मिळालेल्या माहितीनुसार, विदर्भातील जिल्ह्यांमध्ये रिमझिम पाऊस होत असल्याने तेलंगणातील आदिलाबाद येथून आठ पर्यटक चिखलदऱ्यात आले होते. अमरावती-चिखलदरा मार्गावरून जात असताना भरधाव कार २०० फूट खोल दरीत कोसळली. या घटनेत चार पर्यटकांचा मृत्यू झाला असून अन्य चार लोक जखमी झाल्याची माहिती आहे. स्थानिक नागरिक आणि पोलिसांच्या मदतीने घटनास्थळी मदत व बचावकार्य सुरू करण्यात आलं आहे. अपघातग्रस्त कार अर्टिगा असून एपी २८ डीडब्ल्यू २११९ असा कारचा नंबर असल्याची माहिती पोलिसांनी दिली आहे.

ST Bus Accident On Mumbai Goa Highway : गणेश चतुर्थीसाठी असंख्य चाकरमानी मुंबईच्या दिशेने निघालेले आहे. रेल्वे, एसटी बस आणि खाजगी गाड्या कोकणाच्या दिशेने निघालेल्या आहे. गणेशोत्सव जवळ येत असतानाच आता कोकणातून धक्कादायक घटना समोर आली आहे. माणगाव नजीक एका एसटी बसचा अपघात झाल्याची माहिती समोर आली आहे. या घटनेत एका प्रवाशाचा मृत्यू झाला असून अन्य २० प्रवासी गंभीर जखमी झाल्याची माहिती आहे. त्यानंतर आता स्थानिक पोलीस आणि नागरिकांच्या मदतीने घटनास्थळी मदत व बचावकार्य सुरू करण्यात आलं आहे. पहाटे चार वाजेच्या सुमारास भरधाव एसटी बसने ट्रकला मागून जोराची धडक दिल्याने हा अपघात झाल्याची माहिती देण्यात आली आहे.