झारखंडमधील काँग्रेसचे राज्यसभा खासदार धीरज साहू यांच्या निवासस्थानासह अन्य ठिकाणांवर आयकर विभागाने टाकलेल्या धाडीत मोठ्या प्रमाणावर रोकड जप्त केली आहे. खासदाराच्या रांची, लोहरदगा आणि ओडिशा येथील ठिकाणांवर मारलेल्या छाप्यात इतक्या मोठ्या प्रमाणात कॅश हस्तगत करण्यात आली की, हे पैसे बँकेपर्यंत नेण्यासाठी ट्रक आणाले लागले. सांगितले जात आहे की, कॅश मोजणी करणाऱ्या मशिनींवर इतका लोड पडला की, त्याही खराब झाल्या. मिळालेल्या माहितीनुसार जवळपास १५० कोटी रुपयांच्या रोकडची मोजणी झाली असून अजूनही निम्मी कॅश मोजणी करणे बाकी आहे. सूत्रांनी दिलेल्या माहितीनुसार जवळपास ३०० कोटी रुपयांची रोकड आयकर विभागाच्या हाती लागली आहे.
