Shivendraraje Bhosale : आपलं चिन्ह कमळ आहे. आता घड्याळाची वेळ चांगली नाही. आता इकडे तिकडे बघू नका. हातातले घड्याळ वेगळं आहे असं म्हणत सार्वजनिक बांधकाम मंत्री शिवेंद्रराजे भोसले यांनी अजित दादांच्या राष्ट्रवादीवर टीका केली. सातारा जिल्ह्यातील रहिमतपूर नगरपालिकेच्या प्रचारार्थ
आयोजीत करण्यात आलेल्या सभेत शिवेंद्रराजे बोलत होते. 

स्थानिक स्वराज्य संस्थांच्या निवडणुकीच्या पार्श्वभूमीवर राजकीय वातावरण तापलं

स्थानिक स्वराज्य संस्थांच्या निवडणुकीच्या पार्श्वभूमीवर राजकीय वातावरण चांगलच तापल्याचं चित्र पाहायला मिळत आहे. राजकीय नेते ऐकमेकांवर आरोप प्रत्यारोप करत आहेत.  रहिमतपूर नगरपालिकेच्या निवडणुकीच्या प्रचारार्थ सभेत मंत्री शिवेंद्रराजे भोसले यांनी अजित पवार यांच्या राष्ट्रवादीच्या घड्याळावर जोरदार टीका केली आहे. आपलं चिन्ह कमळ आहे आता घड्याळाची वेळ चांगली नाही, आता इकडे तिकडे बघू नका. हातातलं घड्याळ वेगळं आहे आणि चिन्हाचे घड्याळ वेगळं आहे. सर्वांनी विचार करा आणि भाजपचे उमेदवार निवडून द्या असं आवाहन करत शिवेंद्रराजे भोसले यांनी  रहिमतपूर येथील सभेत राष्ट्रवादीवर टीका केली. 

सातारा जिल्ह्यातील 9 नगरपालिका आणि एका नगरपंचायतीची निवडणूक जाहीर

राज्य निवडणूक आयोगातर्फे राज्यातील 246 नगरपालिका आणि 42 नगरपंचायतींची निवडणूक प्रक्रिया जाहीर केली आहे. त्यानुसार सातारा जिल्ह्यातील 9 नगरपालिका आणि एका नगरपंचायतीची निवडणूक जाहीर झाली असून नगराध्यक्षपद आणि नगरसेवक पदासाठी इच्छुकांनी उमेदवारी अर्ज दाखल केल्यानंतर प्रचाराची रणधुमाळी सुरु झाली आहे. सातारा जिल्ह्यातील सातारा, कराड, महाबळेश्वर, फलटण, वाई कराड, म्हसवड, रहिमतपूर, पाचगणी आणि मलकापूर या नगरपरिषदेच्या थेट नगराध्यक्षपदाच्या लढती स्पष्ट झाल्या आहेत. मेढा नगरपंचायतीत देखील तिरंगी सामना होत आहे. साताऱ्यात मंत्री शिवेंद्रराजे भोसले आणि उदयनराजे भोसले यांच्या उमेदवारासमोर समोर महाविकास आघाडीकडून उमेदवार देण्यात आला. फलटणला रामराजे नाईक निंबाळकर यांचे पुत्र अनिकेतराजे नाईक निंबाळकर आणि रणजितसिंह नाईक निंबाळकर यांचे बंधू समशेरसिंह नाईक निंबाळकर रिंगणात आहेत.

रहिमतपूर नगरपालिकेत सुनील माने यांच्या पत्नी नंदना माने विरुद्ध भाजपच्या वैशाली माने यांच्यात लढत

राष्ट्रवादी काँग्रेस पार्टी शरदचंद्र पवार पक्षाचे जिल्हाध्यक्ष सुनील माने यांनी काही दिवसांपूर्वी अजित पवार यांच्या राष्ट्रवादी काँग्रेसमध्ये प्रवेश केला होता. रहिमतपूर नगरपालिकेत सुनील माने यांच्या पत्नी नंदना माने विरुद्ध भाजपच्या वैशाली माने यांच्यात लढत होणार आहे.

महत्वाच्या बातम्या:

साताऱ्यात दोन्ही राजेंचं मनोमिलन, मंत्री शिवेंद्रराजेंनी दिले संकेत, इच्छुक उमेदवार भाजपच्या चिन्हावरच निवडणूक लढणार

आणखी वाचा

Accident News: कर्नाटकातील उत्तर कन्नड जिल्ह्यात रायचूर- कारवार मार्गावर अपघाताची  एक गंभीर घटना समोर आली आहे. रायचूर-कारवार केएसआरटीसी बस अनियंत्रित होऊन अंकोला तालुक्यातील वज्रळी येथील नवमी हॉटेलजवळ नॅशनल हायवे 63 वर दरीत कोसळली. या भीषण अपघातामुळे परिसरात खळबळ उडाली असून 20 पेक्षा अधिक प्रवासी जखमी झाले आहेत. त्यापैकी दोघांची प्रकृती गंभीर असल्याची माहिती मिळत आहे. बसमध्ये महिलांसह लहान मुलांचाही समावेश होता. (Raichur Karwar Highway) राज्यात अपघातांची मालिका सुरूच असून मुंबई गोवा मार्गावर केमिकल ट्रक पलटी झाला असून कराड-विटा मार्गावर मध्यरात्री झालेल्या भीषण अपघातात दोन तरुणांचा जागीच मृत्यू झाला असून दोघे गंभीर जखमी झाले आहेत.

अतिवेग नडला, बस थेट कोसळली दरीत 

मिळालेल्या माहितीनुसार, बस चालकाचा अतिवेग हा अपघाताचे प्रमुख कारण असल्याचे प्राथमिक तपासात समोर आले आहे. बस अचानक अनियंत्रित झाल्यानंतर चालकाला वाहनावर नियंत्रण ठेवता आले नाही आणि बस थेट दरीत कोसळली. अपघातानंतर परिसरातील स्थानिक नागरिकांनी तातडीने घटनास्थळी धाव घेत बचावकार्य सुरू केले. यल्लापूर आणि अंकोला पोलिसांनीही तत्काळ मदतकार्य सुरू करत जखमींना बाहेर काढण्यात मदत केली.

जखमी प्रवाशांना तातडीने अँब्युलन्सद्वारे जवळच्या रुग्णालयात हलवण्यात आले असून गंभीर जखमींवर उपचार सुरू आहेत. अपघाताची माहिती मिळताच पोलीस पथक घटनास्थळी दाखल झाले असून संपूर्ण प्रकरणाची नोंद अंकोला पोलीस ठाण्यात करण्यात आली आहे. या अपघातामुळे काही काळ वाहतूकही विस्कळीत झाली होती. दरम्यान, राज्यात इतर ठिकाणीही अपघातांच्या मालिका घडताना दिसत आहेत.

कराड-विटा मार्गावर भीषण अपघात; 2 मृत्यू 

कराड-विटा मार्गावर मध्यरात्री झालेल्या भीषण अपघातात दोन तरुणांचा जागीच मृत्यू झाला असून दोघे गंभीर जखमी झाले आहेत. ओगलेवाडी येथे रेल्वे स्टेशन ब्रिजजवळ ही धडक एवढी जोरदार होती की नेक्सन कारचा अक्षरशः चक्काचूर झाला.

मिळालेल्या माहितीनुसार, नेक्सन कार आणि टेम्पो यांची समोरासमोर धडक झाली. या अपघातात ओमकार थोरात (28) आणि गणेश थोरात (25) या दोघांचा जागीच मृत्यू झाला. मृत दोघेही कराड तालुक्यातील ओंड गावचे रहिवासी होते. घटनेत ऋषिकेश थोरात आणि रोहन पवार हे दोघे गंभीर जखमी झाले असून त्यांच्यावर रुग्णालयात उपचार सुरू आहेत.

मुंबई गोवा हायवेवर केमिकलने भरलेला टँकर पलटी

मुंबई-गोवा महामार्गावरील हातखंबा येथे पुन्हा एकदा टँकरचा अपघात झाला असून त्यामुळे महामार्गावरील वाहतूक पूर्णतः ठप्प झाली आहे. गोव्याहून मुंबईकडे जाणारा केमिकल वाहतूक करणारा टँकर हातखंबा येथील चढावर पलटी झाला. टँकरमध्ये कीटकनाशक असल्याची माहिती मिळाली असून केमिकल गळतीचा धोका नसल्याचं सांगण्यात येतंय. टँकर हटवण्यासाठी युद्धपातळीवर काम सुरू आहे. टँकर रस्त्यावर आडवा पडल्याने मोठी वाहतूक कोंडी झाली असून वाहनचालकांना पर्यायी मार्गाचा वापर करण्याचे आवाहन करण्यात आले आहे.

आणखी वाचा

भरधाव वेगात कंट्रोल सुटला, मिनी ट्रॅव्हल्स अक्षरश: हवेत उडून डिव्हायडरवर धडकली, फलटणमध्ये भीषण अपघात, एकाला चिरडलं