Google : जीमेलचा वापर होणार आता आणखी सोपा! गुगलनं आणलेलं AI चं फीचर आहे खूपच खास

Google News : गूगलचे मेलिंग साईट जीमेल वापरण्याचा अनुभव आता आणखी भन्नाट होणार आहे. गूगलने१४ मे रोजी झालेल्या इंटरनॅशनल आयओ इव्हेंटमध्ये अनेक मोठ्या घोषणा केल्या. यात AI वर जास्त भर देण्यात आला. कंपनीने या इव्हेंटमध्ये जेमिनी एआयच्या नव्या अपग्रेडची माहिती दिली. Google ने म्हटले आहे की वापरकर्त्यांना वर्कस्पेस टास्कमध्ये जेमिनी पॉवर एआय ऑटोमेशन पाहायला आणि वापरता येणार आहे. यासाठी, गूगल लवकरच जेमीनी १.५ प्रो वर्कस्पेसच्या साइड पॅनलमध्ये उपलब्ध करून देण्यात येणार आहे. या वर्कस्पेसमध्ये जेमिनीद्वारे फाइल्स किंवा ईमेल डेटा शोधण्यात लागणारा वेळ आता वाचणार आहे. हे नवीन साइड पॅनल प्रथम जीमेल, डॉक्स, शीट, स्लाइड आणि ड्राइव्ह वर रोल आउट करण्यात येणार आहे.