महाराष्ट्रात कोणत्याही हॉटेल, पब आणि पंचतारांकित हॉटेल्समध्ये होणाऱ्या कार्यक्रमांसाठी नियमावली जारी करण्यात आलेली आहे. नागपूर पोलिसांकडून कडक दिशानिर्देश जारी असताना देखील हॉटेलमधील कार्यक्रमात तरुणीने अश्लील डान्स कसा काय केला?, असा सवाल उपस्थित होत आहे. नागपुरातील या घटनेचा व्हिडिओ व्हायरल झाल्यानंतर अनेकांनी सोशल मीडियावर संताप व्यक्त केला आहे. तसेच दोषी हॉटेलमालक आणि कार्यक्रमाच्या आयोजिकांवर कठोर कारवाई करण्याची मागणी करण्यात आली आहे.
