फलटण: फलटण पंचायत समितीच्या आगामी निवडणुकीसाठी सदस्यपदांची आरक्षण सोडत सोमवार, दिनांक १३ ऑक्टोबर रोजी सकाळी ११.३० वाजता सजाई गार्डन मंगल कार्यालय, जाधववाडी (फलटण) येथे होणार आहे. याबाबतची माहिती तहसीलदार डॉ. अभिजित जाधव यांनी दिली.
महाराष्ट्र जिल्हा परिषद व पंचायत समिती अधिनियमातील तरतुदीनुसार ही विशेष सभा आयोजित करण्यात येत आहे. या सोडतीमध्ये अनुसूचित जाती, अनुसूचित जमाती, नागरिकांचा मागासवर्ग प्रवर्ग आणि सर्वसाधारण प्रवर्गातील महिलांसाठी जागा आरक्षणाद्वारे निश्चित केल्या जाणार आहेत.
दरम्यान, सातारा जिल्हा परिषदेच्या सदस्यपदांसाठीची आरक्षण सोडतही १३ ऑक्टोबर रोजी सकाळी ११.३० वाजता सातारा येथील जिल्हाधिकारी कार्यालयातील नियोजन भवनात होणार आहे. तसेच, जिल्ह्यातील इतर सर्व पंचायत समित्यांच्या आरक्षण सोडतीही त्याच दिवशी संबंधित तहसील कार्यालयांमध्ये पार पडणार आहेत.
तहसीलदार डॉ. अभिजित जाधव यांनी इच्छुक नागरिकांना वेळेवर आणि योग्य ठिकाणी उपस्थित राहण्याचे आवाहन केले आहे.
