सीसीटीव्ही फुटेजनुसार एका अरुंद रस्त्यावर एक व्यक्ति हा बैल घेऊन रस्त्याने जात होता. त्या व्यक्तीच्या हातात बैलाची दोरी होती. दरम्यान या व्यक्तीच्या पुढच्या बाजूने एक व्यक्ति दुचाकीवरून येत होता. तर त्या व्यक्तीच्या मागून एक ट्रक येत होता. दुचाकीजशी जवळ आली तशी व्यक्तीचा बैल हा उधळला आणे त्याने समोरून दुचाकीवरून येणाऱ्या व्यक्तीच्या अंगावर उडी मारली. यावेळी, हा व्यक्ति दुचाकीवरुन खाली पडला. तसेच समोरून येणाऱ्या ट्रकच्या खाली आला. ही संपूर्ण घटना व्हिडीओमध्ये स्पष्टपणे दिसत आहे. हा व्यक्ति खाली पडल्यावर त्याचे डोके ट्रकच्या मागच्या टायरमध्ये येणारच होते, तेवढ्यात ट्रकचालकाने लगेच ब्रेक लावल्याने थोडक्यात या व्यक्तीचे प्राण वाचले.
