Satish Wagh Case : भाजप आमदाराचे मामा सतीश वाघ हत्या प्रकरणात खळबळजनक खुलासा, प्रेमप्रकरणातून पत्नीनेच दिली सुपारी

Satish Wagh Murder Case : पुण्यातील भाजपचे विधान परिषदेचे आमदार योगेश टिळेकर यांचे मामा सतीश वाघ यांच्या हत्येबाबत खळबळजनक माहिती समोर आली आहे. सतीश वाघ यांची हत्या करणारा व्यक्ती त्यांच्या शेजारचा असल्याची आधी चर्चा होती, मात्र त्यांच्या हत्येची सुपारी त्यांची पत्नी मोहिनी वाघ यांनीच दिल्याचे तपासात समोर आले आहे. प्रेम प्रकरणातून ही हत्य़ा केल्याचे समोर येत आहे. पुणे पोलिसांच्या गुन्हे शाखेने याप्रकरणी सतीश वाघ यांच्या पत्नी मोहिनी हिला अटक केली आहे.