फलटण – महाराष्ट्रात महायुती सरकारच्या मंत्रिमंडळ विस्तारानंतर जिल्हानिहाय पालकमंत्र्यांची घोषणा करण्यात आली आहे. सातारा जिल्ह्याचे पालकमंत्री म्हणून पर्यटन मंत्री शंभूराज देसाई यांची नियुक्ती करण्यात आली आहे. यापूर्वी देखील त्यांनी या पदाची जबाबदारी सांभाळली होती. यावेळी त्यांच्या नेतृत्वाखाली पर्यटन, खणीकर्म, आणि सैनिक कल्याण विभागाचे कार्यही पार पाडले जाईल.

सातारा जिल्ह्यात महायुती सरकारचे चार कॅबिनेट मंत्री असून, त्यामध्ये शंभूराज देसाई, ग्रामविकास मंत्री जयकुमार गोरे, सार्वजनिक बांधकाम मंत्री श्रीमंत छत्रपती शिवेंद्रसिंहराजे भोसले, आणि मदत व पुनर्वसन मंत्री मकरंद पाटील यांचा समावेश आहे.

इतर जिल्ह्यांसाठी पालकमंत्री नियुक्ती

1. सोलापूर जिल्हा: जयकुमार गोरे यांची नियुक्ती करण्यात आली आहे. त्यांचा माण मतदारसंघ माढा लोकसभा मतदारसंघात येत असल्याने सोलापूरच्या विकास प्रकल्पांना त्यांच्या नेतृत्वाखाली चालना मिळण्याची आशा व्यक्त होत आहे. यामुळे मोहिते-पाटील आणि राजे गटाला धक्का बसल्याचे बोलले जात आहे.
3. लातूर जिल्हा: श्रीमंत छत्रपती शिवेंद्रसिंहराजे भोसले यांची नियुक्ती लातूर जिल्ह्याच्या पालकमंत्रीपदी करण्यात आली आहे. याआधी त्यांचे नाव सातारा जिल्ह्याच्या पालकमंत्रिपदासाठी चर्चेत होते, मात्र मुख्यमंत्री देवेंद्र फडणवीस यांनी त्यांची लातूरसाठी निवड करून मोठा निर्णय घेतल्याचे सांगितले जात आहे.
4. बुलढाणा जिल्हा: मदत व पुनर्वसन मंत्री मकरंद पाटील यांना बुलढाण्याचे पालकमंत्रीपद देण्यात आले आहे. त्यांच्या कार्यकाळात जिल्ह्यात मदत व पुनर्वसन कार्यक्रमांना प्राधान्य मिळणार आहे.

महायुती सरकारची उपस्थिती मजबूत

या मंत्रिमंडळ विस्तारामुळे सातारा जिल्ह्याचे राजकीय समीकरण अधिक मजबूत होणार आहे. तसेच, महाराष्ट्रातील विविध जिल्ह्यांमध्ये विकासाच्या प्रकल्पांना गती मिळेल. या नियुक्त्यांमुळे महायुती सरकारची जिल्हास्तरीय उपस्थिती अधिक भक्कम होणार असल्याचे राजकीय तज्ज्ञांचे मत आहे.

Sahas Times, Phaltan,Maharashtra Politics ,Cabinet Expansion ,Satara ,Development Projects,
Slug: maharashtra-cabinet-expansion-district-wise-guardian-ministers