फलटण : नवचैतन्य हायस्कूल गोंदवले बुद्रुक येथे सुधीर अहिवळे यांची पदोन्नती मिळून प्राचार्य पदी नेमणूक झाली आहे. फलटण एज्युकेशन सोसायटीच्या माध्यमातून अहिवळे यांची निवड करण्यात आली आहे.
अहिवळे यांनी शिक्षक म्हणून कामाची सुरुवात नवचैतन्य हायस्कूल मधून केली. त्यांनतर त्यांनी आसू, पवारवाडी, म्हसवड, फलटण शहरातील नावाजलेले फ. ए. सो. मानबिंदू असलेले मुधोजी माध्यमिक हायस्कूल फलटण याठिकाणी उपप्राचार्य म्हणून उत्तम प्रकारे काम केले आहे. मालोजी राजे शेती विद्यालय फलटण येथे अहिवळे यांनी उपप्राचार्य म्हणून एक उत्तम प्रशासक म्हणून आपल्या कामाच्या ठसा उमटविला आहे. सहकाऱ्यांना बरोबर होऊन शाळेतील विद्यार्थ्यांना शिस्त लावण्याचे काम व शैक्षणिक दर्जा सुधारण्याचा त्यांनी प्रामाणिकपणे प्रयत्न केला आहे. अहिवळे यांनी सामाजिक, राजकीय क्षेत्रात चांगले काम केले.
