अर्जुनचे वडील अर्थात प्रताप सुभेदार यांची एक औषध कंपनी आहे. याच कंपनीच्या एका गाडीमध्ये नार्कोटीक ड्रग्ज आढळल्याने आता प्रताप सुभेदार यांना पोलिसांनी अटक केली आहे. मात्र, हे ड्रग्ज प्रताप सुभेदार यांच्या गाडीत नेमके आले कुठून असा प्रश्न सगळ्या सुभेदार कुटुंबाला पडला आहे. याचा शोध घेत असताना आता अर्जुनला याचा सुगावा लागणार आहे. आपल्या वडिलांच्या गाडीमध्ये ड्रग्ज ठेवून त्यांना फसवण्याचं काम साक्षी आणि महिपत शिखरे यांनीच केल्याचे अर्जुनसमोर उघड होणार आहे. अर्जुनला आधीपासूनच या गोष्टीचा संशय होताच. त्यामुळे पोलिसांनी प्रताप सुभेदार यांना अटक केल्यानंतर अर्जुन तडक साक्षीच्या घरी पोहोचणार आहे.
