संजय खोडके या संधीचे नक्की सोने करतील. मधल्या दहा वर्षाच्या अनुभवांमुळे त्यांच्यात भरपूर बदल झाला आहे. राजकारणाची समज आधीपासूनच त्यांच्यात उत्तम आहे. कामे कसे करून घ्यायचे, फाईल कशा हलवायच्या, कोणती गोटी कुठे फिट करायची हे कौशल्य त्यांना अवगत आहे. विधानसभा निवडणुकीतील पडझडीमुळे जिल्ह्यात निवडून आलेले बहुतांश आमदार अगदी नवखे आहेत. त्या पार्श्वभूमीवर संजय खोडके यांचे आमदार होणे, ही अमरावती जिल्ह्यासाठी अतिशय चांगली गोष्ट झाली आहे. अमरावती शहर व जिल्ह्याच्या समस्या त्यांना माहित आहे. आपला अनुभव व प्रशासकीय कौशल्याचा उपयोग ते जिल्ह्याला पुढे नेण्यासाठी नक्की करतील, हा विश्वास आहे.
