दरम्यान, काही दिवसांपूर्वी पुण्यातील वैकुंठ स्मशानभूमीत दोन तृतीयपंथीयांनी पेटत्या चितेसमोर अघोरी पूजा केल्याचा प्रकार उघडकीस आला होता. तर हडपसरमधील ससाणेनगर परिसरात पैशांचा पाऊस पाडण्याचे आमिष दाखून तब्बल १८ लाखांना गंडा घातल्याचे देखील काही दिवसांपूर्वी उघड झाले होते. एवढेच नाही तर मासिक पाळीच्या रक्ताची देखील अघोरी पूजा पुण्यात करण्यात आली होती. या घटना ताज्या असतानाच पुन्हा एकदा पुण्याजवळील सोरतापवाडी गावातील स्मशानभूमीत चक्क मित्राच्या मृत्यूसाठी अघोरी पूजा करण्यात आली. या घटनेमुळे गावकऱ्यांमध्ये प्रचंड खळबळ उडाली आहे.
