आंदोरी येथे समता सैनिक दला चा पदोन्नती सोहळा संपन्न
खंडाळा : दिनांक २२ फेब्रुवारी २०२६ रोजी SSD (समता सैनिक दल) च्या वतीने पदोन्नती सोहळ्याचे आयोजन करण्यात आले होते. या कार्यक्रमात आयु. पिराजी सातपुते सर, जे समता सैनिक दलाचे डिव्हिजन अधिकारी म्हणून कार्यरत होते, त्यांना पुढील पदोन्नती देत मेजर पद बहाल करण्यात आले.
आंदोरी तालुका खंडाळा जिल्हा सातारा येथे आयोजित सोहळ्यात आयु. दादासाहेब भोसले समता सैनिक दलाचे असिस्टंट स्टाफ ऑफिसर, महाराष्ट्र राज्य संघटक, पुणे तसेच सातारा जिल्हा प्रभारी यांच्या हस्ते आयु. पिराजी सातपुते सरांना मेजर पदाची मानाची पदवी प्रदान करण्यात आली. उपस्थित मान्यवरांनी त्यांच्या कार्याची प्रशंसा करत पुढील वाटचालीस शुभेच्छा दिल्या.
याच कार्यक्रमात यापूर्वी SSD चे डिव्हिजन अधिकारी आयु.संपत भोसले यांनाही ‘मेजर’ पद बहाल करण्यात आले असल्याची माहिती देण्यात आली.
कार्यक्रमात SSD चे पदाधिकारी, केंद्रीय शिक्षक आद. दादासाहेब भोसले, केंद्रीय असिस्टंट स्टाफ ऑफिसर, केंद्रीय सहाय्यक शिक्षक तथा मेजर आयु.संपत भोसले,केंद्रीय सहाय्यक शिक्षक तथा मेजर पिराजी सातपुते, समता फोर्स च्या कंपनी कमांडर अर्चना चव्हाण,आयु.महेंद्र सोनवणे प्लॅटून कमांडर, युनिट लीडर निलेश मोरे, कार्यकर्ते व स्थानिक नागरिक मोठ्या संख्येने उपस्थित होते. सोहळा उत्साहपूर्ण वातावरणात पार पडला.
