Gold Mine In India: भारताला मोठा जॅकपॉट लागला आहे. देश स्वातंत्र्य झाल्यापासून पहिल्यांदाच सर्वात मोठी सोन्याची खाण सापडली आहे. या खाणीत इतकं सोनं आहे की काही देशांमध्ये जितके सोने आहे तितके येथे एका खाणीत. या खाणीत सोनं काढण्याचे कंत्राट देखील देण्यात आले आहे. जाणून घेऊय भारतातील कोणत्या राज्यात ही सोन्याची खाण सापडली असून या खाणीतून सोनं काढण्याचे कंत्राट कोणत्या कंपनीला मिळाले आहे. 

आंध्र प्रदेशातील कुर्नूल जिल्ह्यातील जोनागिरी भागात  ही खाण आहे. डेक्कन गोल्ड माइन्स लिमिटेड कंपनी हा प्रकल्प हाताळत आहे. लवकरच या खाणीत प्रत्यक्षात सोन्याचे उत्खनन केले जाणार आहे.  जोनागिरी सुवर्ण प्रकल्प ही देशातील पहिली मोठी खाजगी सोन्याची खाण आहे. या खाणीतुन दरवर्षी 750 किलो सोन्याचे उत्पादन केले जाऊ शकते असा अंदाज आहे. उत्खनन सुरु केल्यावर पहिल्या वर्षी 400 किलो सोन्याचे उत्पादन केले जाईल. यानंतर यथे  पूर्ण क्षमतेने उत्खनन सुरु केल्यावर येथे वर्षाला 750 किलो सोने काढले जाईल. 80 वर्षांनंतर भारतात सुरू होणारी ही पहिली मोठी सोन्याची खाण आहे.

डेक्कन गोल्ड माइन्स लिमिटेडने आतापर्यंत या प्रकल्पात सुमारे 200 कोटी रुपये गुंतवले आहेत. कंपनीचा 40 टक्के हिस्सा जिओमॅसोर सर्व्हिसेस इंडिया लिमिटेडकडे आहे. हीच कंपनी ही खाण विकसित करत आहे. एकत्रितपणे, या दोन्ही कंपन्या ही देशातील पहिली खाजगी सोन्याची खाण बनवत आहेत. आंध्र प्रदेश प्रदूषण नियंत्रण मंडळाने खाण आणि प्रक्रिया प्रकल्पाला हिरवा कंदील दिला आहे. तथापि, पूर्ण प्रमाणात खाणकाम सुरू होण्यापूर्वी काही महिने चाचणी घेतली जाईल. यामुळे प्रणाली सुरळीतपणे काम करेल याची खात्री होईल.

या खाणीतून काढलेले सोने जवळच्या रिफायनरीजना विकले जाईल. कंपनीचा अंदाज आहे की पहिल्या वर्षी  400 किलो सोनं काढले जाईल. यातून 300 ते 350 कोटींची कमाई होईल. 60 टक्के EBITDA मार्जिनच्या आधारावर 2027 च्या आर्थिक वर्षापर्यंत ही कमाई शक्य आहे. खाणकामाला मंजुरी मिळाल्याच्या बातमीने डेक्कन गोल्ड माइन्सच्या शेअर्समध्ये तेजी आली. गुरुवारी, शेअरची किंमत 9.73 टक्क्यांनी वाढून 163.70 रुपयांवर बंद झाली. हा दहा महिन्यांचा उच्चांक आहे, जो बाजारातील उत्साह दर्शवितो.

मागील वर्षभरातृ डेक्कन गोल्ड माइन्सच्या शेअर्समध्ये सुमारे 60 टक्क्यांनी वाढ झाली आहे. 2025 च्या सुरुवातीपासून त्यात 46.7 टक्क्यांनी वाढ झाली आहे. या प्रकल्पाच्या यशाबद्दल गुंतवणूकदारांचा विश्वास वाढत आहे. जोनागिरी सुवर्ण प्रकल्पातील खुल्या खड्ड्यातून 6.8 टन सोने काढण्याची क्षमता आहे. जिओमॅइसोरने पूर्व आणि पश्चिम ब्लॉकमध्ये व्यापक ड्रिलिंग आणि सर्वेक्षण केले आहे. पुढील ड्रिलिंगमुळे ही मात्रा 14 टनांपर्यंत वाढू शकते, ज्यामुळे खाणीचे आयुष्य 15 वर्षांनी वाढू शकते.

या प्रकल्पाला CFE, CFO आणि पर्यावरणीय मंजुरी यासारख्या सर्व आवश्यक सरकारी मान्यता मिळाल्या आहेत. भारतीय खाण ब्युरोने 2008  मध्ये खाण योजनेला मान्यता दिली. पर्यावरणीय मंजुरी 2043 पर्यंत वैध आहे, जी दीर्घकालीन कामकाजाची हमी देते. या सोन्याच्या खाणीमुळे भारताची अर्थव्यवस्था रॉकेटसराखीभरारी घेणार आहे.  स्थानिक लोकांसाठी रोजगाराच्या संधी उपलब्ध होतील. जोनागिरी प्रकल्पाची सुरुवात दररोज १००० टन क्षमतेने होईल, जी 2000 टनांपर्यंत वाढवली जाईल. यामुळे भारत सोन्याच्या उत्पादनात स्वयंपूर्णतेकडे जाईल.

Bangalore Stampede: आयपीएलच्या 18 (IPL 2025) व्या हंगामाचं जेतेपद मिळणाऱ्या रॉयल चॅलेंजर्स बंगळुरू (RCB) संघावर, संघातल्या प्रत्येक खेळाडूवर शुभेच्छांचा वर्षाव करण्यात आला. इथं संघ विजयी होतो तोच 12 तासांच्या आतच बंगळुरूच्या (Chinnaswamy Stadium stampede) चिन्नास्वामी स्टेडियममध्ये वियजोत्सव साजरास करण्याचा निर्णय घेण्यात आला आणि इथं संघातील खेळाडूंची एक झलक पाहण्यासाठी म्हणून लाखोंच्या संख्येनं चाहत्यांनी गर्दी केली. पाहता पाहता गर्दी इतकी वाढली, की तिथं असणाऱ्या पोलीस दलालासुद्धा या गर्दीवर नियंत्रण ठेवणं आव्हानाजचं ठरताना दिसलं. 

स्टेडियमच्या आतमध्ये आनंदोत्सवाला सुरुवात झालेली असतानाच स्टेडियमबाहेर मात्र मृत्यूचा तांडव सुरू झाला होता. चिन्नास्वामी स्टेडियमबाहेर झालेल्या या भयंकर चेंगराचेंगरीमध्ये तब्बल 11 जणांनी प्राण गमावले, तर अनेक क्रिकेटप्रेमी गंभीररित्या दुखापतग्रस्त झाले. बीसीसीआय आणि कर्नाटक सरकारपर्यंत ही खबरबात पोहोचताच त्यांनी तातडीनं या घटनेवर प्रतिक्रिया दिल्या. 

भारतीय क्रिकेट नियामक मंडळ अर्थात बीसीसीआय सचिव देवजीत सैकिया आणि उपाध्यक्ष राजीव शुक्ला यांनी या चेंगराचेंगरीच्या दुर्दैवी घटनेवर BCCI च्या वतीनं भूमिका मांडली. सैकिया यांनी बंगळुरूत झालेली ही घटना अचतिशय दु:खद असल्याचं म्हटलं. 

‘वास्तविक ही घटना अतिशय दुर्दैवी असून, अशा प्रकारच्या अमाप लोकप्रियतेची नकारात्मक बाजू यातून यमोकर आली आहे. चाहते त्यांच्या आवडच्या खेळाडूंप्रती भावनिक नात्यानं पाहतात यात शंकाच नाही. मात्र आयोजकांनी इथं अधिक सतर्क राहण्याची आवश्यकता होती. या दुर्घटनेमध्ये ज्यांनी प्राण गमावले, त्यांच्या कुटुंबीयांचं मी सांत्वंन करतो आणि जखमींची प्रकृती लवकरात लवकर सुधारावी अशी प्रार्थना करतो’, असं ते म्हणाले. 

सैकिया यांनी सदर दुर्घटनेमध्ये चूक तर नक्की झाली आहे असं म्हणत आयपीएलच्या हंगामानातर अशा निराशाजनक घटना घडणं ही बाब अत्यंत वाईट असल्याचं म्हणत दु:ख व्यक्त केलं. 

BCCI उपाध्यक्ष म्हणाले… 

बंगळुरूमध्ये उसळलेली प्रचंड गर्दी आणि त्यानंतरची चेंगराचेंगरीची दुर्घटना पाहता बीसीसीआय उपाध्यक्ष राजीव शुक्ला यांनी चिंतेचा सूर आळवत म्हटलं, ‘असं कोणत्याही राज्यात होऊ शकतं आणि यासाठी सत्ताधारी पक्षाला निशाण्यावर घेऊ नये. मुळात अशा दुर्घटनेचं राजकारण व्हायला नको. भाजपशासित राज्यात असं काही घडत असेल तर, पक्षाला याचा दोष देता कामा नये. प्रत्यक्षात तिथं गर्दी जास्त होती. मी स्वत: बंगळुरूच्या संघ व्यवस्थापकांशी संवाद साधला असून, त्यांनाही इतकी गर्दी अपेक्षित नव्हती आणि त्यातच चेंगराचेंगरीच्या घटनेनं परिस्थिती आणखी चिघळली. यादरम्यान मृतांच्या कुटुंबाला जास्तीत जास्त मदत देण्याचाच प्रयत्न असेल.’

#WATCH | Delhi: On the stampede during RCB’s victory celebrations in Bengaluru, BCCI vice-president and Congress MP Rajeev Shukla says, “This can happen in any state and the ruling party should not be blamed for it. It should not be politicised. If this happens in a BJP-ruled… pic.twitter.com/FDPbJ56FM9

— ANI (@ANI) June 4, 2025

नेमकी कधी झाली चेंगराचेंगरी? 

आरसीबीच्या विक्ट्री परेडमध्ये सहभागी होण्यासाठी चाहत्यांचा उत्साह शिगेला पोहोचलेला असतानाच ही घटना घडली. जिथं असंख्य चाहत्यांनी स्टेडियमच्या विविध प्रवेशद्वारांतून मैदानात जाण्याचा प्रयत्न केला. यावेळी घटनास्थळी परिस्थिती इतकी चिघळली की अनेक नागरिकांमध्ये प्रचंड तणाव आणि अस्वस्थतेसह भीतीची लाट दिसून आली. काहींना प्रकृती अस्वास्थ्यामुळं पोलिसांनी तातडीनं रुग्णालयात दाखल करत मदतकार्य सुरू केलं आणि नागरिकांना घरी परतण्याचं आवाहन केलं. मात्र तोपर्यंत जे व्हायचं ते घडूनच गेलं होतं. 

Modi & Rahul Gandhi On RCB Stampede In Bangalore: रॉयल चॅलेंजर्स बंगळुरुच्या पहिल्या ‘आयपीएल’ जेतेपदाच्या सेलिब्रेशनला बुधवारी बंगळुरुमध्ये गालबोट लागलं. खेळाडूंना पाहण्यासाठी जमलेल्या चाहत्यांच्या चेंगराचेंगरीमध्ये 11 जणांचा मृत्यू झाला असून 47 जण जखमी झाले आहेत. चिन्नास्वामी स्टेडियममध्ये प्रवेश मिळवण्याच्या प्रयत्नात असलेल्या चाहत्यांची एकच झुंबड उडल्याने आणि नियोजनासंदर्भात पुरेशी व्यवस्था नसल्याने ही दुर्घटना घडल्याचं सांगितलं जात आहे. आश्चर्याची गोष्ट म्हणजे एवढं होऊनही मैदानात खेळाडूंचा सत्कार समारंभ पार पडला. या वरुन आता आरोप प्रत्यारोप सुरु असतानाच पंतप्रधान नरेंद्र मोदींनी या प्रकरणाची दखल घेतली. 

मोदी काय म्हणाले?

पंतप्रधान नरेंद्र मोदींनी या प्रकरणाची दखल घेतली असून त्यांनी घडलेली घटना हृदयद्रावक असल्याचं नमूद केलं आहे. पंतप्रधान कार्यालयाच्या अधिकृत एक्स (आधीचं ट्विटर) अकाऊंटवरुन मोदींची या दुर्घटनेवरील प्रतिक्रिया पोस्ट करण्यात आली आहे. “बेंगळुरूमधील दुर्घटना अत्यंत हृदयद्रावक आहे. या दुःखद घटनेत, ज्यांनी आपल्या प्रियजनांना गमावले आहे त्यांच्यासोबत आहेत. जखमींना लवकर बरं वाटावं अशी मी प्रार्थना करतो,” असं मोदींनी म्हटल्याचं पंतप्रधान कार्यालयाने सांगितलं आहे.

The mishap in Bengaluru is absolutely heartrending. In this tragic hour, my thoughts are with all those who have lost their loved ones. I pray that those who are injured have a speedy recovery: PM @narendramodi

— PMO India (@PMOIndia) June 4, 2025

कोणताही उत्सव कोणाच्या जीवापेक्षा मोठा नाही: राहुल गांधी

दुसरीकडे लोकसभेचे विरोधी पक्ष नेते राहुल गांधींनीही या प्रकरणावर भाष्य करताना, कोणतंही सेलिब्रेशन हे एखाद्याच्या जीवापेक्षा अधिक मोठं नसावं, असं म्हटलंय. “बेंगळुरूच्या चिन्नास्वामी स्टेडियमजवळ आरसीबीच्या आयपीएल विजयाच्या समारंभात झालेली चेंगराचेंगरीची घटना दुर्दैवी आणि हृदयद्रावक आहे. ज्या कुटुंबांनी आपल्या प्रियजनांना गमावले त्यांच्या कुटुंबियांबद्दल मी सहवेदना व्यक्त करतो. जखमी झालेल्या सर्वांना लवकर बरं वाटावं म्हणून मी प्रार्थना करतो,” असं राहुल गांधींनी म्हटलं आहे. पुढे बोलताना, “या दुःखाच्या वेळी, मी बेंगळुरूच्या लोकांच्या पाठीशी उभा आहे. कर्नाटक सरकारने पीडित कुटुंबांना सर्वतोपरी मदत पुरवली पाहिजे,” अशी अपेक्षाही राहुल गांधींनी व्यक्त केली आहे.

“ही दुर्घटना एक वेदनादायक आठवण आहे. कोणताही उत्सव मानवी जीवनापेक्षा अधिक मूल्यवान नसतो. सार्वजनिक कार्यक्रमांसाठी प्रत्येक सुरक्षा नियमांचे पुनरावलोकन केले पाहिजे आणि काटेकोरपणे अंमलात आणले पाहिजे – कोणाचेही प्राण हे कायमच प्रथम प्राधान्य क्रमावर असले पाहिजेत,” असंही राहुल यांनी म्हटलं आहे.

The tragic stampede near Bengaluru’s Chinnaswamy Stadium during RCB’s IPL victory celebrations is heartbreaking.

My condolences to the families who lost their loved ones. Wishing a swift and full recovery to all those injured.

In this hour of grief, I stand with the people of…

— Rahul Gandhi (@RahulGandhi) June 4, 2025

मुख्यमंत्री म्हणतात, एवढी गर्दी येईल असं अपेक्षित नव्हतं

मैदानाची क्षमता 35 हजार प्रेक्षकांची असताना मैदानाबाहेर 2 ते 3 लाख चाहत्यांनी गर्दी केली होती, अशी माहिती कर्नाटकचे मुख्यमंत्री सिद्धरामय्या यांनी दिली. मृतांच्या वारसांना दहा लाखांची मदत जाहीर करण्यात आली आहे. तसेच या प्रकरणाच्या न्यायालयीन चौकशीचे आदेश दिले असल्याचंही मुख्यमंत्र्यांनी सांगितलं.