फलटण : मालोजीराजे शेती माध्यमिक विद्यालय फलटण येथे उपप्राचार्य पदी विकास काकडे यांची पदोन्नती मिळून नेमणूक झाली आहे. फलटण एज्युकेशन सोसायटीच्या माध्यमातून हि नियुक्ती करण्यात आली आहे .
विकास काकडे यांचे माध्यमिक शिक्षण हे मालोजी राजे शेती माध्यमिक विद्यालय येथे झाले तर उच्च माध्यमिक शिक्षण मुधोजी महाविद्यालय फलटण याठिकाणी झाले. पुढे त्यांनी बी. एड. हे भोर या ठिकाणी पूर्ण केले. काकडे यांची शिक्षक म्हणून ज्ञानदान करण्याची सुरुवात ही नवचैतन्य हायस्कूल गोंदवले बुद्रुक इथून झाली. काकडे यांनी गोंदवले, आसू , पवारवाडी , फलटण शहरातील फ.ए. सोसायटीचे मानबिंदू असलेले मुधोजी माध्यमिक हायस्कूल याठिकाणी एक आदर्श, विद्यार्थी प्रिय शिक्षक, उत्तम सहकारी म्हणून काम केले आहे.
प्रशासकिय कामाचा चांगला अनुभव असल्यामुळे शिक्षक व शिक्षकेतर कर्मचाऱ्यांच्या मनात आपल्या आदराचे स्थान त्यांनी निर्माण केले आहे . विकास काकडे यांनी जसे शैक्षणिक क्षेत्रात काम केले तसेच त्यांनी सामाजिक, राजकीय, धम्म चळवळीत अग्रभागी राहून काम केले आहे.
सामाजिक क्षेत्रात काम करीत असताना त्यांनी समाजातील अनेक गरजू विद्यार्थ्यांना मोफत वह्या पुस्तकांचे वाटप करणे. रक्तदान शिबीर आयोजित करून सामाजिक बांधिलकी जपणे. धम्म चळवळीत काम करताना त्यांनी फलटण शहरामध्ये त्यांचे काका कालकथित प्रल्हाद काकडे यांच्या मार्गदर्शनाखाली १९९२ पासून श्रामणेर शिबीर घेऊन व तथागत गौतम बुद्ध जयंती महोत्सव समिती स्थापन करून समाजामध्ये जनजागृती करण्याचे काम त्यांनी आजपर्यत चालू ठेवलेआहे. तसेच राजकीय क्षेत्रात काम करताना त्यांचे काका माजी नगरसेवक हरिष काकडे यांच्या मार्गदर्शनाखाली सामाजिक व सांस्कृतिक, आर्थिक स्थिती सुधारणांचे काम करत आहेत.
