मुंबई: राज्याचे ग्रामविकास मंत्री जयकुमार गोरे यांच्यावर एका महिलेने गंभीर आरोप केले आहेत. या महिलेने राज्यपाल आणि विरोधी पक्षातील प्रमुख नेत्यांना पत्र पाठवून मदतीची याचना केली आहे. जयकुमार गोरे (Jaykumar Gore) यांनी आपल्याला त्यांचे नग्न अवस्थेतील फोटो पाठवले होते. हे प्रकरण 2019 साली निकालात निघाले होते. मात्र, आता मंत्री झाल्यानंतर जयकुमार गोरे पुन्हा या महिलेच्या पाठी लागल्याचा आरोप ठाकरे गटाचे खासदार संजय राऊत (Sanjay Raut) यांनी केला होता. जयकुमार गोरे हे मुख्यमंत्री देवेंद्र फडणवीस यांच्या जवळचे नेते आहेत. त्यांच्यावर अशाप्रकारचे गंभीर आरोप झाल्याने राजकीय वर्तुळात खळबळ उडाली होती. या पार्श्वभूमीवर जयकुमार गोरे यांनी मुंबईत विधिमंडळाच्या आवारात प्रसारमाध्यमांशी संवाद साधत आपली बाजू स्पष्ट केली.

माझ्यावर 2017 साली एक गुन्हा दाखल झाला होता. दोन वर्षे हा खटला सुरु होता, 2019 मध्ये या प्रकरणाचा निकाल लागला होता. त्या निकालाची प्रत माझ्याकडे आहे. मला या प्रकरणात न्यायालयाने निर्दोष मुक्त केले आहे. त्यावेळी न्यायालयाने मोबाईल आणि इतर मुद्देमाल जप्त करण्याचे आदेश दिले होते. लोकशाहीत न्यायालय सर्वोच्च असते. तुम्हीही (पत्रकार) त्यापेक्षा मोठे नाही. हा निकाल येऊन सहा वर्षे झाली आहेत. किमान कुठल्यावेळी विषय समोर आणावा, याला राजकीय लोकांनी मर्यादा ठेवली पाहिजे, असे मला वाटते. मी सामान्य कुटुंबातून आलो आहे. माझ्या वडिलांचं सात दिवसांपूर्वी निधन झालं. मला भावनिक विषय करायचा नाही. पण ज्या वडिलांना मला संघर्ष करुन मोठं केलं, वाढवलं त्यांच्या मृत्यूनंतर मला अस्थीविसर्जनही करुन देण्यात आले नाही. इतक्या खालच्या पातळीचं राजकारण विरोधक करतील, ही अपेक्षा मला नव्हती. पण शेवटी राजकारणात अशा गोष्टी होत असतात. मला विचारलेल्या प्रश्नांची उत्तरं देणे माझी जबाबदारी आहे, असे जयकुमार गोरे यांनी म्हटले. 

माझ्यावर आरोप करणाऱ्यांवर हक्कभंग आणणार, जयकुमार गोरेंचा इशारा

ज्यांना आज माझ्यावर आरोप केले त्या प्रत्येकावर मी आजच सभागृहात हक्कभंग प्रस्ताव आणणार आहे. तसेच ज्यांनी माझी बदनामी केली त्या संबधितांवर मी अब्रुनुकसानीचा खटला दाखल करणार आहे. मी अजूनही संबंधित महिलेला त्रास देतोय, असा आरोप केला जात आहे. मी या महिलेला त्रास दिला असेल तर पोलिसांनी त्याची चौकशी करावी. या तपासात मी किंवा संबंधित महिला जो कोणी दोषी आढळेल त्याच्यावर कारवाई करावी, असे जयकुमार गोरे यांनी म्हटले.

2019 मध्ये सातारा जिल्हा सत्र न्यायालयाने या प्रकरणात जयकुमार गोरे यांची निर्दोष मुक्तता केली होती. जे रेकॉर्ड होतं ते देखील हटवण्याचे आदेश दिले होते, अशी माहिती गोरे यांच्या कार्यालयाकडून देण्यात आली आहे. मात्र,जयकुमार गोरे यांना विवस्त्र फोटो पाठवल्याप्रकरणी त्यावेळी न्यायालयात महिलेची माफी लागली होती, असा आरोप आता केला जात आहे.

आणखी वाचा

मंत्री जयकुमार गोरेंनी महिलेला नग्न फोटो पाठवल्याचा आरोप, भाजपच्या गोटातून पहिली प्रतिक्रिया

अधिक पाहा..

Jaykumar Gore : बीड जिल्ह्यातील केज तालुक्यातील मस्साजोगचे सरपंच संतोष देशमुख यांच्या निर्घृण हत्येनंतर अडचणीत सापडलेल्या धनंजय मुंडे यांचा राजीनामा पडून काही तास होत नाही, तोपर्यंत आणखी एक मंत्री आता अडचणीत आला आहे. पहिल्याच प्रयत्नात थेट ग्रामविकास आणि पंचायतराज मंत्रीपदाची संधी मिळालेल्या जयकुमार गोरे यांच्यावर गंभीर आरोप झाले आहेत. जयकुमार गोरे यांनी स्वत:चे नग्न फोटो महिलेला पाठवल्याचा आरोप होत आहे. जयकुमार गोरे यांच्याकडून सरसेनापती हंबिरराव मोहितेंच्या कुटुंबातील महिलेचा छळ केल्याचा आरोप संजय राऊत यांनी केला आहे. मंत्रालयासमोर महिला उपोषण करणार आहे. 

जयकुमार गोरे यांना याच प्रकरणात जेल 

सातारा जिह्यातील माण-खटाव मतदारसंघाचे आमदार जयकुमार गोरे हे सध्या मंत्रीमंडळात ग्रामविकास आणि पंचायतराज मंत्री आहेत. त्यांना महायुती सरकार स्थापन झाल्यानंतर मोठी संधी मिळाली आहे. दरम्यान, 2016 मधे काँग्रेसमधे असताना जयकुमार गोरे यांनी एका महिलेला स्वत:चे नग्न फोटो पाठवले होते. असे आक्षेपार्ह फोटो पाठवल्याप्रकरणी जयकुमार गोरे यांच्यावर गुन्हा दाखल झाला होता. त्यानंतर अटक टाळण्यासाठी जयकुमार गोरे यांनी सातारा जिल्हा न्यायालय आणि मुंबई उच्च न्यायालयात धाव घेतली होती. मात्र, न्यायालयाने अटकूपर्व जामीन अर्ज फेटाळला होता. त्यानंतर जयकुमार गोरे यांना अटक होऊन दहा दिवसांची जेलमधे रवानगीही झाली होती. त्यानंतर त्यांना जाामिन मिळाला होता. 

जुने प्रकरण पुन्हा समोर का आले?

2016 मध्ये जयकुमार गोरे यांना या प्रकरणात जामिन मिळाल्याने या प्रकरणची चर्चा झाली नव्हती. संबंधित महिलेला जानेवारी महिन्यात निनावी धमकीचे पत्र आल्यामुळे तिने पुन्हा जयकुमार गोरे यांच्यावर आरोप करण्यास सुरुवात केली आहे. त्यानंतर संबंधित महिलेनं पत्र पाठवून कारवाईची मागणी केली आहे. 

17 मार्चपासून विधान भवनासमोर आमरण उपोषण करणार

दरम्यान, मंत्री जयकुमार गोरे यांनी 2016 मध्ये आपले विवस्त्र फोटो एका महिलेला पाठवल्याचे प्रकरण पुन्हा समोर आले आहे. या प्रकरणातील महिलेने त्यावेळी दाखल केलेली तक्रार तिच्या नावासहित काही व्हाट्सअॅप ग्रुपवर गेल्या काही दिवसांपासून पूर्वी फिरवली गेली असल्याचा आणि त्याची एक प्रत माझ्या घरी मुद्दाम पाठवली केली असल्याचा आरोप या महिलेने केला आहे. याप्रकरणी या महिलेने राज्यपालांना पत्र लिहून मंत्री जयकुमार गोरे यांच्या विरोधात 17 मार्चपासून विधान भवना समोर आमरण उपोषण करणार असल्याचा इशारा देखील दिला आहे. संबंधित महिला ही सरसेनापती हंबीरराव मोहिते यांच्या घराण्यातील असल्याचं राज्यपालांना दिलेल्या पत्रात म्हटलं आहे.

विजय वडेट्टीवार यांचा हल्लाबोल

काँग्रेस नेते विजय वडेट्टीवार यांनी म्हटलं की, राज्यातला एक पैलवान मंत्री, रोज व्यायाम करणारा, तो विवस्त्र फोटो महिलेला पाठवतो. हा मंत्री पश्चिम महाराष्ट्रातील आहे. 10 दिवस जेलची हवा खातो. त्याच्या पलीकडे जाऊन 10 हजारांचा दंड भरून न्यायालयात माफी मागतो. त्यानंतरही तो महिलेच्या मागे लागतो. विवस्त्र फोटो पाठवलेला मंत्री जर मंत्रिमंडळात असेल तर यापेक्षा लज्जास्पद, महाराष्ट्राच्या इतिहासात अशा काळ्या मंत्र्याची यादी रोज वाढत चालली आहे. 

महिला उपोषण करणार, संजय राऊतांचा आरोप 

खासदार संजय राऊत यांनी थेट नाव घेत सरकारला टार्गेट केले. भाजपचे मंत्री, देवेंद्र फडणवीसांचे अत्यंत लाडके जयकुमार गोरे यांच्याबाबत हे समोर येत असल्याचे ते म्हणाले. शिवकाळातील सेनापती हंबीरराव मोहिते यांच्या कुटुंबातील एका स्त्रीचा या मंत्र्याने छळ आणि विनयभंग केल्याचं समोर आले. ही महिला पुढील काही दिवसात विधानभवनासमोर उपोषणाला बसणार असल्याचे ते म्हणाले. 

इतर महत्वाच्या बातम्या 

अधिक पाहा..

मुंबई: राज्याचे ग्रामविकास मंत्री आणि भाजपचे नेते जयकुमार गोरे यांच्यावर एका महिलेने गंभीर आरोप केले आहेत. जयकुमार गोरे यांनी पीडित महिलेला विवस्त्र फोटो पाठवले, असा दावा केला जात आहे. जयकुमार गोरे (jaykumar gore) हे मुख्यमंत्री देवेंद्र फडणवीस यांच्या जवळचे नेते मानले जातात. त्यांच्यावर अशाप्रकारचे गंभीर आरोप झाल्याने महायुती सरकारमधील (Mahayuti Government) कलंकित नेत्यांच्या यादीत आणखी एका नावाची भर पडली आहे. याविषयी भाजपचे प्रदेशाध्यक्ष चंद्रशेखर बावनकुळे (Chandrashekhar Bawankule) यांना विचारणा करण्यात आली. यावर बावनकुळे यांनी म्हटले की,  मला याबद्दल माहिती नाही. याच्याबद्दल माहिती करुन घेईन आणि सांगेल, असे सांगत चंद्रशेखर बावनकुळे यांना काढता पाय घेतला.

जयकुमार गोरे यांच्यावर महिलेने केलेल्या आरोपांचा नेमका तपशील अद्याप समोर आलेला नाही. मात्र, ठाकरे गटाचे खासदार संजय राऊत आणि विरोधी पक्षनेते विजय वडेट्टीवार यांनी जयकुमार गोरे यांच्यावर करण्यात आलेल्या आरोपांबाबत भाष्य केले. संजय राऊत यांनी म्हटले की, हंबीरराव मोहिते यांच्या कुटुंबातील एका स्त्रीचा या मंत्र्यानी कसा छळ आणि विनयभंग केलेला आहे, या संदर्भातली माहिती समोर आली आहे आणि ती महिला, ती अबला पुढल्या काही दिवसांमध्ये विधानभवनासमोर उपोषणाला बसणार आहे, अशी ती बातमी आहे. संजय राठोड तुमच्या मंत्रिमंडळात आहे, आता हे एक पात्र नवीन निर्माण झालं. देवेंद्र फडणवीस यांनी त्यांच्या मंत्रिमंडळातील मंडळातील पत्ते पुन्हा एकदा पिसले पाहिजेत. त्यांनी पुन्हा एकदा सर्व मंत्र्यांची झाडाझडती घेतली पाहिजे. त्यांच्या मंत्रिमंडळातील सर्व रत्न त्यांनी पुन्हा एकदा तपासली पाहिजेत. जयकुमार गोरे यांच्याबाबत समोर आलेली माहिती अत्यंत धक्कादायक आहे. ही गोष्ट गंभीर आहे आणि महाराष्ट्राला काळीमा फासणारी आहे. हंबीरराव मोहिते यांच्या कुटुंबातील स्त्रीचा विनयभंग केला आणि तो मंत्री तुमच्या मंत्रिमंडळात असेल तर त्यामुळे महाराष्ट्र कलंकित होतोय, असे संजय राऊत म्हणाले.

जयकुमार गोरे मंत्री झाल्यावर महिलेच्या पाठी लागले, वडेट्टीवारांचा आरोप

एक पश्चिम महाराष्ट्रातला मंत्री महिलेला विवस्त्र फोटो पाठवतो. जेलमध्ये जाऊन येतो आणि मंत्री झाल्यावर तिच्या पाठी लागतो. पहिल्या महिला राष्ट्रपतींची जमीन लाटतो, असे वक्तव्य विजय वडेट्टीवार यांनी केले. सातारा जिह्यातील माण-खटाव मतदारसंघाचे आमदार जयकुमार गोरे यांनी 2016 पासून फक्त सरसेनापती हंबीरराव मोहिते यांच्या घराण्यातील वारस असल्यानेच आपल्याला त्रास दिल्याचे महिलेचे म्हणणे आहे. जयकुमार गोरे यांची त्यांचे विवस्त्र फोटो मला मोबाईलवर पाठवले. या त्रासाला कंटाळून सातारा पोलिसांकडे तक्रार दाखल केली असून गुन्हा नोंद झाला आहे. पण अटक टाळण्यासाठी गोरे यांनी सातारा जिल्हा न्यायालय आणि मुंबई उच्च न्यायालयात धाव घेतली होती. पण त्यांचा अटकपूर्व जामीन अर्ज फेटाळल्याने त्यांना अटक झाली होती. ज्यानंतर गोरे यांना दहा दिवसांची जेलमध्येही जाव लागलं, असं महिलेने राज्यपालांना पाठवलेल्या पत्रात म्हटले आहे. महायुती सरकारने याबाबत योग्य कारवाई न केल्यास 17 मार्चपासून विधान भवनासमोर आमरण उपोषण करण्याचा इशारा महिलेने दिला आहे.

आणखी वाचा

देवेंद्र फडणवीसांच्या मंत्र्यांने स्वत:चे नग्न फोटो महिलेला पाठवले, संजय राऊतांनी नाव घेतलं, पश्चिम महाराष्ट्रातील बडा नेता रडारवर!

अधिक पाहा..