फलटण (साहस टाइम्स) – फलटण एज्युकेशन सोसायटीच्या श्रीमंत शिवाजीराजे नाईक निंबाळकर पतसंस्थेच्या निवडणुकीत यंदा सर्व संचालक बिनविरोध निवडून आले असून, यानंतर झालेल्या विशेष बैठकीत चेअरमनपदी प्राध्यापक सुनील खरात आणि व्हॉइस चेअरमनपदी कविता सस्ते यांची एकमताने निवड करण्यात आली.
नवीन संचालक मंडळाच्या उपस्थितीत पार पडलेल्या या निवडणूक प्रक्रियेत चेअरमन आणि व्हॉइस चेअरमन पदाच्या निवडी जाहीर करण्यात आल्या. यावेळी प्रशालेचे प्राचार्य संजय वेदपाठक, संचालक प्राचार्य सागर दत्तात्रय निंबाळकर, राहुल वसंतराव भोसले, राजेंद्र दशरथ कदम, प्राचार्य अमोल विलास सावंत, मनोज अशोकराव कदम, प्राचार्य जालिंदर सोपान माने, उत्तम जगन्नाथ घोरपडे, सुजित बाळासाहेब जाधव, सोमनाथ श्रीकांत माने, अमित अरविंद कदम, हरिभाऊ रामचंद्र मोरे, प्राचार्य मिनल सुनील दिक्षित, माधुरी विजय पवार तसेच उपप्राचार्य बाळकृष्ण काळे, सचिव संजय निंबाळकर, किशोर मांढरे उपस्थित होते.
या निवडीबाबत महाराष्ट्र राज्याचे माजी सभापती व विद्यमान विधान परिषद सदस्य श्रीमंत रामराजे नाईक निंबाळकर, कृषी उत्पन्न बाजार समितीचे चेअरमन श्रीमंत रघुनाथराजे नाईक निंबाळकर, माजी जिल्हा परिषद अध्यक्ष श्रीमंत संजीवराजे नाईक निंबाळकर, फलटण एज्युकेशन सोसायटीचे प्रशासनाधिकारी अरविंद निकम, प्राचार्य संजय वेदपाठक, उपप्राचार्य बाळकृष्ण काळे यांनी नूतन चेअरमन सुनील खरात व व्हॉइस चेअरमन कविता सस्ते यांचे अभिनंदन करत पुढील वाटचालीस शुभेच्छा दिल्या.
