फलटण :- फलटण एज्युकेशन सोसायटीच्या मुधोजी हायस्कूल व ज्युनिअर कॉलेजचे प्राचार्य श्री. सुधीर चिंतामण अहिवळे यांच्या सेवापूर्ती गौरव समारंभाचे आयोजन २८ जानेवारी २०२५ रोजी सायंकाळी ६ वाजता मुधोजी हायस्कूल, फलटण येथे करण्यात आले आहे.
कार्यक्रमाचे प्रमुख पाहुणे आणि मार्गदर्शक
आधारस्तंभ व प्रेरणास्थान:
मा. श्रीमंत रामराजे नाईक निंबाळकर, मा.सभापती, विधानपरिषद, महाराष्ट्र राज्य व अध्यक्ष, फलटण एज्युकेशन सोसायटी.
मार्गदर्शक:
मा. श्रीमंत रघुनाथराजे नाईक निंबाळकर, चेअरमन, कृषि उत्पन्न बाजार समिती व गव्हर्निंग कौन्सिल, फलटण एज्युकेशन सोसायटी.
अध्यक्ष:
मा. श्री. दिपकराव चव्हाण, मा. आमदार, फलटण-कोरेगाव विधानसभा मतदार संघ.
शुभहस्ते:
मा. श्रीमंत संजीवराजे नाईक निंबाळकर, मा.अध्यक्ष, जिल्हा परिषद, सातारा व सचिव, फलटण एज्युकेशन सोसायटी.
सुधीर अहिवळे यांचा शैक्षणिक व सामाजिक प्रवास
सुधीर चिंतामण अहिवळे यांनी प्राथमिक शिक्षण फलटणच्या २ नंबर शाळेत पूर्ण केले. माध्यमिक शिक्षण मुधोजी हायस्कूल व महाविद्यालयीन शिक्षण मुधोजी महाविद्यालयात झाले. विद्या प्रतिष्ठान बारामती येथे शिक्षणशास्त्रात पदवी मिळवल्यानंतर त्यांनी फलटण एज्युकेशन सोसायटीमध्ये अध्यापनाच्या पवित्र कार्याला सुरुवात केली.
त्यांनी आपल्या कारकिर्दीची सुरुवात १९९३ साली नवचैतन्य हायस्कूल, गोंदवले बु. येथे शिक्षक म्हणून ज्ञान्यदानाला सुरुवात केली. ज्योतिर्लिंग हायस्कूल दालवडी ,शिक्षक म्हणून उत्तम काम केले .सिद्धनाथ हायस्कूल व न्युजिअर कॉलेज म्हसवड, मालोजी राजे शेती विद्यालय व ज्युनिअर कॉलेज फलटण येथे तसेच मुधोजी हायस्कूल व ज्युनिअर कॉलेज फलटण येथे उपप्राचार्य तसेच प्रशासक म्हणून त्यांनी उत्तम असे काम केले प्रशासकीय म्हणून आपल्या कौशल्याच ठसा उमटविला त्यांना २०२४ मध्ये फलटण एज्युकेशन सोसायटीचे मान्यबिंदू असलेल्या मुधोजी हायस्कूल व ज्युनिअर कॉलेज फलटण येथे प्राचार्य म्हणून काम करण्याची संधी मिळाली, या संधीचे सोने करत , प्राचार्य पदाच्या कार्यकाळात त्यांनी आपल्या प्रशासकीय अनुभवाच्या जोरावर आदर्शवत असे काम करून दाखविले. . महाविद्यालयीन जीवनामध्ये सुधीर अहिवळे यांनी सामाजिक, शैक्षणिक कार्यामध्ये स्वतःला झोकून देऊन काम केले आहे . १९९१ मध्ये डॉक्टर बाबासाहेब आंबेडकर, महात्मा ज्योतिराव फुले स्मृती शताब्दी वर्षामध्ये फलटण येथील मुधोजी महाविद्यालयामध्ये शिक्षक प्राध्यापक व विद्यार्थ्यांच्या संयुक्त समितीच्या वतीने व्याख्यानमालेचे आयोजन केले होत . यासाठी पुणे विद्यापीठाचे रजिस्टर नलवडे सर, मिलिंद महाविद्यालय औरंगाबादचे सोनकांबळे सर व अर्थतज्ज्ञ तथा आमचा बाप आणि आम्ही या पुस्तकाचे लेखक नरेंद्र जाधव, जिण आमचं या आत्मचरित्राच्या लेखिका सामाजिक कार्यकर्त्या बेबीताई कांबळे यांनी या कार्यक्रमामध्ये आपले विचार व्यक्त केले. मुधोजी महाविद्यालय फलटण येथे छत्रपती शिवाजी महाराज महात्मा जोतीराव फुले व डॉ बाबासाहेब आंबेडकर यांच्या तैलचित्रांचं अनावर करण्यामध्ये सुधीर अहिवळे यांचे योगदान महत्त्वाचे आहे छत्रपती शिवाजी महाराजांनी स्वराज्य घेऊन सुराज्याची निर्मिती केली .भारतरत्न डॉक्टर बाबासाहेब आंबेडकर यांनी समतेचा दिलेला संदेश, महात्मा ज्योतिबा फुले यांनी बहुजनांसाठी केलेले शिक्षणाचे कार्य ,शाहू महाराजांनी आरक्षणाचा पाया रचला अशा थोर पुरोगामी विचारधारेतून सुधीर अहिवळे सरांनी समाजकार्याचा वसा घेतला व सर्वांशी प्रेमाने स्नेहाने मानवतेच्या भावनेतून बौद्ध धम्माची शिकवण जोपासण्याचा प्रयत्न केला .
मार्गदर्शकांचा विश्वास सार्थ ठरवला
. सुधीर अहिवळे यांच्या शैक्षणिक योगदानाला विधानपरिषद माजी सभापती श्रीमंत रामराजे नाईक निंबाळकर, श्रीमंत रघुनाथराजे नाईक निंबाळकर व श्रीमंत संजीवराजे नाईक निंबाळकर यांचे सततचे मार्गदर्शन लाभले. त्यांनी वेळोवेळी दाखविलेला विश्वास सुधीर अहिवळे यांनी आपल्या कार्याने सार्थ ठरवला.विद्यार्थ्यांप्रती असलेली तळमळ, शैक्षणिक गुणवत्ता, प्रशासकीय कौशल्य आणि सामाजिक योगदान यामुळे सुधीर अहिवळे यांची प्राचार्य म्हणून नियुक्ती शिक्षण क्षेत्रासाठी प्रेरणादायी ठरली आहे.
कार्यक्रमाचे आयोजक व निमंत्रक
मुधोजी हायस्कूल व ज्युनिअर कॉलेजचे उपप्राचार्य, पर्यवेक्षक, शिक्षक, शिक्षकेतर कर्मचारी यांच्यातर्फे हा समारंभ उत्साहात साजरा केला जाणार आहे.
स्थळ: मुधोजी हायस्कूल, फलटण
वेळ: मंगळवार, २८ जानेवारी २०२५, सायं. ६.०० वाजता
