[ad_1]
पुणे : पुणे आंतरराष्ट्रीय विमानतळावरील नवीन टर्मिनलमध्ये मंगळवारी झालेल्या वळवाच्या पावसाने मोठ्या प्रमाणावर पाणी साचले. त्यामुळे हवाई प्रवाशांना गैरसोयींना सामोरे जावे लागले. अनेक प्रवासी काही काळ टर्मिनलवरच अडकून पडले होते.
पुणे शहरात वळवाच्या पावसाने मंगळवारी सलग तिसऱ्या दिवशी हजेरी लावली. मंगळवारी दुपारी जोरदार पाऊस झाल्याने पुणे आंतरराष्ट्रीय विमानतळ आणि परिसरातील रस्त्यांवर मोठ्या प्रमाणात पाणी साचले. दरम्यान, विमानतळ परिसरात असणारी मलनि:सारण वाहिनी तुंबल्याने पाणी रस्त्यावर आले. प्रवासी वाहनांना या पाण्यातून मार्ग काढावा लागला. नवीन टर्मिनलमधून बाहेर पडल्यानंतर सर्वत्र पाणी साचल्याने अनेक प्रवासी तेथेच अडकून पडले.
अर्ध्या तासानंतर पावसाचा जोर ओसरल्यानंतर परिस्थिती पूर्वपदावर आली. येथील गैरसोयींबाबत समाजमाध्यमांवर संतापजनक प्रतिक्रिया नागरिकांनी व्यक्त केल्या. अनेकांनी बांधकामाच्या गुणवत्तेवर प्रश्नचिन्ह व्यक्त केले आहे, तर अनेकांनी विमानतळ व्यवस्थापन विभागाच्या कारभारावर प्रश्नचिन्ह उपस्थित केले.दरम्यान, याबाबत पुणे आंतरराष्ट्रीय विमानतळाचे व्यवस्थापक संतोष ढोके यांच्याशी संपर्क साधला असता, त्यांनी या विषयावर बोलण्यास नकार दिला.
[ad_2]
Source link
