Dark Private Part : गोरा असो किंवा सावळा, पुरुष असो किंवा स्त्री यांचे गुप्तांगाजवळील त्वचा ही काळी असते. या काळा त्वतेची अनेक लोकांना लाज वाटते. जोडीदारासमोर जाताना ते मागेपुढे पाहतात. अशावेळी मार्केटमध्येही अनेक प्रकारच्या क्रीम आल्या आहेत, ज्या गुप्तांगाजवळील त्वचा गोरी करण्याचे दावे करतात. पण ही क्रीम गुप्तांगाजवळील त्वचेला लावणे योग्य आहे का? त्यामुळे आरोग्यास कुठला धोका तर नाही? असे प्रश्नही उपस्थितीत होतात. याबद्दल डॉक्टर काय सांगतात ते आज आपण जाणून घेणार आहोत. पण त्यापूर्वी प्राइव्हेट पार्ट जवळची जागा काळी का असते याबद्दल पहिला पाहूयात. 

प्राइव्हेट पार्ट काळं होण्याचं कारण काय?

डॉ. मनन व्होरा यांनी त्यांच्या इंस्टाग्रामवर एक व्हिडीओ शेअर केला आहे. ज्या त्यांनी गुप्तांग काळे असण्यामागील कारण सांगितलं आहे. ते म्हणतात की  गुप्तांग काळे असणे म्हणजे तुम्ही स्वत:ची किंवा गुप्तांगाची योग्य स्वच्छता किंवा काळजी घेत नाही.  तुमच्या गुप्तांगाजवळील त्वचा शरीराच्या इतर भागांपेक्षा अनेकदा गडद असते. हे हार्मोन्स, घर्षण आणि नैसर्गिक रंगद्रव्यामुळे घडतं. पण खरी समस्या तेव्हा सुरु होतं ज्यावेळी लहानपणापासूनच, आपल्याला फिल्टर केलेले फोटो, प्रौढ सामग्री आपण पाहतो, ज्यामुळे आपले शरीर कसे दिसावे याचा एक बनावट आदर्श आपल्या डोळ्यासमोर न कळत उभा राहतो. 

प्राइव्हेट पार्ट काळं असणे गैरनाही!

डॉ. व्होरा पुढे म्हणाले, “आपण गोरा जननांगांवर विश्वास ठेवू लागलो आहोत, ही गैरसमज आपल्याला लाज वाटते. बऱ्याच महिला आणि पुरुषांनाही असुरक्षित वाटते. बरेच लोक यामुळे जवळीक टाळतात, अनेकांना काळजी वाटते की त्यांचा जोडीदार त्यांच्या खालच्या नजरेवरून त्यांचा न्याय करेल.”

मार्केटमधील क्रीमचा वापर करावा की नाही?

डॉ. व्होरा यांनी शेवटी स्पष्ट केलंय, “दुर्दैवाने या लाजेवर पैसे खर्च केले गेले आहेत, कंपन्या तुम्हाला त्वचा पांढरी करणारी क्रीम, जननेंद्रियाला पांढरी करणारी उत्पादने विकतात, जी बहुतेकदा अनावश्यक आणि हानिकारक रसायनांनी भरलेली असतात. माझ्यावर विश्वास ठेवा, कारण वैद्यकीयदृष्ट्या याची अजिबात गरज नाही. हे संवेदनशील त्वचेला नुकसान करू शकतं. म्हणून समजून घ्या की तुमच्या खाजगी भागांभोवती काळी त्वचा ही दोष नाही आणि ती दुरुस्त करण्याची गरज नाही.”

How To Prevent Pimples In Monsoon: पावसाळा म्हणजे दमट हवामान, वाढलेली आर्द्रता आणि बॅक्टेरियांच्या वाढीस अनुकूल वातावरण. याचमुळे या हंगामात त्वचेच्या समस्या, विशेषतः मुरुमे अधिक प्रमाणात दिसून येतात. विशेषतः ज्यांची त्वचा तेलकट आहे, त्यांना ही समस्या अधिक त्रासदायक ठरते. पावसाळ्यातील बदललेले हवामान, चेहऱ्यावरील घाम, तेल, धूळ आणि ओलसरपणा यामुळे त्वचेच्या छिद्रांमध्ये घाण अडकते आणि मुरुमांची उत्पत्ती होते. यावर मात करण्यासाठी या काही सोप्या आणि नैसर्गिक उपायांचा वापर करणे उपयुक्त ठरेल.

पावसाळ्यात मुरुमांपासून बचावासाठी हे उपाय करा

1. नेहमीपेक्षा अधिक स्वच्छता
पावसाळ्यात चेहऱ्याची स्वच्छता ही अत्यावश्यक गोष्ट आहे. दिवसातून किमान दोन वेळा पीएच बॅलन्सिंग क्लीन्सर वापरा. जो चेहऱ्यावरील अतिरिक्त तेल काढून टाकेल आणि छिद्रे बंद होण्यापासून थांबवेल.

2. एक्सफोलिएशन
आठवड्यातून एक ते दोन वेळा सौम्य एक्सफोलिएटरचा वापर करा. यामुळे मृत पेशी हटून त्वचा श्वास घेऊ लागते. कठोर स्क्रब टाळावे कारण हे त्वचेचे नुकसान करू शकते.

3. आहारात सुधारणा
तळलेले, मसालेदार आणि फास्ट फूड हे पावसाळ्यात मुरुमांना अधिक आमंत्रण देतात. त्याऐवजी ताज्या फळांमध्ये  लिंबू, पपई, काकडी, टोमॅटो यांचा समावेश करा. अँटीऑक्सिडंटयुक्त अन्न त्वचेसाठी लाभदायक ठरते.

4. हायड्रेशन
पावसाळ्यात तहान कमी लागते म्हणून पाणी कमी प्यायले जाते, पण ही सवय त्वचेसाठी घातक ठरते. दररोज किमान 8-10 ग्लास पाणी प्या. यामुळे टॉक्सिन बाहेर टाकले जातात आणि हार्मोनल संतुलन राखले जाते.

5. मेकअप टाळा
पावसाळ्यात मेकअप वापरणे टाळा किंवा हलका मेकअप वापरा. मेकअप करताना ही काळजी घ्या की तुमच्या चेहऱ्यावरील छिद्र बंद होणार नाहीत.

6. चेहऱ्याला वारंवार हात लावू नका
पावसाळ्यात आपण अनेकदा बाहेर जातो तेव्हा अनेक सुक्ष्मजीव आपल्या हातांना लागतात. चेहऱ्याला वारंवार हात लावल्याने बॅक्टेरिया त्वचेत प्रवेश करतात आणि मुरुमे होतात.

होममेड फेसपॅक वापरा
1. मध आणि लिंबाचा रस एकत्र करुन हा फेसपॅक चेहऱ्याला लावावा. हा पॅक अँटीबॅक्टेरियल असून मुरुमांवर नियंत्रण ठेवतो.

2. चंदन आणि गुलाबजल एकत्र करुन लावल्याने चेहरा थंड राहतो आणि डाग कमी होतात.

3. बेसन आणि हळद नैसर्गिक क्लिंजर म्हणून उत्तम आहे. त्यामुळे आठवड्यातून एकदा नक्कीच वापरले पाहिजे. हा पॅक चेहऱ्याला लावण्यापूर्वी एकदा पॅचटेस्ट करणे महत्त्वाचे आहे. 

पावसाळा कितीही सुंदर वाटत असला तरी त्वचेसाठी ही वेळ सावधगिरीची असते. मुरुमांना दूर ठेवण्यासाठी नियमित स्वच्छता, योग्य आहार, भरपूर पाणी आणि नैसर्गिक उपाय हेच आपले संरक्षण कवच आहे. त्वचेला आरोग्यदायी ठेवण्यासाठी आजपासूनच हे उपाय अमलात आणा.

(Disclaimer –  वरील माहिती सामान्य संदर्भांवरून घेण्यात आली आहे. ‘झी २४ तास’ याची खातरजमा करत नाही.)

घरात लहान बाळ असलं की आनंदाचं वातावरण असते. पण त्यासोबत त्या चिमुकल्या बाळाचीही तेवढीच काळजीही घ्यावी लागते. बाळाचा जन्म हा पालकांसोबत घरातील अनेक सदस्यांच्या आनंदात भर टाकतो. त्या बाळाला प्रेम करण्यासाठी बघण्यासाठी अनेक लोक येत असतात. पण तुम्हाला माहितीय का हे नुकतच जन्माला आलेल्या बाळाची रोगप्रतिकारक शक्ती खूप कमी असते. त्या बाळाला लगेचच संसर्ग होण्याचा धोका असतो. नुकतच एक प्रकरण समोर आलं आहे, ज्यात फक्त 20 दिवसांच्या चिमुकलीला ICU मध्ये दाखल करण्याची वेळ आली. या निष्पाप बाळाची प्रकृती अचानक खराब झाली. त्यामुळे उपचारासाठी तिला रुग्णालयात दाखल करण्यात आली. 

डॉक्टर पवन मांडविया यांनी इन्स्टाग्रामवर एका व्हिडीओ शेअर केला आहे. त्यात या घटनेबद्दल सांगितलं आहे. त्यासोबत प्रत्येक पालकांसाठी महत्त्वाची सुचना केली आहे. कारण या निष्पाप बाळाला आयसीयूमध्ये दाखल करण्याची वेळ तिच्या पालकांच्या चुकीमुळे आली आहे. 

डॉ. पवन मांडवीय सांगितलं की, अलिकडेच एका पालकाने त्यांच्या 20 दिवसांच्या नवजात बाळाला आपत्कालीन कक्षात आणले. बाळाची तपासणी केली असता त्याला सर्दी, खोकला आणि न्यूमोनिया झाल्याचं निष्पण झालं. बाळाची प्रकृती अशी होती की त्याला आयसीयूमध्ये दाखल करावे लागले. कुटुंबाशी बोलले असता असे आढळून आले की, आपल्या भारतीय समाजात ज्याप्रमाणे बाळाच्या जन्मानंतर नातेवाईक आणि मित्र त्याला पाहिला येतात. त्याचप्रमाणे त्या नवजात बाळाला भेटण्यासाठी अनेक लोक एकत्र आले होते.

डॉ. पवन मांडवीय म्हणतात की, अनेकदा असे दिसून येते की, जेव्हा घरात एखादा छोटा पाहुणा येतो तेव्हा नातेवाईक आणि मित्र त्याला भेटण्यासाठी गर्दी करतात. या काळात बरेच लोक मुलाला आपल्या मांडीवर घेतात, काहीजण त्याला खायला घालतात आणि अनेक वेळा प्रेमाने गालावर चुंबनही घेतात.

डॉक्टरांचे म्हणणे आहे की, अशा परिस्थितीत जर त्यापैकी कोणालाही सर्दी, खोकला, फ्लू किंवा विषाणूजन्य संसर्ग झाला तर ते मुलासाठी खूप धोकादायक ठरू शकते. डॉ. पवन स्पष्ट करतात की अशा संसर्गांशी लढण्यासाठी आवश्यक असलेली प्रतिकारशक्ती मोठ्या मुलांमध्ये किंवा प्रौढांमध्ये आधीच विकसित झालेली असते, पण नवजात किंवा लहान मुलांमध्ये ती पूर्णपणे विकसित झालेली नसते.

आता अशा परिस्थितीत, जर एखाद्या व्यक्तीला विषाणूचा संसर्ग झाला असेल आणि तो मुलाच्या जवळ आला किंवा त्याचे चुंबन घेतले तर हा संसर्ग मुलापर्यंत पोहोचू शकतो. यामुळे मुलामध्ये सर्दी, खोकला किंवा अगदी न्यूमोनिया देखील होऊ शकतो. डॉक्टर म्हणतात, ‘मला समजते की आपल्या भारतीय समाजात, जर एखाद्या नातेवाईकाला मुलापासून दूर राहण्यास किंवा त्याचे चुंबन घेऊ नये असे सांगितले तर त्याला वाईट वाटू शकते. पण आपण हे विसरू नये की आपल्या मुलाची सुरक्षितता ही आपली पहिली प्राथमिकता असली पाहिजे.’

जर एखाद्याला सर्दी किंवा विषाणूजन्य संसर्ग झाला असेल तर त्याने मुलापासून कमीत कमी 6 फूट अंतर राखले पाहिजे. जवळ जाणे आवश्यक असेल तर मास्क घालून जावे. पालकांनी कोणालाही मुलाला किस करू देऊ नये, कारण यामुळे मुलाला विषाणूजन्य संसर्गाचा धोका मोठ्या प्रमाणात वाढतो. डॉक्टर पवन म्हणतात की जर घरात एखादा छोटा पाहुणा आला असेल आणि लोक त्याला भेटायला येत असतील तर काही महत्त्वाच्या गोष्टींची विशेष काळजी घेतली पाहिजे. सर्वप्रथम, जर कोणी मुलाला स्पर्श करणार असेल किंवा खायला घालणार असेल तर त्याने त्याचे हात योग्यरित्या स्वच्छ केले आहेत याची खात्री करा .