आता मनुष्य नव्हे तर रोबो लढणार युद्ध! काय आहे ‘रोबो सैनिक’, इराण घेणार नव्या तंत्रज्ञानाची चाचणी

अमेरिकेतील ट्रम्प सरकारची सुरुवात आणि इस्रायलबरोबरचा संघर्ष या दरम्यान इराणच्या लष्कराने युद्धाच्या आघाडीवर रोबो सैन्य तैनात करण्याचा निर्णय घेतला आहे. इराणच्या एका उच्चपदस्थ लष्करी अधिकाऱ्याने दिलेल्या माहितीनुसार, लष्कर लढाऊ रोबोटची चाचणी घेत आहे आणि अनेक नवीन मॉडेल्स विकसित करत आहे. तेहरान टाईम्स या इराणी वृत्तपत्राने दिलेल्या वृत्तानुसार, इराणच्या लष्कराने दोन महिन्यांपूर्वीच आपल्या युद्ध सरावांमध्ये रोबोट योद्ध्यांचा समावेश करण्यास सुरुवात केली आहे.