राहुल गांधी यांनी आपल्या एक्स अकाऊंटवर एक व्हिडिओ शेअर केला आहे. यामध्ये ते भाजी मंडईतील भाज्यांचे दर विचारताना दिसत आहेत. यावेळी त्यांच्यासोबत काही स्थानिक लोक आणि महिलाही दिसत आहेत. राहुल गांधी विविध भाज्यांचे दर विचारत आहेत. यंदा भाज्यांचे दर कमी होत नसल्याचे महिला सांगत आहेत. हंगामात ६० रुपये किलोपर्यंत विकले जाणारे मटार यंदा १२० रुपयांच्या खाली येत नसल्याचे एक महिला सांगते. कोणतीच भाजी ३० ते ३५ रुपये किलो दराने नसल्याचे महिलांनी सांगितले. राहुल गांधी यांनी या व्हिडिओसोबत कॅप्शनमध्ये लिहिले की, ‘लसूण एकेकाळी ४० रुपये होता, आज ४०० रुपये!’
