही, तर पंतप्रधान (PM) बदलणार असा विश्वास शिवसेना (Shivsena) ठाकरे गटाचे नेते उद्धव ठाकरे (Udhhav Thackeray) यांनी व्यक्त केला आहे. 

आज उद्धव ठाकरे हे जळगाव (Jalgaon) दौऱ्यावर असून ते जाहीर सभेत बोलत होते. यावेळी इंडिया हे नाव बदलण्याच्या पार्श्वभूमीवर केंद्र सरकारवर ताशेरे ओढले आहेत. उद्धव ठाकरे म्हणाले की, एकीकडे भाजपकडून पक्ष फोडाफोडीचं राजकरण सुरु आहे. सत्तेसाठी पक्षांचे गळे घोटण्याचे काम सुरु आहे. त्यानंतर देशात नवी आघाडी निर्माण झाली. या सत्तेला पायउतार करण्यासाठी आम्ही सगळे एकत्र येऊन इंडियाची निर्मिती झाली, मात्र या इंडिया निर्मितीमुळे अनेकांना पोटदुखी होऊ लागली आहे. थेट देशाचे नावच बदलण्याचा घाट घातला जात आहे. मात्र आम्ही इंडिया, भारत, हिंदुस्थान बोलणारच, बरं ते भारत तरी म्हणतात. देशाला सुद्धा स्वतःच नाव देतात की काय? अशी घणाघाती टीका उद्धव ठाकरे यांनी केली आहे. 

उद्धव ठाकरे बोलत असताना कार्यकर्त्यांकडून घोषणा दिल्या जात होत्या. देश का नेता कैसा हो, उद्धव ठाकरे जैसा हो. यावेळी उद्धव ठाकरे यांनी मध्येच थांबवत, ‘देश का नेता नाही, देश का नागरिक कैसा हो, या घोषणा देण्याची वेळ आली आहे. ‘देश का नागरिक कैसा हो, शिवाजी महाराज के मावळे जैसा हो, इंडिया आघाडीनंतर केंद्र सरकार घाबरले आहे, कधी पडेल काही सांगता येत नाही. आधी त्यांना वाटत होते, आम्हाला आव्हान कोणी देऊ शकणार नाही’, मात्र सगळे देशप्रेमी पक्ष एकत्र झाल्यांनतर इंडिया नाव आलं, यानंतर त्यांना इंडिया नावाची भीती वाटायला लागली, आता इंडिया आघाडी केली तर नाव बदलून टाकत आहेत. बरं ते भारत तरी म्हणतात. नाहीतर स्वतःचे नाव देऊन टाकतील. देशाला सुद्धा स्वतःच नाव देतात की काय? पण आम्ही नाव बदलणार नाही, पंतप्रधान बदलणार असा विश्वास उद्धव ठाकरे यांनी व्यक्त केला. 

लोकांचं प्रेम मिळतंय… 

उद्धव ठाकरे यांनी अहमदनगर दौऱ्याची आठवण सांगितली. ते म्हणाले, “दोन दिवसांपूर्वी अहमदनगर दौरा केला. तेव्हा लोक सांगत होते, तुमच्या पायगुणाने पाऊस आला. मी सांगितले, निसर्गाची कृपा आहे, मी निमित्त मात्र आहे, अनेक माता भगिनी औक्षण करत होत्या, त्यांना थांबवत, आता ओवाळू नका, तुम्ही जेव्हा आनंदी व्हाल, तेव्हा तुमच्या आनंदात सहभागी होईल. त्याच दिवशी एक लहान मुलगा शिदोरी घेऊन आला. त्याचंही कौतुक वाटलं. एवढं सगळं प्रेम लोक देत आहेत. असा कोणता राजकारणी आहे, ज्याला एवढं प्रेम मिळत आहे. मोदी असो कोणीही असो, सर्वजण भाषण करताना उद्धव ठाकरे नाव घेतात. या लोकांनी माझा पक्ष संपवला ना, मग माझे नाव का घेतात.” 

इतर महत्वाची बातमी : 

Udhhav Thackeray : कमळाबाईची पालखी वाहण्यासाठी शिवसेना नाही, भाजपचे गुलाम बनू नका, उद्धव ठाकरेंचा एकनाथ शिंदेंना सल्ला 

नाशिक : सध्या महाराष्ट्रात राजकीय वातावरण ढवळून निघाले आहे. अनेक राजकीय नेत्यांचे दौरे सुरु झाले असून जिल्ह्या जिल्ह्यात शक्तिप्रदर्शनासोबत बॅनरबाजी करण्यात येत आहे. याच दौऱ्यांच्या निमित्ताने अनेक नेत्यांचा भावी मुख्यमंत्री म्हणून उल्लेख करण्यात येत आहे. अजित पवार (Ajit Pawar), सुप्रिया सुळे (Supriya Sule), पंकजा मुंडे (Pankaja Munde) आणि आता संभाजीराजे छत्रपती यांचा भावी मुख्यमंत्री म्हणून उल्लेख करण्यात आला आहे. 

स्वराज्य संघटनेचा (Swaraj Sanghatana) उत्तर महाराष्ट्र विभागीय कार्यालयाचे आज नाशिकमध्ये (Nashik) उद्घाटन झाले. या प्रसंगी संभाजीराजे छत्रपती (SambhajiRaje Chatrapati) बोलत होते. त्यानंतर त्यांनी माध्यमाशी संवाद साधला. यावेळी ते म्हणाले की, “सर्वांचे मनापासून मी अभिनंदन करतो, एका चांगल्या जागी उद्घाटन झाले. या कार्यालयाचे माध्यमातून लोकांचे प्रश्न सोडवण्यासाठी काम केले जाईल, अपेक्षेपेक्षा जास्त चांगले कार्यालय झाले आहे, नाशिक माझा आवडता जिल्हा असून येथील जनता नेहमीच स्वराज्य पक्षाच्या पाठीशी असल्याने आम्ही देखील जनतेच्या कामांसाठी नेहमीच तत्पर आहे.” 

तसेच नाशिक (Nashik) शहरात स्वराज्य पक्षाचे भव्य कार्यालय सुरु करण्यात आले. या पार्श्वभूमीवर संभाजीराजे छत्रपती नाशिकला आले होते, त्यांच्या स्वागतासाठी अनेक ठिकाणी बॅनरबाजी करण्यात आली होती. यात अनेक बॅनर्सवर भावी मुख्यमंत्री म्हणून संभाजीराजे छत्रपती यांचा उल्लेख करण्यात आल्याचे पाहायला मिळाले. त्यावरुन संभाजीराजे म्हणाले की, “बॅनरवर भावी मुख्यमंत्री म्हणून उल्लेख केल्यामुळे मी आभारी आहे. बॅनरवर लिहिणे आणि होणे ही गोष्ट वेगळी आहे. माझ्या डोळ्यासमोर एकच अजेंडा असून स्वराजच्या माध्यमातून जास्तीजास्त लोकांपर्यंत पोहोचणे. आजची राजकीय परिस्थिती पाहिली तर कोणीच खुश नाही, राज्य सत्तेसाठी काही काही गोष्टी सुरु आहे.”

मनोज जरांगे यांनी तब्येत सांभाळावी 

तसेच मराठा आरक्षणासाठी गेल्या काही दिवसांपासून जालना जिल्ह्यातील अंतरवाली सराटी गावात उपोषण सुरु आहे. मनोज जरांगे यांच्या नेतृत्वात हे उपोषण सुरु असून मागील काही दिवसांत हे उपोषण चांगलेच चर्चेत आले आहे. या उपोषणस्थळी अनेक राजकीय नेत्यांनी भेट दिली आहे. सरकारच्या दोन तीन शिष्टमंडळांनी भेटी देऊनही अद्याप मराठा आरक्षणावर तोडगा निघालेला नाही. संभाजीराजे छत्रपती हे देखील उपोषणस्थळी जाऊन आलेले आहेत. यावर ते नाशिकमध्ये म्हणाले की, “मी माझी भूमिका सविस्तर मांडली आहे. भावना आणि न्यायिक या दोन्हींचे समेट कसे करता येईल हे महत्वाचे आहे. मनोज जरांगे यांनी तब्येत सांभाळावी, त्यांच्या सहकाऱ्यांशी बोलून पुढे कसे जाता येईल, याबाबत चर्चा करावी. माझ्या दृष्टीकोनातून प्रश्न सोडवत असताना जीव देखील महत्वाचा आहे.” 

सरकारने टिकणारे आरक्षण द्यावे 

आरक्षणासाठी आतापर्यंत मराठा समाजातील 49 लोकांनी आत्महत्या केल्या आहेत. तरीदेखील सरकारकडून प्रश्न सुटलेला नाही. मनोज जरांगे यांनी त्यांची तब्येत सांभाळून आणि सहकाऱ्यांशी बोलून पुढे कसे जाता येईल, याबाबत चर्चा करावी. भावना आणि न्यायिक मुद्दा या दोन्ही गोष्टींचा समेट कसा करता येईल हे महत्त्वाचे असून सरकारने देखील टिकणारे आरक्षण द्यावे, असे मत स्वराज्य पक्षाचे प्रमुख छत्रपती संभाजीराजे यांनी नाशिकमध्ये व्यक्त केले. 

इतर महत्वाची बातमी : 

Sambhajiraje Chhatrapati : …अन्यथा अध्यादेश काढून दिलेले आरक्षण ही मराठ्यांची फसवणूक ठरेल; संभाजीराजे छत्रपती