येत्या १२ मार्चला रात्री सुरू होणाऱ्या ९५व्या ऑस्कर पुरस्कार सोहळ्यामध्ये हे महत्त्वाचे पुरस्कार जाहीर होणार आहेत. याच सोहळ्यात ‘नाटू नाटू’ या गाण्यावर होणारे लाईव्ह सादरीकरण अवघ्या जगाला पाहायला मिळणार आहे. संपूर्ण जगाच्या नजरा ऑस्कर पुरस्कारांवर खिळल्या आहेत. जगभरातून पाहिल्या जाणाऱ्या याच मानाच्या सोहळ्यात यंदा ‘नाटू नाटू’ची धूम पाहायला मिळणार आहे. ही बातमी समोर आल्यापासून ‘आरआरआर’चे चाहते जल्लोष करत आहेत. इतकेच नाही तर, सोशल मीडिया प्लॅटफॉर्मवर देखील याच गाण्याची चर्चा सुरू असून, ‘नाटू नाटू’ ट्रेंड होत आहे. जागतिक फॅन फॉलोइंगमुळे ‘आरआरआर’ या वर्षीच्या ऑस्करमधील सर्वाधिक चर्चेत असलेला चित्रपट बनला आहे.
